تجمع الجزائريات الغاليات المتأخرات في الحمل ‏

[AMAL JADID]

تأمني نحكيلك عفسا صح صرات في المنتدى
وحدا دخلت بأسم و تهدر معانا هكدا كيما رانا نحكو
منبعد تبدل و تدخل بأسم وحداخر و تضارب مرات مع روحها و مرات تشتكي ههههههههههههه
تختلق حكايات سينيما كانت صاريا في المنتدى القديم

منبعد انا شتكيت بيها اكتشفنا في التالي بلي داخلا ب 2 اسماوات و بالاك راجل كامل

[أم نهى الجزائرية]

لالا راجلي انسان ملتزم ما يديرش صوالح كما هادو هو برك حاب يتاكد بلي الي نحكي معاه صح نسا هذا مكان

[غفران شكران]

هادوك مرضى ولا ناس فارغة شغل ربي يهديهم ويبعدونا

[AMAL JADID]

المشاركة الأصلية كتبت بواسطة أم نهى الجزائرية

لالا راجلي انسان ملتزم ما يديرش صوالح كما هادو هو برك حاب يتاكد بلي الي نحكي معاه صح نسا هذا مكان

ههههههههههه الله ابارك
علابالك و الله عالم بلي راني نقلك حاجا صح

المرا الي حكيتلك عليها تانيك راجلها ملتزم تصدقي
بلي مرتو في سكايب تكتب كي نملا بسيف باش تخرج كلمة
كيفاش فقنالها وحدا كتبت على المولود
انا رديتلها قتلها بدعة
هي تفهمت عادي
ناضت الي كانت تكتب في السلحفات ترحي
تصوري في دقيقة عمرت السكايب تماك شكينا فيها بلي هي و راجلها يكتبولنا و الله
منبعد عيطولها في تيليفون خرجناها من قروب و هدرت معاها وحدا بالتيليفون قالتلها راجلي يدخل يهدر مرات و مرات يصنت لينا
ايماجييني منبعد كرهنا سكايب ولينا نهدرو بتيليفون برك

[أم نهى الجزائرية]

صح و الله غير تصرا كااين ناس مرضى ماشي نورمال

كاين واحد الحصة مانيش عارفة اسمها يجيو فيها يحوسو يعفو شكون الي راهو متصل معاك مثلا في السكايب و ما شي حاب يدير المايك ولا لا كام يرحولو حتى لدلرو و يسقسو عليه بزاف ناس لقاوهم رجال بصورة نساء ولانسا بصورة رجال و لخرين يتشوكاو من الحقيقة

[AMAL JADID]

المشاركة الأصلية كتبت بواسطة أم نهى الجزائرية

صح و الله غير تصرا كااين ناس مرضى ماشي نورمال

كاين واحد الحصة مانيش عارفة اسمها يجيو فيها يحوسو يعفو شكون الي راهو متصل معاك مثلا في السكايب و ما شي حاب يدير المايك ولا لا كام يرحولو حتى لدلرو و يسقسو عليه بزاف ناس لقاوهم رجال بصورة نساء ولانسا بصورة رجال و لخرين يتشوكاو من الحقيقة

لوكان نجيبلك ختي تهدر تدوخي
راجلي حار فيها صغيرة تهدر كيما تحبي
و تكتب ترحي و هي مزالها صغيرا

علاداك الناس تحب العالم الافتراضي
خاطرش تضهر متخفيا

[أم نهى الجزائرية]

هذا ماشي التزام اسمحيلي انا راجلي مستحيل يدير هاك اانا ساعات يقولي خليني نقرا واش تكتبي و الله ما نخليه بوغتون انا الي نكتب نقولو هادو صوالح نسا ما دخلك فيهم و هو يخاف علي بزاف عليها

[أم نهى الجزائرية]

ربي يخليها و يحفظها لاكن ما تعلموهاش السكايب و الصوالح هادو من ظرك كي تكبر واش دير هههههههههههههه

[AMAL JADID]

المشاركة الأصلية كتبت بواسطة أم نهى الجزائرية

هذا ماشي التزام اسمحيلي انا راجلي مستحيل يدير هاك اانا ساعات يقولي خليني نقرا واش تكتبي و الله ما نخليه بوغتون انا الي نكتب نقولو هادو صوالح نسا ما دخلك فيهم و هو يخاف علي بزاف عليها

ايه عندك الحق
بصح شوفي نقلك حاجا انا فت عليها

انا كنت مخطوبا من قبل مانتزوج براجلي حاليا
والي كان خاطبني كان يدرس معايا من الطفولة
المهم ضاهريا كنت نشوفو انسان محترم و نعول عليه في حياتي و نحترمو
المهم قبل مانفتحو بمدة تصوري
كنت نهدر معاه في التيليفون و خلاه مفتوح نساه
وتدخل يماه و نسمعو يهدر معاها
تصوري عجووووووزة يامن تخلق و الله يهدر كي نسا
انا تشوكيت يسقسيها في صوالح تاع النسا انا و منعرفهمش
ويرغي معاها راسي حبس
فسخت الخطبا موراها بيامات

[غفران شكران]

أنا عندي اللي يدير هذي لفعايل ماشي راجل أنا راجلي مستحيل يديرها