تجمع الحوامل اللاتي سيلدن بشهر محرم 1432

[منتظره]

مزوون الله يرجع اخوج بالسلامه

انا والله للحين ماجهزت وانا مثلك ياقلب نوافي للحين مو عارفه جنس الجنين

شكلي بجهز الوان محايده

[مزgggن الشرق]

الله يجزاكم ألف خير ,,, والله يصبرني ويصبر امي

انا صراحه مافكرت اجهز ,,, احس بدري

راح اجهز بعد إجازة العيد ,إن شاء الله

احس اللحين دوام الجامعه ومالي خلق حتى , احس نفسياً تعبانه

فكرت إن شاء الله بعد العيد , أبدا تجهيز

راح آخذ من تخفيضات السنه الجديده إن شاء الله

[زهرة البنفسج]

حبيبتي مزون لاتخافين ولاتقلقين كلها كم يوم ويجي بإذن الله بالسلامه ..
قلب نوافي انا ماقضيت بس بتأكد ان شاء الله من جنسه وابدأ ..انا كشفت في الرابع اشاعه عاديه ..والحين بسوي ثلاثيه او رباعيه واتأكد ان شاء الله عشان من جد ملابس البنات تهبل اكثر لو كانت بنت مااحرمها ولو ولد بعد في اشياء مره نايس للاولاد ..تأكدي احلى
ربي يتمم لنا بخير ونقوم بالسلامه حنا واطفالنا يارب..

[مزgggن الشرق]

بنات شنو رايكم نوقت ساعه معينه , نجتمع فيها ,<<< يعني نحدد ساعه من كل يوم نجتمع فيها هنا

احسن من كل وحده تدخل , وتحذف لها كم كلمه , وترجع اليوم الثاني حتى تحصل الرد

شوفوا الوقت المناسب لكم ,, وحددوه

[منتظره]

فكره جيده لكن

لاازم تكون الساعه مناسبه للجميع

نشوف راي الباقي

[زهرة البنفسج]

انا بعد معاكم احس احلى نتفق على ساعه معينه يكون فيها تفاعل وننبسط سوا ..
بس اخاف احدد وقت مايناسب الكل مدري ..اش رايكم بعد المغرب او بعد العشا؟؟
قرروا وردوا وانا معاكم في اي وقت عادي

[▂▃ سوسو القمر ▃▂]

الاء حبيبتي ان بخير انتي شخبااااارك واخبااار البيبي

فكره حلووه ان نجتمع وناخذا اخباار بعض
انا افضل بعد العشاء وانتم شرايكم

[▂▃ سوسو القمر ▃▂]

بنااات كل وحده تدش تقولنا وزن البيبي عندها كم ,,
انا امس دكتورتي تقولي وزنه كيلو و300

[الودود]

هلا حبوبات شو اخباركم وسعيدة للإنضمام معكم

[الغلا بعيونها]

السلام عليكم ورحمة الله وبركاته
ممكن تضيفوني معاكم
انا اخر دورة كانت في1 /4
اتوقع ولادتي في 16 /1