دردشة حوامل من الشهر السابع للتاسع ( جديد )

ام دحومي1 · 03-28-2014, 01:49 PM

كيفكم كروشات
ياريت تفيدوني انا باخد ملتي فتامين وامس رحت للدكتورة كتبتلي على حبوب كالسيوم وحديد هل ممكن اخدهم كلهم ،يعني الملتي والكالسيوم والحديد او اني اوقف الملتي

حكااية صمت · 03-28-2014, 03:18 PM

مساء الخير كروشات
أخباركم
الله يهووووون على الجميع ويفرح قلوبنا
.,,.
الحمد لله رحت للدكتورة وطمنتني على الجنين وكل شئ
وكمان وضعيته تعدلت
بس قالت ممكن تقلب مرة ثانية وأنا خايفة من كذا
بالنسبة للجنين المقعدي المشي والحبي ووضعية السجود
كلها تعدل الوضعيه بإذن الله
بحاول استمر امشي لو ربع ساعه كل يوم عشان مايقلب الجنين
.,,.
كروشات ابي منكم خدمه صغنوووونه
من تحسب لي موعد ولادتي بالضبط
آخر دورة كانت بدايتها 1434/8/24 ونهايتها 1434/9/9
أنا ماعرفت أحسب

هلا الدميله · 03-28-2014, 04:02 PM

مرحبا بنات كن زمان عنكم اشتقت لكم مره

حكايا صمت

احسب لك انا

هلا الدميله · 03-28-2014, 04:13 PM

حكايه صمت

يوم ولادتك
اليوم 8
الشهر 6
سنه 1435

يعني باقي لك 11 يوم ان شاء الله يقتلب معك الله يسهل عليك ويفرج لك

هلا الدميله · 03-28-2014, 04:22 PM

ام دحومي

ليتك ساله دكتورتك هي الي تفهم رماعندي خلفيه ياليت البنات يفيدونك

Orchid109 · 03-28-2014, 04:23 PM

مرحبتين صبايا اخباركم

بكرة بدخل الثامن ان شاء الله يارب متحمسة وربي
وقاعدة اقول باقي خمس اسابيع واولد ان شاء الله مو حابة احسب التاسع بعد خخخ

المهم ياصبايا عندي استفسار

انا دائماً اذا كحيت او عطست احس بالم مكان الرحم وكانو الرحم انشق
مادري فيه احد مثلي لاحظ هالشي ؟!

Orchid109 · 03-28-2014, 04:24 PM

حبيبتي امو دحومي انا اخذ ملتي فيتامين

بس الطبيب رفض لايعطيني لا كالسيوم ولا حديد والملتي تكفيك ؟!

عاد الله اعلم يمكن طبيبتك لاحظت عندك نقص او شي

حكاية صمت

الحمدلله على سلامتك والله يقومك ويجيب النونو بالسلامة يارب

Bird · 03-28-2014, 05:02 PM

مساء الخير

اخباركم بنات ؟

بدينا ولله الحمد نجهز للعروسه وباقيلي كم غرض من سنتربوينت والصيدليه واقفل ان شاءالله

حالياً افكر بتقديمات النفاس وش ناووين تحطون وكم العدد !؟
حنا ناسنا قليل خوالي ونص اعمامي بمدينه ثانيه وماعرف من بيجي من اهل زوجي فجداً محتاره

فكرت ب
اول شي اقدم عصير لحاله
بعدها القهوه مع
صينيه شوكلت مكشوف وصينيه مغلف يكون حجمها وسط الى كبير
وابي نوع حلا ثالث اي اقتراحات؟!

وبعده الشاي
راح اقدم مكسرات بعلب .
ومقالي ( سمبوسه عاديه دجاج+ كبه دجاج+ سبرينق رول خضار+ سمبوسة بف دجاج او سمبوسة جبن )
ممكن اجيب صينيه وسط شعبيات وبسكوتات وكذا تنفع للحريم الكبار

مويه.

تحسون يكفي ولا ناقص؟
اول مره يكون عندنا نفاس بما اني البكر واول حفيد بالعيله فمررره تخبيص الله يعين

ام دحومي1 · 03-28-2014, 05:11 PM

مشكورين اخواتي اللي ردو علي
اختيOrchid1 09 عاادي بس حاولي لما تكحي امسكي بطنك ولاتخليها تهتز مع الكحة9

ورد القلوب · 03-29-2014, 01:11 AM

اقتباس:

المشاركة الأصلية كتبت بواسطة Orchid109

مرحبتين صبايا اخباركم

بكرة بدخل الثامن ان شاء الله يارب متحمسة وربي
وقاعدة اقول باقي خمس اسابيع واولد ان شاء الله مو حابة احسب التاسع بعد خخخ

المهم ياصبايا عندي استفسار

انا دائماً اذا كحيت او عطست احس بالم مكان الرحم وكانو الرحم انشق
مادري فيه احد مثلي لاحظ هالشي ؟!

اهلين ومبرووك دخولك الثامن عقبال الولادة
نفس الحاله عندي اقول باقي اسبوع اسبوعين بالكثير اولد ؛؛؛ << بكيفي

والكحة

عندي بعد يألمني بطني اذا كحيت
والعطيس يبغالي فتره لين تطلع العطسة من بطني

كلها كم اسبوع وتعدي ونولد بالسلامة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حركة الجنين في الشهر السابع ، الحمل في الشهر السابع ، مشاكل حمل الشهر السابع	نفسي احبك	إستفسارات حوامل من الشهر السابع إلى الشهر التاسع	9	04-18-2014 07:56 AM
دردشة حوامل من الشهر السابع للتاسع	ام البنوتة	إستفسارات حوامل من الشهر السابع إلى الشهر التاسع	1189	03-14-2014 12:47 AM
اعراض الولادة المبكرة من الشهر السابع للتاسع	demoshka	إستفسارات حوامل من الشهر السابع إلى الشهر التاسع	6	01-15-2014 10:06 PM
أهم المواضيع المميزه بقسم حوامل من الشهر السابع إلى الشهر التاسع	سماسم	إستفسارات حوامل من الشهر السابع إلى الشهر التاسع	3	04-12-2012 04:17 AM
منتدى حوامل من الشهر السابع الى الشهر التاسع	ابسام	منتدى اسماء المواليد	3	10-11-2011 11:15 AM