دردشة حوامل أهل الرياض - دردشة بنات الرياض - تجمع حوامل الرياض

[همسه ود]

حبيبتي المحلات اذا خفضت تخفض جميع الفروع في المملكه كامله وانا شاريه الشنطه من سنتر بوينت بس الفرع الى تقولين ماقد رحت له
دايم اروح فرع اليورمارشيه لانه قريب مني
والجامعي والده فيه بنتي الاولى خياطتهم كويسه مره بس اذا كان وقت الدوام الرسمي يمكن يدخل عليك طلبه يحضرون الولاده بس انا كانت ولادتي يوم جمعه ماحضر احد من الطلبه بس خالتي وبنت عمتي حضرو طلبه عند الولادة لانه كان وقت دوام هذا الى يخوفك واذا كان حملك الخامس او الاول فقط يدخلونك او يرفضون يولدونك حتى لو كان عندك ملف والله ييسر لك والنيرسات فلبينيات او سلانكيات شايفين انفسهم ويهون على الجميع

[ام الحلوووين]

سلااااااااااام فيه احد هنااااااااااااااااا

[أم ليان 1000@]

همسة ود أختي بغيت أسألك الجامعي لو رحت لهم وقت الولادة بيولدوني وإلا لا مع العلم أن هذا حملي الثاني

[$حبيبة زوجي سطومي$]

اهئ اهئ اهئ
حسبي الله على الجامعي رفضوني
رغم اني جايبه تحويل من الوحده الصحيه اللي تبع زوجي لانها تحول لهم وللشميسي ولسلمان
وبالاخير رفضووووووووووووني قالوا ايش لانها ماجت تفتح الملف الا بالشهر السادس متااخره مررره
يقولون لازم من الشهور الاولى
والمشكله هذا اول مولود والله جالسه اكتب واصييييح من الضيقه والخوف
لان زوجي يقول باخذ تحويله من دكتورتك للشميسي
بس خايفه كلن يذم الشميسي تكفوووووووووون مالي الا انتوا بعد الله
من جربت تولد بالشميسي او احد والد ابي هالايام او هالشهور
لان لو ماقبلوني مالي الا سلمان
والله ضايق صدري خففو علي وعلموني
صدق التامين يظلم كثير من الناس
لو عندنا تامين ماصار لي هاللي يصير

[أم ليان 1000@]

حبيبة سطومي هــــــــــــــــــــــــاه أنا مثلك بالسادس ولسى ما فتحت ملف يعني لو أروح للجامعي بيطردوني ؟؟؟؟ طيب إذا جيتهم وأنا معي طلق بيولدوني وإلا لا ؟؟؟؟ وأقدر أولد عندهم على حسابي وإلا لا ؟؟؟؟؟؟؟

[$حبيبة زوجي سطومي$]

هلا اختي ام ليان
والله اللي اعرفه على قولت بنت عمتي لان زوجها عندهم
تقول تغير عن اول لازم تجيبين تحويل من مستوصف او مستشفى بكل اوراقك ومراجعاتك ولازم تكونين بالشهور الاولى يعني لين الشهر الثالث

او من تتاخرت الدوره تروحين عندهم تكشفين وتسوين تحليل حمل ويفتحون لك ملف يعني اول حملك

انتي مثلي لو بتروحين للمواعيد الصبح عشان تفتحين الملف
بيسئلونك انتي بااي شهر وهل اول مولود لك اذى كنتي والده عندهم الولد الاول
ولازم يكون مولودك الجديد يكون الولد الخامس والا مايقبلونك

انا والله زوجي راح لهم وتمرمط له اسبوع ونص رايح لهم وتوهم يردون عليه تخيلي
هذا وهو شغله تبع الجامعي
بس الله مااراد يمكن خيره

انا قلت لبنت عمتي طيب ماعلي منهم ان جاني طلق الولاده بروح لهم
قالت لاتتعبين نفسك مراح يستقبلونك لو يشوفونك ميته عندهم
قلت حشى والله قالت ايه تغيرو نزلو انظمه ولجنات وحوسه بالهمستشفى حسبي الله عليهم هذا وهو حكومي بعد من الدوله بس الله يخلف علينا
مدري روحي وجربي بس الله يعين نفسيتك او نفسيت زوجك هالصبح عندهم ويلطعونكم لطعه الله يعين

[بوح المشاعر]

السلام عليكم

هونيها ياحبية سطووووومي

يمكن خيره من الله صحيح الوحده منا تسعى وراء السبب

والاولاده تسهيل وتيسير من الله
وتسخير متدري لو تجي الولاده فجاه من غير تعب وتلدي بأقرب مستوصف كثير تحصل

انتي ادعي الله يسهل لك وان شاء الله بتتيسر أمووورك لاتعبي نفسيتك من اللحين توك الشهور قدامك لاتزيدي تعبك تعب
ترى مو زن للحامل اتعب نفسيتها وش ذنب النووووووووونو

[عذب]

سلام عليكم

[عذب]

سلام عليكم

[بوح المشاعر]

وعليكم السلااااااااااااام

حياك الله