تجمع الجزائريات الغاليات المتأخرات في الحمل ‏

[سهام فرنسا]

السلام عليكم و رحمة الله و تعالى و بركاه
أمة الزينة ربي يجيبلك الشفا حنونة ديري كيما قاتلك بسومة النعناع كوليه أخضر مع شوي ثوم و ريحي شوي حنونة نحي من بالك حاجة ماتستاهل صحتك خير
أمومة بسومة صبورة لاميا بليدية لاباس ؟

[سهام فرنسا]

لاميا حنونة ربي يجيبلك الشفا
الكيس مش حاجة واعرة و زيد كاين لي يحملو بيه نورمال متقلقيش روحك إن شاء الله مايكون غير الخير

[lamia zina]

شكرا سهام لمقلقني هو انو اعطاني مانع الحمل هذا الشهر

[mounira]

امة .. ديري حبة ثوم تحت لسانك من بهد شوية نحيها و هاودي قيسي لاطونسيون و ريحي شويية بالشفاء عليك اختي

[صبورة]

المشاركة الأصلية كتبت بواسطة lamia zina

شكرا سهام لمقلقني هو انو اعطاني مانع الحمل هذا الشهر

لمياء
مابقاتش درك يعالجوا الكيس الوظيفي بحبوب منع الحمل هادي كانت بكري..انا لما كنت ساكنة فالاغواط كنت نتبع عند بن عجيلة هو طبيب مختص فالعقم و قاري فالخارج..لق عندي كيس وظيفي اكثر من زوج سنتيم قريب ثلاثة سنتيم..و وصفلي مضاد للالتهاب و ماعنطانيش حبوب منع الحمل لما سقسيتوا قالي بكري كنا نوصفوهم ..بصح المراة اللي متاخرة مانقدروش نعطيولها نعطيولها حبوب منع الحمل..تاخذي رايي ما تشربيهمش..روحي عند طبيبة اخرى توصفلك مضاد الالتهاب يروح عادي..و نظن انا اعطاني سيليستي و حبوب اخرى مانيش متذكرتها
حنونة الكيست الوظيفي اذا كان ماشي كبير يروح وحدوا انا موالفة يديروا في.

[bassouma]

لمياء بشفاء عليك حنونة متقلقيش روحك كيما قالت سهام أنا زوجت خويا كانو فيها 2 و عطاتلها طبيبة حبوب منع حمل 3 أشهر و ريحت راحولها

[أمة الرحمان السلفية]

اخواتي نشكركم بزاف
لمياء
صبورة

بسومة
منيرة
الاموموة
سهام
ربي يجازيكم شربت المعدنوس وسمعت الرقية الحمد لله هبطت ونقست عليا دوخة بقا راس يوجع شوية ولاطنسيو قستهالي ذرك جارتي لقاته 13 ودقات القلب 95

[mounira]

الكيس ما يقللقش انا كان عندي و بعد ما شربت الدواء
و عاودت الايكو بعد ما طهرت من الدورة لقيتو اختفى الحمد لله

[سهام فرنسا]

لالميا شوفي راي طبيب واحد أوخر قبل ماتشربي الدوا
ممكن يكون مش مليح ليك المانع

[سهام فرنسا]

لاميا الكيس تاعك مدام جديد يكون سير صغير و ضك مع الدوا يهبط مع الدورة إن شاء الله
أمة حنونة الحمد لله ربي يكون معاك ماتقلي روحك ماوالو لي جات من عند ربي سبحانو مرحبا بيها