اهلا باهل الجود والكرم **اهلا بسيدات ليبيا**

dr.loly · 02-23-2014, 12:14 AM

اقتباس:

رحلة موفقة وممتعـــــــــــــــــــــة

تعقيب ،،،،،،،،، بخصوص هذه النقطة ما فهمتهاش ~~~
حسيت كأن في حوار أو رسالة أو جزئية فايتة علي ،،،،

لقيتك تحكي على الرحلة من المنتصــــــــــــــــــــــــــــــــف
فدخت شويـــــــــــــــــــــة

اي صح عندك الحق عزيزتي..
نا حكيت تعقيب ع رد سوسو
ف نوم الصغااار قتلها
ان شاء الله يرقدوا الليله
عشان بكره ينوضوا رايقين
هي رحله لمدينه اسمها تاين ماوث
مدينه ع شط البحر دايركتلي
وفيها شط بحر طوبل ورماله ذهبيه
ع قولهم ف موقعها الرسمي ف نت

هذه سافرولها المركز لي نقرا فيه
وجا خاطري فيها وماعديتش معاهم
لان مانحبش نسافر بدون زوجي قتلهم
لازم محرم وهكي
امش و ف رحلة اسكتلندااا قالو لازم تجيبوا ازواجكم عشان بعيده
وهكي ربي يهدي بعض من الاخوات قالوا مش ح ناخدوا راحتنا ف قطار
ومع
ع اساس يعني حشم من الرجاله الليبين نقطه مافهمتهش..؟
لكن من يومها خديت موقف وقتلهم معش تقولولي ع رحلات

لانها هالاسبوعين عطلة نصف السنه عندهم

ف القرايه يدروا وينظموا ف رحلات لاماكن سياحيه متنوعه

هدية الخالق · 02-23-2014, 12:34 AM

اقتباس:

المشاركة الأصلية كتبت بواسطة خوله 2014

كيف حالك يا هدية والحمد لله علي سلامة بنتك وانتي من الرعشة الي حصلتيها ردي بالك والله الصغار ما تندري شن يخطر عليهم فجأة تنصدمي بفعايلهم عالعموم ردي بالك علي راجلك حتي هوا ومعاش تكتريله من الحلو راهو ايجيه السكر ههههههه

الله يسلمك وبارك الله فيك ياخولة الحمد لله اللي جت هكي هذا تنبيه ليا باش ننتبهلها اكثر ومعادش نخليها بروحها
وبالنسبة لراجلي حاولت معاه تربح نقص من الحلو يضربك السكر لاسمح الله مافيش فايدة قالي كان بيجيني راهو جي من زمان اهله يخبروعليه قالوا زمان في رمضان مرات يتسحر عالحلو بس هههههه فكرت منقص من دير الكيكات قالي نجيب من برا هههه ربي يهديه قالي هو عمر واحد مش حارم روحي من اي حاجة مادمها حلال ومسموحة وبصراحة صدق في هالكلمة
وخصوصا هو جسمه مساعده مايسمنش من الحلو ماشاء الله جسمه حلو طويل وضعيف

اقتباس:

المشاركة الأصلية كتبت بواسطة اوشي

هدهد ..

ربي يصبر خيتك والله الا حالة صعبة لكن شن تبي تقول غير ان ربي

يهدي عمتها وخلاص

وانت الحمد لله علي سلامة سوما باهي اللي فطنتيلها وجت علي رعشة

ذكرتيني زمان لما كان عندي دودو وحمادي كانو علي روس بعضهم سلامتهم زي التوم

وكنت نسكن في الشقة لما انخش الحمام نقعمزهم احذا الباب

ربي يعطينا برهم وخلاص

الله يسلمك اوشي بارك الله فيك الواحد شن بيقول الحمد لله علي كل حال وصايرلي زيك زمان حتي اني توا لما نخش للحمام نحط فيها قدامي بالعربة او بالجراي وربي يسهلها عليا ويفوت هالمرحلة علي خير
كيف حالك انتي والصغار وصحة الزردة ماشاء الله صور يهبلوا وقداااش ليا خاطري في طلعة زي هكي ومخططين لشوية في الهواء الطلق لكن الطقس ماواتاش قاعد صقع ومطر واليوم ثللللج

اقتباس:

المشاركة الأصلية كتبت بواسطة sosolibya

الله يكون في عون أختك عزيزي هدهد ,, والله المواقف بااااااااايخة جدا ومش حلوة بكل ربي يهدديها ويربي يعاون أختك ,, ويثبتها على صبرها الله غالب..
اهلين سوسو كيف حالك ولاباس علي ضهرك ربي يشفيك
والله يسلمك ويسمع منك ويهدي عزوزتها والله لعند امس كلمتني تشكيلي قالت والله زنت في دماغي وقريب سيبتلها الحوش غير راجلي بايت عمل قاتلي ملييييت كان جبل راهو انهد اني بشر وليا طاقة وقدرة معينة عالصبر
جيجي ربي يشفي عيونك عزيزتي يااااااااارب,

إحذري طلاء الأظافر أثناء الحمل !

اقتباس:

المشاركة الأصلية كتبت بواسطة dr.loly

الحمدلله ع سلامة ابنيتكـ هدهد
ديري بالك عليها
العويله ف هالعمر يبو متااابعه
خصيصا اول مايتعلم المشي
ربي يحفظها

الله يسلمك فروسة ربي يستر وخلاص اصعب مرحلة هالمرحلة امتاع المشي والحركة ربي يصبرني ويفوت هالمرحلة علي خير عالاقل للسنة ونص او سنتين
ووربي يهنيكم بالرحلة فعلا حلو الاستجمام وتجديد النشاط وخصوصا ليك انتي والاولاد ربي يهنيكم

هدية الخالق · 02-23-2014, 12:41 AM

الله يسلمكم فراشة وفروسة اهلين بيكم
الجو فظيييبع عندنا الشجرمولي ابيض والثلج ينزل زي الرسومات تقول قطن

جوهرة ليبيا · 02-23-2014, 02:56 AM

السلام عليكم ورحمه الله وبركاته

جوهرة ليبيا · 02-23-2014, 03:00 AM

ماشااااااااااااء الله عالتهدريز

دوم اللمه الحلوه مع ان مافيش حد فقدني يومين آآآآآهي آآآآآآآهي <<<احبكم في الله وخياتي ربي يحفظكم بصاره

ومشكورات حبوباتي كلكم علي السؤال عليا

هدهد الحمد لله علي سلامة الحبوبه سوما بنوتي ربي يحفظها

اوشئ الصور رووووووووووووووووووووووووووووووووووعه سفهتيني علي حوازتنا العائق الوحيد جمونتي ربي يخليها صقع عليها

اثري وسوسو الف لاباس عليكم

ام فروسه رحله موفقه حبوبه وربي يحفظكم

جوهرة ليبيا · 02-23-2014, 03:05 AM

اهلا وسهلا بيك بين وخياتك زيزو وربي يحفظلك صغارك الحلوين

انا نفس مواليدك وعندي احلي اميرتين الكبيره ريناد3 سنوات وشهرين والعسوله جمان 3شهور ونص متزوجه من 4سنوات

جوهرة ليبيا · 02-23-2014, 03:13 AM

شن رايكم بنات في القفطان المغربي هذا

جوهرة ليبيا · 02-23-2014, 03:15 AM

اوشي · 02-23-2014, 03:20 AM

قــــــالو الـــــمرأة اللـــــــيبية مــــــــش رومنســـــــية

ام معاد · 02-23-2014, 10:35 AM

صباح الخير علي الحلوين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اهلا وسهلا	قيثاره النور	ملتقى عضوات حوامل	4	12-15-2012 10:08 AM
اهلا	الورد الفايح	ملتقى عضوات حوامل	7	11-03-2012 09:24 AM
اهلا	امال ام ياسر	ملتقى عضوات حوامل	6	06-02-2012 03:55 AM
اهلا اهلا بالعيد 2013، فرحة ولادنا بلبس العيد 2013، ملابس الاطفال في العيد2013	ملكة العرب	الموضة و الجمال	2	05-09-2012 07:57 PM