تجمع الجزائريات الغاليات المتأخرات في الحمل ‏

[أمة الرحمان السلفية]

[أمة الرحمان السلفية]

المشاركة الأصلية كتبت بواسطة bassouma

أمة أنا سمحيلي راني فلخدمة ندخل و نخرج كي فار ههههه بصح لبنات هجرو تجمع منيش عارفة علاش

اسماح عمري لالا رني التجمع كيفاش كان وكيفاش رهو ذرك تقول عين طرطقة فيه

[bassouma]

أمة ولله لعندك الحق كل يوم ندخل ما نصيب حتى وحدة و نعاود نخرج
مثلجات لكان نجربهم بالفوي يطلعو و لزم باتور

[عبير الحرية]

السلام عليكم
لبنات واش راكم
أمة حنونه ما تقلقيش امسحوها فيا و الله كل واحدة و ظروفها
انا مثلا و الله العلي العظيم
عندي مشاكل كبيرة ربي وحده اعلم بالظروف و ربي يسلكها على خير
و الله ما عندي حتى الرغبة و كي نت فكر اللمة و نشوفك هنا ندخل
ما تغضب يش و تروحي
واش راكي بسومه

[om.mess'ab]

اهلين ام مصعب الحمد لله ربي يتمملك على خير و يرزقنا كامل

الف مبروك اختي ام مصعب ان شاء الله انتم السابقون ونحن اللاحقون

ام مصعب الف مبرووووووووووووك

السلام عليكم
ألف مبررررررروووووك أم مصعب ربي يثبت حملك و عقوبا لينا
أمة يعطك الصحة حبيبة دائما محلية تجمع

ام مصعب الف الف الف،،،،،،،،،،،،،،،،،،،،،،،،،،،،،،مبروك
وان شاء الله نسمع بشارة الباقيات في القريب العاجل يا رب

اختي ام مصعب الف الف الف مبروك وربي يثبتلك حملك ويطلعك على خير

السلام عليكم اخواتى


جميلة ومتفائلة واسماء بسومة وغفران وامة كيما فرحتولى الله يفــــــرحكم ويجي نهار

نبوركلم ... كي ليوم ... باذن الله °

" ربي لا تذرني فردا وأنت خير الوارثين
ربي هب لي من لدنك ذرية طيبة إنك سميع الدعاء "
" ربنا هب لنا من أزواجنا وذرياتنا قرة أعين واجعلنا للمتقين إماما "
يا رحيم يا رب العرش العظيم نسألك بعزك الذي لا يرام وبملكك الذي لا يضام وبنورك الذي ملأ أركان عرشك أن ترزقنا الولد الصالح "

" اللهم لا مانع لما أعطيت ولا معطي لما منعت "

" اللهم ارزقني ولدا واجعله تقيا ذكيا ليس في خلقه زيادة ولا نقصان واجعل عاقبته إلى خير "

[عبير الحرية]

ام مصعب الف مبررروك أختي ربي يحفظ حملك و يتم ملك على خير يارب
لعقوبة للبنات كامل

[bara]

المشاركة الأصلية كتبت بواسطة om.mess'ab

السلام عليكم يا بنات

ام نهى أم عمر نور الهدى امولة بسومة عبير بارا غفران وامة الرحمان وكل القديمات والجديدات اللى ماذكرتهمش
سامحونى

كيف أحوالكم ...؟ أتمنى تكونو بخير والله ليكم وحشة


انا حبيت نطمن عليكم وشكلكم غايبين ؟ وحبيت نخبركم باللى الله من علي بالحمل الثانى ان شاء الله



خرجت نتيجةايجابية فالتاست وراح نزور الطبية يوم الثلاثاء والوحم راه بدا عندي وحابة نطلب

منكم تدعولى ربي يخفف عليا لأنو يطيحنى فراش ...


وانا ندعي الله يرزقكم بالذرية عاجل غير آجل
يارب


بــــــــــــــــــــــاذن الله حبيباتـــــــــــــــــــــــي °

الف الف الف الف الف الف الف الف الف الف الف مبروك
ربي يثبتلك حملك وعقبا لبنات

[jiji belle]

السلام عليكم حبيباتي
اسمحولي و الله ماراني قاعدة مع الخدمة
ام مصعب الف الف مبروووووووك و لعقوبة لينا كاااااااامل يا رب

[alma021]

السلام عليكم اخواتي الغاليات ان شاء الله تكونو قاع بخير يارب
انا والله متابعتكم دايما ولكن موليتش نحط مشاركات و ردود لخاطرش كنت دايرة هدف في بالي وماتحققليش والحمد لله على كل حال كنت نطلع ونهبط في الاحلام كنت نقول ماندخلش هاد الايام نصبر حتى يجي نهار الدورة كي ماتجيش ندير التاست وندخل نبشرهم ......... ولكن ... تجري الرياح بما لا تشتهي السفن ....... اليوم شرفت الدورة ااااااااااه والله العظيم غير راني نتالم من اعماق اعماق قلبي ...... على بالي تقولولي رانا حاسين بيك وقاع رانا في نفس الموقف ورانا عايشين نفس اللحظات .....ر ولكن اللي اثر فيا هاد المرة اكثر زوجي والله العظيم غير حسيت بيه يبكي دم من قلبو كي شفتو هكدا نضريت والله دايما عندي الكوراج بصح اليوم راحلي فشلت اه ياربي واش ندير ماباليد حيلة ........ رحمتك يا الله
..... حبيت نقولكم قصتي وان شاء الله لبنات تتفهموني وماتزعفوش مني لاني ماقلتلكم من قبل وهدا لظروف اسمحولي انا في شهر مارس اللي فات عملت عملية تلقيح اصطناعي عملتها في كلينيك الوالدين بالعاصمة ولكن للاسف مانجحتليش عملتها انا ووحدة اخرى في نفس اليوم وبقيت معاها على اتصال هي الحمد لله نجحتلها وراهي الان حامل والحمد لله وانا لا كانت النتيجة سالبة ..مانقدرش نوصفلكم الاحباط اللي عشتو هادوك الايام والحمد لله تخطيت هديك المرحلة.. الشهر اللي بعدو اللي فات قررت نرقي قالي الراقي سحر قديم والله اعلم وانا لليوم مواظبة على الرقية وربي يشافيني يارب ... الدورة الاخيرة هادي اللي فاتت رحت مسدت عند عجوز في منطقتنا يقولو يدها مباركة اعطاتني اعشاب درتهم وكنت مواظبة على الاستغفار وكان عند امل كبييييييييييييييييييير فانو نكون حامل لكن ............. حتى الذكر مانيش قادرة نذكرها
الحمد لله على كل حال هاذا قضاء الله سبحانه فيارب الطف بحالي وحال اخواتي المتاخرات في الحمل ياااااااااااااااااااااااااارب
اسمحولي طولت عليكم ولكن والله غير حبيت نفرغ قلبي وراني نكتب والدموع يسيلو ..... رحمتك يارب

[ASMA layal]

ايه يااختي لعزيزة واش تحبي هدا مكتوبنا حتى انا جاتني الدورة وراني مورال 00000000 جامي هبطلي المورال كيما هاد المرة كرهت كل شيئ قاعدة نهدر مع راجلي قتلو لي في عرسي ماكانوش حتى مخطوبين دوكا راهم بالاول ويستناو في التاني وحنا واش خصنا باش رانا بلا دراري استغفر الله علابالي من التقلاق الواحد يولي مايعرفش واش يهدر وزادو كملو علينا الناس لي مايخافوش ربي انا نوصيك كيما نوصي روحي وكامل البنات بالرقية غير ارقي وارقي وماتحبسيش الرقية العين حق والحسد هو لي هلكنا حسبنا الله ونعم الوكيل
واش نقولك حنونة ربي يعوض عليك وعلينا