تجمع الجزائريات الغاليات المتأخرات في الحمل ‏

[basouma26]

المشاركة الأصلية كتبت بواسطة صبورة

بسومة26
اللهم امين حبيبتي
لاباس عليك ان شاء الله..بصح انتاعش هذا الدواء..و كي راه ماثر عليك سلبي بلاك ماجاش عليك..

هاد الدواء اعطاوني نشربه باش ما تعاودش تطلعلي لاطونسيون كيما طلعتلي في بسمة و راه قاتلني تقولي لادروغ راني نشربها الدوا اللي يمدوه للمهابل باش ما ينوضوش راجلي قالي حبسيه و انا و الله حفت من لاطونسيون ديجا طلعتلي نهار الحد

بصراحة هنا الطبة و الله ما وليت نتيق فيهم راني غير نستنى نهود للبلاد و نشوف مع الطبة اللي عندنا

[صبورة]

المشاركة الأصلية كتبت بواسطة bassouma

صبورة راكي تعرفي سيدي بلعباس أنا طبيبتي وحيون هي لي قاتلي متشربي حتى دواء قتلي هرمونات يزيدو يسمنوك باطل هي مليحة بزاف و تعاون الناس بصح كي راجلي هي لي كانت تمدله دواء و قاتلي عاونيه بالعقدات و منبعد بدل راه عند واحد في وهران خطرش هي ما تفوتش على رجال تكتبلهم دواء و ملي قاله دير عملية مزادش ولا راه في شهرين ماراحش

بسومة
يا عمري يا عمري على هاديك الطبيبة نموت عليها و كنت نحكي معاها نفرغلها قلبي..هايلة هايلة..كانت في فيلاج تيار انا خليتها تم.و تنصح مليح.انا لما عملت تحليل ما بعد الجماع و لقاوا عندي الاجسام المضادة في عنق الرحم..انتاع بو حفص المخبر..قالي هداك المدير لازم تعملي تلقيح صناعي و هي قالت لي ما تعمليهش حالتك قادرة تتغير عادي..كنت وقتها عمري 26 عامين بعد زواجي..

[bassouma]

المشاركة الأصلية كتبت بواسطة basouma26

اللهم آمين يا رب

واش راكي بسومة و كاش جديد

مكان والو بسومة راهي ناشفة

[basouma26]

صبورة حق دايما نبغي نسقسيك و تفوت بالهدرة علاش ما ديريش تلقيح صناعي و لا حقن مجهري احسن و ان شاء الله ربي يسهل تجيبي زوج و لا ثلاثة مرة وحدة ان شاء الله ربي يفتح عليك من فضله الواسع يا رب

[basouma26]

المشاركة الأصلية كتبت بواسطة bassouma

مكان والو بسومة راهي ناشفة

ربي ما فيه غير الخير ان شاء الله يفتح عليك في اقرب وقت انتي و البنات كاملين يا رب

[صبورة]

المشاركة الأصلية كتبت بواسطة basouma26

هاد الدواء اعطاوني نشربه باش ما تعاودش تطلعلي لاطونسيون كيما طلعتلي في بسمة و راه قاتلني تقولي لادروغ راني نشربها الدوا اللي يمدوه للمهابل باش ما ينوضوش راجلي قالي حبسيه و انا و الله حفت من لاطونسيون ديجا طلعتلي نهار الحد

بصراحة هنا الطبة و الله ما وليت نتيق فيهم راني غير نستنى نهود للبلاد و نشوف مع الطبة اللي عندنا

بسومة26
باينة الدوا ماجاش عليك خلاص خلاص..ادا كانت الطبيبة خايفة من تسمم الحمل لانه حكمك في بنتك.. يبداو من درك يعطيولك تحاليل تعمليهم بلاك كل شهر و تعملي تحليل حشاك البول يشوفوا ادا فيه البروتين..يعني معاملة خاصة هكدا يقدروا يتحكموا في لاطونسيون ماشي مباشرة تعطيلك الدوا و انت فالوحم..شوفي كي تجي للدزاير ان شاء الله جيبي الدوسي معاك و روحي عند طبيبة تكون تعرف مليح و شوفي واش تقولك..و زيدي قراي في النت على تسمم الحمل كيفاش يتعاملو معاه بالنسبة للمراة اللي حكمها سابقا او اللي عندها اختها او امها حكمهم من قبل راكي تطيحي ي معلومات هايلة تفيدك و تنورك..
و على الدوا ادا حبيتي روحي من غدوة للطبيبة قوليلها ماجاش علي خلاص و ادا تقدري بدليها شوفي احسن وحدة و روحي ليها..انت راكي في فترة الوحم و فترة الوحم حساسة بزاف...و الدوا هداك قاوي عليك مادام لاطونسيون كانت مريقلة..

[صبورة]

المشاركة الأصلية كتبت بواسطة basouma26

صبورة حق دايما نبغي نسقسيك و تفوت بالهدرة علاش ما ديريش تلقيح صناعي و لا حقن مجهري احسن و ان شاء الله ربي يسهل تجيبي زوج و لا ثلاثة مرة وحدة ان شاء الله ربي يفتح عليك من فضله الواسع يا رب

يا بسومة26
يا اختي لعزيزة ديما نقولوا نديروه احنا راهي قريبة لينا قسنطينة قلنا نبداو بالتلقيح الصناعي..بصح تجي السبة اللي تعطلنا و الله مافهمت والوا..اخر مرة بلاك عندها 20 يوم تفاهمنا نروحوا لما ياخذ roposانتاعوا على خاطر هو يخدم كل يوم و ماعندوش وقت حتى الويكاند يخدم..المهم في هاديك الليلة اللي من قبل جاتهم خدمة و دخل بعد نص الليل جا عيان ميت..و الصباح ماقدرش ينوض حتى لل12 وانا زعفت و قالي و الله مافقتش بروحي هو اصلا مشتاق بالرقاد في 24 ساعة يرقد 5 سوايع من الخدمة اللي بزاف..زعم انا وجدت الدوسي و زاهية باه نروح ماكتبش ربي ادعيولي ربي يسهل و نروح المرة هادي..

[bassouma]

صبورة إيه مازالت في بلاصتها أنا تاني كنت نحكيلها كلش هي لي نصحتني ندير تحليل ما بعد جماع و هو ما كانش حاب يدير تحليل و لتم عرف وقاتله دير غير باش نعرف عدد حيوانات

[basouma26]

ريحانة راني شفت مهدي دروك ما شاء الله يهبل ربي يحفظه و يخليه ليكم انتي و بوه و عقبال لكل لبنات يا رب يفرحو كيما فرحك ربي

نور الهدى ماشي حق عليك تقولي باغية ننسى مسالة الحمل وين راه الحقن المجهري اللي قلنا سقسي عليه و عولي في قناه النهار راهم يديرو بيب على الزرع في تونس سقسي و توكلي على ربي و ان شاء الله ربي يفتحلك الطريق هاد المرة

بارا الحمد لله اللي طلعت النتائج سليمة ان شاء الله الفرج قريب باذن الله

ام نهى بصحتك العرس معليش التعب بصح كي تبدلي شوي الجو تاني مليحة

نور اليقين ان شاء الله تكون مشكلتك تحلت يا رب ارواحي طمنينا

امة الرحمان واش راكي حنونة ريحتي

نور الهدى واش راكي و واش راه حسونة الشباب

اسماء ان شاء الله تكوني بالحمل و ما تجيكش يا رب حتى نهار النفاس

مريم داك يانيس و الخدمة ربي يكون في عونك ان شاء الله

عبير رحتي لدارك و خليتي بلاصتك ان شاء الله تكوني بخير يا رب انتي و الشعطوطة ليلك

امومة ربي يهدي سرك و يثبت حملك و يفرحك بطفل سليم معافى يا رب

لاميا و جيجي و الما ام عبد الرؤوف ندى الوردة سهام كميليا باربي سماسم اترج امال ان شاء الله كاملين لاباس

يا رب ما نكون نسيت حتى وحدة دخلت اليوم غير باش نسقسي عليكم و نقوللكم راكم كامل في القلب يا ربي يفرحكم كاملين يا رب

[صبورة]

بسومة
كاين بزاف بنات حملوا بالدوا انتاعها..و كنت نقعد مع النسا نستنى دالتي يحكيوا عليها و يشكروا فيها..