اهلا باهل الجود والكرم **اهلا بسيدات ليبيا**

[dr.loly]

المشاركة الأصلية كتبت بواسطة أمل ليبيا

ام فروسه حبيبتي الله يسلمك اني وفطومه بخير ومانحكيلك اني وبوها ديما نراقو فيها وخلاص اهو بدت تضحك اهو بدت تشد اهو بدت تلعب ع اساس نكتشفو في مهارتها واكيد مريتي بنفس الشئ لانه اول بيبي ديما نحسه هكي

نجيها ياربي صار واخده كل الاهتمام والانتباااه اكيد البكر ديما هكي
وفعلا مرينا بنفس الشئ اكيد
مع فراااس نرقدوه يلعب بينا
ونا وبوه كل واحد فينا يقول للاخر
ضحك ..لعب ..مسك هههه وكان بكا طول نسكتووه مانبوش يبكي حتى لحظه ههه

بالنسبة للطاجين زي ماقالت سوسو نقولوله طاجين خضرة وبالعادة نزينوه بالجبنه من فوق بس اني لما نحكي مع حد هنا يقولولي لا هذا اسمه طاجين جبن فا بدين نقول زيهم وزي ماعارفه كل منطقه وشن يسمو

خلاص حتي نا توا انسميه طاجين جبن نفسك معناها
بس ف صورة جاي مرتب وحلو ماشاء الله
امقصص نفس بعضه ..وواضح ان شكل وطعم احلى اكيد..

امتى بتروحو ان شاء الله وكملتي هداياك ةالا مزال وهل فكرتي تشحني اثات مثلا او حاجات المطبخ

تقريبا كملنا الحمدلله هدايا..
مازال ترتيبهم هههه عرس بروحوه
لا اثات الحق عندنا في ليبيا حاجات روعه اثات تركي وايطالي وصيني روعه
نحن تبينا اثات من اول وجديد
لان زوجي العزيز حتي دار نوم زهد فيها بعد شاف موديلات حديثة قبل مانسافروا وحكيت من قبل ع القصه هذه زمان ان حتي بعد بنينا ديكور دار نوم والسقف والجبس والارضيه دارها مايمشيش ع دارنا القديمه خشبيه كلاسيكيه ف الذهبي ..الحق نا شجعته بعدها ندمت لكن الحمدلله ع كل حال.. قتله را تجيك عليا وتغيرني حتي نا بس هههه بعد غير سيارته
قبل مانسافروا ..

اما للمطبخ فخديت ما قالي ماتشري شئ الا الاساسيات ايامات الخطبه
وكله حنجيبوه من بريطاينا

خديت..

آلة الكابتشينو(دلونقي).. عصارة الفواكه..(ماركة فيليبس)
عصارة البرتقال..(كينوود)
صانعة الايس كريم(كينوود)
محضرة الطعام كامله مع 25 وظيفه
بخلاطها بست البت(كينوود)
ألة الفوشاااار ع هيئة عربة بيع
بعجلات (ماركة انجليزية كلاسيكيه)
غلآية وتوستر(مورفي ريتشارد)
الة الكريب والبانكيك
قلاية ( تيفال)
وخديت حتي طقم طناجر 6 احجام مع مقلايتين
من نفس الماركة تيفال..
طاجين الدحي متاع دوائر..وطاجين الكب كيك بضي
الخلاط اليدوي متاع الشوربات وصلصه البيتزا تخلطي ف ططنجررتهن (من كينوود)

ألة حلوي غزل البنات ههه

ميكرويف ب قريل..

شواية صحية ..ماركة جورج فورمان يقولو اكثر وحده هيلثي..


ومازلت محتاره في العجااانه
ماخديتش قرار ناخدها كينوود
او كيتشين أيد.. بم انهن احسن ماركات ..

ونبي ناخدها بمفرمة اللحم ع طول

وباقي الالكترونيات
مثل دفايات لي فيهن زي الحطب ونار
ماك..اي باد واي بود اي فون من أبــل .. وحاجات بسيطة هكي


الترويحة ان شاء الله ثالت اسبوع في شهر 6 يعني قبل رمضان ان شاء الله
زوجي مستعجل اكثر مني ع الترويحه
حتي بيمددولهم فالجامعه قالهم بنروووح مستحيل نصيم رمضان هنا

انتم الضي عندكم 220 زي ليبيا تقريبا


تعرفي هنا عيبهم الضي 110 مش زينا فا يبي محولات وقصه مع اني خاطري هلبا حاجات نروح بيهم بس مش عارفه كيف


وامتي بتمشو لي لندن
ان شاء الله لو عطونا عطله في بداية شهر 4
لان عندهم عيد اعتقد شم النسيم او حاجة هكي
ويستر الله من زحمتهاااا لان عالم تحت العالم بروحه في من كثر البشر لي تمشي قالو
طبعا ناهيك عن الغلا قالونا وهي معروفه اغلي مدن العالم ف سياحة وتسوق

ان شاء الله ربي يسهلك ويهنيك حبيبتي

اجمعين عزيزتي يارب

[dr.loly]

سوسوالحمدلله فراس احسن
بس برد متعباته كحه وهو ولولي

وتعالي هنا شن نكتة فراس والقمله هذه ياساتر ههههه

بالنسبه لرأي في شخصيتك
حسب ماعرفتك بالمنتدي طبعا

انك يمكن اكبر من بنات جيلك ف التفكير
والطبخ حتي ماشاء الله نحس فيك
مش نفس شئ وتحبي الحاجات
الليبيه البحثه جو الثراتيات يعني ههه
امقطع ..حلوياتنا القدم زي غريبه ومقروض
وجو هذا لان لاحظت في جيلكن هنا حسب ماشفتهن
سواء شرق او من غرب مايحبنش القديد...؟ ويتعففن
منه حشا النعمه هو البحريااات ..
ونيتهن شينه ف الاكل لا هذه ماناكلها لاهذه مش عارف كيف
ويتفلسفن في ما لايعنيهن ..
وكذلك انك اجتماعيه وتحبي جو العيله ..
وصريحة وجريئه نوعا ما ..

[dr.loly]

http://forum.hwaml.com/t288851.html#post3666597

[أثري في مدادي]

الســــــــــــــــــــــلام عليكم ورحمة الله وبركاته

أهلا بحبيباتي الغاليات ،،،،،،،،،،،

أتكدر حينما أعد واجبــــــــــــــــــــــــــي وأجده بالعشرا ت مثلا !!!!!!!!!
وما يزعجني ليس أداء الواجــــــــــــــــــــــب
بقدر ما يزعجني
أنني لم أعش معكن لحظاتكن ،،،،،،،،،،،
وأشارككن أحاسيسكن ،،،،،،،،،،

سلمكن الله ،،،،،،،،،،

همسة للحبيبة هـــــــــــــ هد ــــــــــــــــــــد

دموعي تساقطت ،،،،،،،،،،،، وحاولت كفكفتها
وتمكنت من ذلك ،،،،،،،،،،
حينما تذكرت أنك في مصيبة وأنعم الله عليك بالأجر فأنت تغرفين الثواب بإذن الله ~~~~~~~~~~
وتأملت أن يكون مثوى أخيك الجنان " فمن كان آخر كلامه لا إله إلا الله دخل الجنة "
فحمدت الله ،،،،،،،،،،،،،،،،،، على كل حال ،،،

~~~~~~~~~~~~~~~~~~~~~~~~~~~~~~

عذرا
لازلت لم أكمل الواااااااااجب

[أثري في مدادي]

الحقيقــــــــــــــــــــــــــة
عندي
تراكــــــــــــــــــــم في بعض الأعمال هذه المدة
حيث أنني إلتحقت من مدة شهرين ونصف بدورة عبر الشبكة
أقل ما يمكن وصفها بأنها راااااائعة
وإن كانت دسمة نوعا ما
دورة ميراث الأنبياء التأصيلية
بموقع ميراث الأنبياء
وهذه المدة
نوشك أن نكملها و،،،هناك مواد قد انتهوا من شرحها
فإني ألملمها

ونسأل الله المعونة
فغالبا أجلس على الحاسوب بدون أن أبحث عن الشبكة وإنما أفتح مستنداتي
وأبدأ في المدارسة
إما بالسماع أو التفريغ

،،،،،،،،،،،،،،،،،،،،،،،،،،،،،
وقلبي الصغيرون مشتاق إليكن ،،،،،،،،،،،،،،،، ولكن اقول
لو فتحت يعني مافيش قرااااااااااااية
الله يحفظكن كلكن ،،،

[أثري في مدادي]

خـــــــــــــــــــــــــــولة
ربي يعينك ،،،،،،،،،،،،،،،،
حايسة في مشروع الحلووووووووووووووو
نصيحتي مشابهة لنصيحة سوسو الغالية
بتجهيز ما يحتمل التخزين
قبل ولادتك
لأن بعد الولادة وقتك مش ليك !!!!

وربي يعاونك

أم فروووووووووووسي
اللهم بارك
لكم أعجبتني قائمة مشترياتك الكهربائية
وخاصة """""""" غزل البنات """"""""""""
ما فيش حاجة ناقصة
قعدت نقرا فيهم لزوجي ،،،،،،،،،،، بعد إذنك
رااااااااااقت له الفكرة ~~~~
إن شاء الله تكوني بيهم اروع مطبخ
ويكونوا ليك نعم العون في اغتنام وتنظيم وقتك
فيما يرضي الله ،،،،،،،،،،،،،،،

[أثري في مدادي]

المشاركة الأصلية كتبت بواسطة dr.loly

السلام عليكم ورحمة الله وبركاته

ان شاء الله تكونن كلكن بخير اخواتي الغاليات

امس تعرضت لموقف الله لا يجبه لصغاركن

فراس طاح ع زاوية الدفايه وفتحت جبهته وجنبي كان
ف دفاية المطبخ العيل بكا لدرجة قلبي انقبض برمت
ف لحظة يابنات وبدون مبالغه لقيت وجهه كله دم يسيل

معش عرفت شن اندير رغم اني دارسه طب ونزيف بالتفصيل
لكن ف اللحظه هذه نسيت كل شئ وجسمي كله قعد يرعش
وهو يبكي باعلي صوت ويبحت ف دم لي يسيل ع وطا جيت رفعته
وقعدت نحط ف مية مسقعه ع جرح تحت الشيشمة والدم يزيد
وبعد بان عليا الجرح عميق خلاص والله لا قريب دخت

ارضيه المطبخ كله دم بيجامته كلها دم

لابسه روب وردي هادي اكتوفي لبطني كله احمر قعد


بنرن ع باااته نرعش معس شفت شئ ونقال كله دم والله بدون مبالغه

حطيت راسه تحت الميه المسقعه هذا شئ لي اذكرته ان المسقع يقبض الاوعيه الدمويه اسرع

والاء تزحف ف وسط الدم ورعش مسكين حتتى هو يبحت فيه ومفجوووع


معش عرفت شن ندير اذا كان رقم وزوجي راسي يبرم معش عرفت نطلع

خصيصا ان السجل امتسح ف صبح بروحه
قعدت نستغفر ونحاول نهدي نفسي لين دورته ف قائمة ورنيت ماردش قاعد ف محاضره..

دزيت مسج بعدها كلمني بسرعه ..وجا بعد ربع ساعه بيش حصل تاكسي
هو ووصاحبه..
وشالوه المستشفي

وياما صار فيا بعدها انهرت وكلمت خواتي وقتلهم ماتقولهش لماما

حسيت روحي بنبكي عند حد انخنقت

العيل كان يلعب يالايا ونرد عليه ف حروف متعلمهم ويضحك
فجأه انعكس كل شئ


وباته ف مستشفي قعد يبعثلي ف صوره يلعب ف حضانة اطفال
ف انتظار

وبعدها قالي يراجوا ف اخصائية جروح الاطفال

شافوه دكتورين وطمنوه وقالوله يديروله لصقة جرح تلمه
لان الاطفال مايتخيطوووش

افتكينا من علامه الخياطه والحمدللله ..

قالي نظفوا جرح بعمق للحم والعظم وصبوله حاجة زي لصقة الاميره بخامتها
وسكروا بلصقة من برا
وقالوا تقعد يوم ونص اقل شئ

وعطونا كرت اصابه راااس فيها بعض الاعراض لوصارلنا نحيبوه بأسرع وقت
وهذه قصة فروسي ورعشتي عشية امس


والحمدلله الحمدلله يااااارب


ولنقانا ف روضه ركزوا عليه واجد امس من حبه للكتب والقصص
قالولي مش نفس الاطفال ف عمره ..

وعليكم السلام ورحمة الله وبركاته

الله المستعــــــــــــــــــــــــــــــــــــــــــــ ـان
لابأس طهوووووووور علي فروسي
الحقيقة موقف مش عااااااااااااااادي بكل

والأفظع حينما تغيب عليك الدباااااااااااااااااارة
لأنك في وسط الحدث لو كنت خارجا لنصحت وأرشدت
الله يحفظ ذرارينا
الحقيقة حينما يمر اليو بعاااااااااااااافية يغيب عني أن أشكر الله على هذه العافية
فكم من مبتلى في جسده أو رزقه أو ماله
وكم من هتوك ستره
وكم من فجوع في أهله
فاللهم قدرنا على شكر نعماااااااااااااااااااااااائك
وشكر النعم يكون بثلاثة أمور ،،، فلننتبه لها
1/ الاعتراف بها بالقلب
2/ الاعتراف بها باللسان والتحدث بها وإسدائها لمعطيها وهو الله تعالى
3/ تصريف هذه النعمة في طاعة الله تعالى
فمن قصر في إحداهن فلا يعد من الشاكرين

وبالنســــــــــــــــــــــبة للعين فهي حق أم فروسي
فعليك برقيتهما صباحا ومساءا
ولا تغفلي عن ذلك أبدا
ولو أن ترقيهما برقية الحسن والحسين
وإن زدت المعوذتين والاخلاص يكن أفضل

وشنو حاله توا ؟؟؟ إن شاء الله أحســــــــــــــــــن ؟؟
بالله جيبي منها صاااااااكو هذه اللصقة معااااااااك خخخخخخخخخخخ

[أثري في مدادي]

ســـــــــــــــــ سو ـــــــــــــــــــــو

كيف حالك وحال الوالدة الغالية ؟؟
لاباس علي حمودي !!! سلامتهم الصغار يرعشوا

حتى أني يوم الإربعاء اللي فاتت كنت في زيارة ومعي دودي
لما بنروح ،، طلعت سلامتها تدبدب ،،، ولقت دراجة صغيرة حاولت تركبها ،،، وجت طايحة هي وياهاااااااااااا
سمعت عيطتها عرفت في حااااااااااااجة لأنها الحق تنقنق أيه ،،، لكن العياااااااااط بقوة إلا في الحالات الحرجة
المهم لقيت فمها يبخ بخان بالدم !!!!!!!!!!
والشارب الفوقي فجأة انتفخ ووصل لأرنبة الأنف ،،، سبحان الله بسررررررررررعة
ومعاش عرفت شن اللي صار
خديتها فورا للحمام وقعدت نغسلها في وجهها بالمية الباااااااااااردة
وجابتلي صاحبة الحوش
زي الكيس فيه سائل زئبقي دوما تضعه بالفريز
المهم حطيتهولها في فمها وهي تعيط
وبديت نستكشف لقيت الشارب انفتح من جهة اللثة ~~~~من فوق
استمريت على الثلج وبديت نرقي فيها بقوة
وركبت السيارة على أساس بنمرروها على العيادة
ولله الحمد بفضل الله وجوده
ما مشينا مشوار إلا والنفااااااخ ينفش
والدم توقف
وبدت تقدر حتى ترضع
قلتله خلينا نروحوا متأخر
وغن شاء الله خير
وبالزبط سارت الأمور بخيــــــــــــــــــر
وكان للثلج مفعول مش عادي
وللرقية كذلك
علما بأني مرقيتها رقية المساء

وعجبتني فكرة الكيس هذه !!! من لديها مقترح بخصوص هذا الأمر ؟؟ أي إسعاف أولي يبقى دوما في البراد

[أثري في مدادي]

أجنادين

الله يبارك
عدت لسابق عهدك من طرق ووصفات
والأروع طلات وتهدريزات
كيف حالك وحال أهلك وخالاتك ؟؟
وشن قررت ؟؟

الحلزونية أعجبتني فكرتها ،،،،،،،،، جاري التطبيق

وخبيزة المعدنوس بتشهي
ولكن
الرشاقة أمر يستحق التضحية خخخخخخخخخخ

جي جي
كيف حال عويناتك بالله توا ؟؟؟
وكيف حال الوالد إن شاء الله أحسن !!!
والبنوتات شن أمورهم ؟؟
وبديتي تمشي للجامع ولا مازاااااااااااااال !!!
في مرة حطيتي صورة فستان خليجي مميز ~~~ من وين ؟؟ وبقداش !!!
وبالك تعرفوا محلات ولا صفحات فيها أثواب خليجية مميزة
من غير حناين ومزيونة !!!!

[أثري في مدادي]

أوشي
غزالة جبلنا الناشطة
صحتين كسكسو الشعير
يمي يمي لذيذ جدااااااااااااااا


أمولة ،،،
كيفها طاطو !!! يا محلاها حازت غلاوة هلها فيسع فيسع
عموما
مشاعر المراقبة والانتظار تتميز بها سنة أولى أمومة
لحظاتي مع علي
مسجلة في دفتر كبير
من حين خروجه إلى هذه الدنيا
إلى زمن قريب
توقفت الآن بسبب عدم اهتمامي بالموضوع
لعله بسبب وجود مناااااااااااافس !!!! في الوقت
حتى أول يوم لبسته فيه صيفي مسجل
والذكرى أكتبها على أساس أنها بتعبيره هو ،،،،،الله يحفظها

بإمكاننا أن نستمتع مع أبنائنا بلا محذورات شرعية
في ذات الدفتر أرسم له كفه مفتوحة الأصابع
وبعد زمـــــــــــــــــــــــــــــــــــــــــن أعيد رسمها فتلحظين الفارق ~~~~

وأقصد بالمحاذير الشرعية تصوير ذوات الأرواح
فهذا يا أخواتي محرم ،،، فلا ننتعش بما حرمه الله علينا
~~~~ ولهذا ما علقت على صورة سوما الله يرعاها
ومن يتق الله يجعل له من أمره يسراااااااااااااااااااااااااااا