ازيكوا يا مدامااااااات يا قمرات جيت افيدكوا بتجربتى فى فترة النفاس بصوا بقى الفترة دى بتبقى صعبة جداااا لانك بتبقى تعبانة من عملية الولادة ولسة مفوقتيش وفى نفس الوقت بتبقى المفروض تاخدى بالك من البيبى بتاعك دة غير بيتك وجوزك طبعا وجود الاهل معاكى فى الفترة دى مهم جدا لانة بيساعدك وبيشيل عنك شوية وفى حاجة كمان مهمة فى الفترة دى لازم لااازم تخلى وقت لنفسك ولو 5 دقائق علشان لو مهتمتيش بنفسك وبنظافتك وبجمالك هتتعبى نفسيا وتحسى انك مخنوقة ودة اللى بيسموة اكتئاب بعد الحمل انا هقولكوا على شوية حاجات صغيرة كدة عملتها فى الفترة دى علشان تخلينى فريش شوية ومان هقولكوا على احسن حاجات استخدمتها للفترة دى ومتوفرة فى اماكن كتير تقدروا تجبوها بسهولة
من ناحيه النظافه الشخصيه:
لازم لاااازم اول حاجة تاخدى شاور كل يوم طبعا دة فى الصيف مش فى الجو الثلج دة :d متنسيش انك بترضعى ومتنسيش بردة ان الشاور الدافى دة هيفوقك طول اليوم وهيظبط مزاجك كتير.
استخدمى غسول طبى كويس مرة فى اليوم يا اما تسالى الدكتورة بتاعتك يا اما تستخدمى غسول من المشهورين اوى انا مثلا استخدمت جولد للمنطقه الحساسه وكمان استخدمت سيتيال بس الصراحة جولد اقوى لو عايزة غسول خفيف استخدمى سيتيال وطبعا انتوا عارفين اهمية الغسول انة بيقلل الباكتريا والفطريات
- نيجى بقى للفوط الصحية اللى المفروض تستخدميها فى الفترة دى طبعا فى انواع كتير وفى ناس كتير بتستخدم الويز وبرايفت انا بقولكوا لو فاكرين ان فترة النفاس زى البريود تبقوا غلطانييييييييين خااااااااااالص احسن حاجة انك تستخدمى الفوط الصحية المخصصة لفترة النفاس علشان تريحك ومتقعديش كل نص ساعة عايزة تغييرى او الفوط تسرب كل شوية ويبقى شكلك وحش اوى قدام جوزك او لو خارجة برة البيت هتبقى كارثة طبعا كل ست ليها طبيعة جسم تختلف عن التانية علشان محدش يطلع يقولى انا كانت عندى خفيفة وكامك غلط بس انا بقول على المعظم وانا شخصيا استخدمت فوط دراى بوست المخصصة لفترة النفاس الفوط دى جميلة جداااا مش قادرة اقولكول تحفة اد اية وبتمتص كويس اوى ومريحة فوق الوصف ومش بتكون اى ريحة وحشة وممكن تلبسيها فترة طويلة وميبقاش فيها مشكلة وهتلاقوها فى العزبى ورويال هاوس.
استخدمى برفان هادى وخفيف لانة هيحسسك بانتعاش وابعدى عن البرفانات الجامدة والقوية لان ابنك مش هيتحملها .
- استخدمى ملح الحليب وانتى بتاخدى الشاور بتاعك لانة هيشيل الخلايا الميتة ومش بياخد وقت منك خالص.
طبعا كلنا عارفين ان فى الفترة دى الشعر بيقع بصورة اكبر من الطبيعى ودة بيبقى لنقص فى الكالسيوم والفيتامينات وعلشان كدة ممكن قبل ما تدخلى تاخدى الشاور بتاعك تحطى زيت زيتون فى شعرك لمدة ربع ساعة او زيت خروع واهتمى جدااا باكلك خلال الفترة دى وكلى جرير كتير وخضروات ومتنسيش البن اهم حاجة.
* لازم تحافظي على نظافة الثدي بالماء دون الصابون وقد يكون الماء أحياناً غير ضروري لأن جلد الحلمتين ينظف نفسه بمطهر طبيعي يدعى ليزوزيم. و اغسلى ايديكى بالماء والصابون قبل الإرضاع للوقاية من الجراثيم.
حاولى تلعبى رياضة على اد ما تقدرى او انزلى اتمشى واشترى طلبات البيت لان الرياضة مهمة جداا وبتظبط نفسيتك
فى شوية نصائح مهمة جايباها من الانترنت لازم تعرفوها :
* يجب تجنب الجماع الى ان يتم غلق عنق الرحم
ارتدي ملابس المريحة (بجاما) ولبس (الجوارب) وعدم السير حافية القدمين على أرض باردة كالسيراميك حتى لايدخل الهواء إلى الرحم
*ويكون غذاء الأم غني بالألياف للوقاية من الإمساك وتحسين المقوية العضلية للأمعاء وحاوي على كميات كبيرة من السوائل ( 2 - 3 لتر ) كل يوم لما له دور في إدرار الحليب.
من ناحيه الغذاء والمشروبات
مشروباتك
لاتكثري من شرب المنبهات اذاكنت ترضعين فلن يرتاح طفلك في نومه لان الكافيين سينتقل لطفلك عن طريق الحليب وسوف ينافسك في السهر .
ابتعدي كل البعد عن شرب عصير الليمون لانه ماسك لدم النفساء.
اللبن يفضل عدم شربه فترةالنفاس لانه ينفخ البطن ويرخي الرحم
تجنبي شرب المشروبات الباردة جدا والمثلجة.
يجب على المرضع تجنب الأدوية دون استشارة طبية لأن بعض الأدوية تطرح مع الحليب وتؤثر على الرضيع.
غذائك
اكثري من البروتينات لانك بحاجتها في هذا الوقت وهي ( لحم الغنم – الدجاج – الحمام – السمك ) اكثري من تناول السمك لانه يعوض جسمك كل الذي فقدتيه .
تجنبي الفواكه الثقيله مثل الموز والبطيخ والشمام والخضار مثل الكوسا والخضروات الورقيه عموما .
عليك ان لاتصابي بالجوع ولا بالشبع الزائد لان كلاهما مضر لك .
* هناك علاقة قويه بين الرضاعة الطبيعيه وسرعة عودة الرحم الى وضعه الطبيعي حتى يعود بطنك الى سابق عهده عليك بارضاع طفلك .
02-24-2015, 01:33 AM
المرأه فى وقت النفاس
lollos 2015 
جديد منتدى منتدى فترة النفاس
العرض العادي
