قصتي مع تاخر الحمل والحمدلله الآن حامل

[Ayat121]

الحمدلله رحت المستشفى امس وسويت تحليل دم وطلعت حامل
بقولكم قصتي من البدايه
بسم الله نبدأ
تزوجت قبل سنتين ونص من شهر الزواج شهر بعد شهر وماصار حمل
الين كملت سنه هنا بدأ الخوف والقلق
ضليت احن على زوجي يلا نروح المستشفى نكشف مارضى
الين ماصار سنه و١٠ شهور وماصار حمل ومارحت كشفت
الخوف كل شهر يزيد عن الشهر اللي قبله
الى شهر ذو القعده رحت ولأول مره لدكتوره وأول ماكشفت علي قالت عندي قرحه كبيره والتهابات شديده
نزل الكلام كالصاعقه على مسامعي لاني ماكنت ادري شنو القرحه خفت تطلع شي كبير ومااحمل
بعدها لما قريت كثير عنها الحمدلله تطمنت بعدها كويت القرحه وتعالجت عن الالتهابات
بعدها بثلاث شهور تقريباً سويت اشعه الصيغه وكل حاجه سليمه وتحاليل شامله وكل شي سليم
قلت يمكن احمل بعد اشعه الصبغه ولكن للأسف نزلت الدوره بعدها رحت عند مراخه مرختني ثلاث مرات ثلاث ايام الاخيره من الدوره قلت يمكن احمل في نفس الشهر وانتهى الشهر وماصار وبعدها بديت اراجع تبويض شهر البويضه ١٥
وشهر ١٠ قالت الدكتوره ضعف تبويض لكن ماصدقتها وبعدهاقلت بجرب منشطات طبيعيه
اخذت وصفه التمر مع الرشاد واكلت عين الجمل وسمسم وشربت حليب مع حبه البركه
في نفس الشهر اللي اخذتهم من بدايه الدوره الى يوم التبويض صار حجم البويضه ولأول مره تقولي الدكتوره ٢٠
فرحت مرره يعني جاب نتيجه اللي اكلته ولكن للأسف نزلت الدوره
واكلته بعد الشهر اللي بعده بس مارحت عملت تصوير وقطعت المستشفى لانو طفشت منو ومدام اني سليمه ليه اروح
طووول هالفتره وزوجي كل مااقوله يلا روح سو التحليل يقولي ان شالله وياخر في الوقت ياخر الين ماكملنه سنتين وثلاث شهور عمل التحليل الحمدلله طلع سليم ولكن عندو مشكله اللزوجه بالسائل المنوي وصرفت له الدكتوره علاج ومارضى ياخذه وبعد شهر واصرار مني اخذه
بعدها قطعت المراجعه ب المستشفى شهرين
وحتى الجوز والسمسم وهالاشياء مليت وقطعت منها
كنت كل شهر احسب ايام التبويض واتعمد يصير جماع واتعمد انام على ظهري اقل شي ساعه
هذا الشهر الوحيد اللي ماهتميت ولاحتى حسبت متى التبويض وحتى الجماع ماخططت له واذا خلصت عادي اقوم واغسل
والله وتركت التفكير في هذا الموضوع بس لما حسيت باعراض الدوره شفت التاريخ وقلت مفروض تنزل ٣ لانها تقدم ثلاث ايام كل شهر الشهر اللي راح ٦
ومن شفت تاريخ تأخرت يوم بديت احس بقلق وتوتر كبير
لانها بالعاده تتقدم ماتتاخر ونظفت واجهدت نفسي مشان تنزل ومانزلت
قلت ماعليه خل انتظر الى ٦ وجى سته وطاف يومين وهنا ماقدرت سويت تحليل
وشفت الخطين الحمدلله
الدوره كل ٢٧ يوم تجيني ولما طاف ٣٢ يوم حللت بول
واليوم ٣٣ حللت دم والحمدلله

حاااااااامل بعد تاخر سنتين ونص بالضبط من زواجي
بعد ماكان قلبي يتقطع لما اشوف مولود اتمنى احضن جنيني بين يديني
وبعد كلام الناس اللي مايرحم وتنحيزاتهم
وبعد ماكنت اسمع كل اللي تزوجوو بعدي حملو وجابو
والعرايس قبل شهرين وثلاثه حوامل
وانا كل ماسمعت فلانه حامل ينكسر قلبي اللهم لاحسد الله يرزقني مثل مارزقهم
كنت دايماً اقول بقلبي كذا
حتى امي احس في قلبها حزن ليش ماحملت لانو بيتنا مافيه اطفال غير بنت اختي سنتين و٨ شهور عمرها
ومش موجوده جنبنا في مدينه ثانيه ماتجي غير بالاسبوعين او ثلاثه اسابيع مره يومين جمعه وسبت وتروح
يعني ماكان عندنا طفل نلاعبه في بيتنا خواتي كبار من جد البيت بدون اطفال موحش
طبعا اكثرت من الاستغفاااار لانسوه يابنات تمسكو فيه دايماًً




وبس

يارب عقبال باقي المتاخرت يارب يرزقكم الحمل بالقريب العاجل
ويجبر كسر قلوبكم يالله

[سنيوريتا آني]

ما شاء الله الف مبروك وربي يتمم حملك على خير
شكرا على ذكر تجربتك

[متفائلة16]

مبروك عليك حبيبتي الله يثبت لك حملك

[قلب الاميري]

الف مبروووووك حبيبتي تستاهلين كل خير يا قلبي صبرتي ونلتي الحمدلله والله يتمم لج فرحتج انتي وزوجج على خير وتشوفين مولودج بين ايدينج سليم معافى دون زيادة او نقصان يارب العالمين ..

ويرزق كل زوجة وزوج محرومين من الاطفال ويهون ويسهل على كل امراة حامل ويسهل ولادتها ان شاء الله ^^..

[nour karim]

خبر جميل في هذا اليوم الجميل الف الف الف الف مبروكصبرت ونلت اختي لقد قطعت شوطا كبيرا وتعبت لكن الله عوضك وله الحمد عقبال الجميع امييييييييييين

[bassouma]

ما شاء الله ربي يثبت حملك و يرزقك الطفل السليم المعافا

[طفلتي حبيبتي]

ما شاء الله مبروك وربي يتمملك ع خير

[سمآيل]

مبرووووووك حبيبيتي

و الله فرحت لك

الحمدلله الحمدلله

و عقبال نبارك لك بالولادة يارب

الله يثبته لك و يسهل لك الحمل و الولاده و التربيه في مابعد


و يارب في هذا الشهر نبارك لكل بنات المنتدى المنتظرات

[ام امون جهاد]

ماشاء الله الف الف الف الف مبرووووووووووووووووووووووووووووووالله يتمم حملك عاى خير وتشفيه قدامك يارب عقبال الكل الي محرومين الله يتمم فرحتك

[يآ أرحم الرآحمين]

ربنا رحيم بعباده
مشكووورة على طرح تجربتك إن شاء الله نستفيد منها
و ادعيلنا نكون حووااامل عن قريب يارب يارحيم ثبت حملها و فرح قلوبنا بخبر الحمل
اللهم ارزقني طفلة سليمة معافاة يااارب قولو آآآمين ^^