اهلا باهل الجود والكرم **اهلا بسيدات ليبيا**

[خوله 2014]

المشاركة الأصلية كتبت بواسطة هدية الخالق

امس درت غريبة مش عارفة شن خطرها عليا مع إني مانحبهاش لكن مرة شفت سوسو حاطة طريقتها لخولة خطرتها عليا وبما إنه راجلي غالي عليه الحلوووو اي حاجة حلوة تمر عليا نجربها من لما جيت اهني اسبوعيا منديرله نوع كيكة لين وليت محترفة ههههه
قال زمان لما عزابي يجيب في قالب كيكة من برا ويكمل فيها في ليلة ماشاء الله
عيونه الحلووووو

كيف حالك يا هدية والحمد لله علي سلامة بنتك وانتي من الرعشة الي حصلتيها ردي بالك والله الصغار ما تندري شن يخطر عليهم فجأة تنصدمي بفعايلهم عالعموم ردي بالك علي راجلك حتي هوا ومعاش تكتريله من الحلو راهو ايجيه السكر ههههههه

[اوشي]

السلام عليكم ورحمة الله وبركاته

[اوشي]

كيف حالكم اليوم وشن دايرين

وحشتوووووووني أووووووي

[اوشي]

هدهد ..

ربي يصبر خيتك والله الا حالة صعبة لكن شن تبي تقول غير ان ربي

يهدي عمتها وخلاص


وانت الحمد لله علي سلامة سوما باهي اللي فطنتيلها وجت علي رعشة

ذكرتيني زمان لما كان عندي دودو وحمادي كانو علي روس بعضهم سلامتهم زي التوم

وكنت نسكن في الشقة لما انخش الحمام نقعمزهم احذا الباب

ربي يعطينا برهم وخلاص

[اوشي]

اثورة كيف حالك ...

ولاباس عليكم انت والعيال طهور ان شاء الله

لما قعدت نقرا قلت هذي اثري عملتها حتى هي

[اوشي]

باقي البنات كيف حالكن ان شاء الله اموركن طيبة

[اوشي]

هذين صور من زردتنا الخميس اللي فات..

طبعا زردنا في سوسة تغدينا في الغابة ومصادرنا البحر من بعيد

بعدها مشينا العشية لبرك نوطا وبعدها البحر

توة انزلهن الكن

[اوشي]

هذين برك نوطا جايات في الجبل وهي عبارة عن ماء ثقيل ينفع للصناعات النووية

[اوشي]

[اوشي]