تجمع سيدات ليبيا الغاليات..

[اوشي]

شمــــــــــــــــــــووووووووووووووووووســـــــــ ـة

مرحبا ومية هلا وغلا آنستي ياحبيبة ولاباس عليك

كيف حال شموسة وعبسي وخيتهم الجديدة

[اوشي]

جيجي كيفك واميراتك ياحلوة

سهفتوني انتي وفروسة عالسفر الحلوة ربي يعطيكم الصحة

[اوشي]

سوسو ..

الحمد لله لسلامة ولد عمك ولاباس علي قريبتك

انت شن اخبارك واخبار ريوما وخيها

[اوشي]

الله أكبر الله أكبر ولله الحمد
الرائعون .... هم وحدهم القادرون على إحداث الدهشة في زمن الرتابة والملل .... فلا تلوموننا إذا حجزنا لكم مقعداً بقلوبنا لأنه تطيبُ لنا محبتكم ...................

الف الف الف مبـــــــــــبرووووووووك لمنتخب بلادي العظيم

[اوشي]

مباااااااااااارك فوز منتخبنا الغالي


والله الا كنت علي اعصابي خاصة في ركلات الترجيح

قاعدة انا والعيال وبوهم نشجعو

وكان نشنوش امسك الكورة نزغرد وكان الولاد الثانيين دارو هدف نزغرد

وندعي من اعماقي انا والعيال ولما فاز المنتخب جو مش عادي سبحان الله كانو الناس امجهزين كل شي

كان عندهم ثقة كبيرة في المنتخب

وجابوها فرسان المتوسط وفرحونا ربي يحفظهم

[اوشي]

وادعن ان بكرة جهازي يقعد هكي سالك

ومايخربش الواي ماكس

والله اشتقتالكن واشتقت الجمعتكن

[اوشي]

هالمرة انا اللي سكرت التجمع ياجيجي

سيقت وشرعت الشبابيك اشوية وحتى هي صقع

ورديت الفرش وسكرت الشبابيك وبخرت ولعت التدفئة

بيش بكرة اتخشن وتلقن الجو حلو ودرتلكن حتى اشوية حلو وموالح واللي اتخش

الاولى بكرة ادير الشاهي راكن تنسن

تصبحن علي خير

[جوهرة ليبيا]

عدي ياغانا زعلانه **راه الكاس خدوه ضنانا

[جوهرة ليبيا]

بلادي سلم رجالها **خلوها رايق حالها

[جوهرة ليبيا]

الف الف الف مبروووووووووووووك لفرسان بلادي الفوز والله فرحتنا لااااااتوصف الحمد لله



أفرحو ياناس
فرسان وطنى روحــــــــــو بالكاس
الله أكبــــــر
أفرحوا بضنانا
هاللى بجدارة خســـــروها غانا
نجوم الملاعــــــب جايبين زهانا
وقالوا الراية يـــوم ماتنـــــــداس
وأجمل حقيقة فوزهـــــــم خلانا
نعيدوا مشاعر ميته وإحســاس
وهذى هدية وفضل مــن مولانا
فّرح خواطرنا وشــال اليــــــاس
وأجمل تحية لوحش فى مرمانا
نشنوش كيف ماأنوجــــد حراس
أفرحى مبروك
الليلة ضناك بلعبـــــــــهم زهوك
رغم الطريق أمعبية بالشـــــــوك
شيلى المواجع وأفرحـــى لاباس
بالكاس راهم تكبرى خلــــــــــوك
ياليبيا وتبقــــــــى ذهب وألماس