قصة ولادتي لحالي ربيت

[روح سعيد]

هلا خواتي العزيزات راح اكتب لكم قصة ولادتي
خلصت تاسع وما ياني ويع الولادة بعد خمس ايام وانا انتظر فقررت اروح مستشفى عشان طلق صناعي بعد ما صَلَّيْتَ الاستخارة روحا مستشفى والكل يقولي الله يعينج من طلق الصناعي وهذي لي تجربه أولى مع طلق الصناعي والله انه أريح من وجع الولاده يلي يطول بساعات الكثيرة


خذيت الطلق الصناعي يلي هو تحميله في الرحم وكان فاتح بس 1 تخيلو قالت لي دكتوره ما راح تولدي من اول تحميله لنه الرحم مب مفتوح سألتها متى تحميله الثانية قالت بعد سبع ساعات قلت الله بعيني

خذيت تحميله ساعه 9 الصبح وبعد ساعه حسيت وبجع خفيف عقد في قسم الترقيد مال الولاده مب قسم المخاض وطبعا يبعد مسافه. و ياني الوجع الصدق الساعة 1 ظهر وخبرت أمي ويت عندي على وحده وربع البيت قريب من مستشفى
وطول التفرع وانا اقرأ القران وادعيه


وخبرت سيتر انه فيني ويع وجابت التخطيط وطلع فيني ويع وصل فوق 100 وأقول لها بالله ودوني قسم المخاض قالت لا انتي ما فيج ويع ويا فيني خلاص كل ثلاث دقائق وسارت عني سستر ورجعت بقيت الجرس ويت وقالت هذا وجع تحميله مب ولاده وانا اصارخ وأقول وجع ولاده وأمي تنازعها ما شى فايده وتخيلو زاد ويع خلاص


وسويت البوش وطلعت بنتي القمر طبعا محد غير أمي وهني أمي انها ت وطلعت اصارخ وتقول بنتي ربت وين الحريم في قسم ودخلن الغرفة من غير رياييل انا اصارخ خفت وأمي طلع الحريم من الغرفة وطبعا ركضن ممرضات ودكتوره فوق 6 يوني الغرفة وسحبت بنتي وقصت الحبل وشلوها بسرعه لنه مكان بارد بعد ساعتين يابوها لي
وقعدن يعتذرون لي من ممرضات ودكتوره



وانا ياني هبوط في ضغط من الصدمة اني ربيت بروحي
بعد ساعه تعدل عندي ضغط والحمدلله


زوجي مصر انه يشتكي بس انا قلت له خلهم ما زال بنتي في صحة وعافية ما ريد شى

كتبتها لكم بسرعه قصة الولاده اعذروني اذا فيه اخطاء




خواتي عليكم بالصدقة وقرأت القران صدقوني تسهل الولاده والله يرزق جميع أخواتي في المنتدى


تاريخ الولاده كانت 20-5 -2014

[حمووشه المطيري]

الحمدلله ع السلااامه

يا حبيبتي ربي فرجها عليج وساعدج الحمدلله انها عدت على خير بس حسبي الله عليهم ليش ما صدقوووج اكيد هذا مستشفى الحكوومي مالت عليهم بلا ذمه ولا ضمير

[دعاء الصابرين]

الف مبرووك حبيبتي
وحمد الله على سلامتك . كله بأجره وثوابه

[رونـــق!!]

..

هههههههههه

سبحان الله ,, ربي سهلها عليك لأنك توكلتي عليه صدق التوكل ,,

ألف الحمدلله ع سلامتك ,,

وربي يخليها ويصلحها لك ,,

وألف مبرووك ياقلبي ..

[دموع الليل]

الحمدلله على سلامتك
تتربى بعزكم

[أم جوود.]

الحمدلله على السلامة والف مبرووووك تتربى بعزك ان شاءالله

[بحــ العيون ــــــــر]

الف الف مبرووك يا الغلا وحمد الله على سلامتك

[قلب الاميري]

حبيبتي والله حسيتج صدق عانيتي .. يلا الحمدلله على سلامتج انتي والبيبي .. وتتربى البنوتة في عزكم ان شاء الله ...

[دلوعة بالحيل]

الحمدلله على سلامتك و سلامه البنوته
تتربي بعزكم و ربي يحفظها لك

[الصبر ضياء]

الحمد لله على السلامة
بس لازم تقولي شو هي المستشفى عشان الواحد ينتبه وشكرا