تجمع بنات اللي بيستخدمو منشطات وكيلوميد ودوفاستون وابر تفجيرية للعلاج

[Oum meryam]

[شاعرة الصمت]

المشاركة الأصلية كتبت بواسطة أحمد حبيبي

شااااعـــــــــــرة

الله يسلمج يا عيوني

المصيبة شربنا كل شي وصابنا انهيار والدورة صامدة ههههه

الله يعين بس

ههههههههههههههههههههههههههههههه

حتى نحن صامدون ايتها الدورة

ههههههههه


الغالية طنشيء كل شيء انا قلت عادي عندي العيال زينة الحياة

وهذي امنا عائشة زوجة رسول الله لم ترزق بذرية



ولكن كسبت الاخرة

[العليا]

المشاركة الأصلية كتبت بواسطة أحمد حبيبي

ههههههه العلياااااا

نعنبووووه هالشرطي متقصدنج ههههه .. مصيبة صابت عدوه هههههه .. جان قلتي له لا والله ورايه عرس ومش متفيجة خل يفهم ويحس الاهبل هههههههه

اقولج انا كان واحد ورايه يديـّم يباني اخوز والمدربة حاشرتنيه اونه ها شارعنا الزامي ولاتزيدين السرعة اكثر عن 60 جان افتح دريشتيه واشاوح لح بايديه طوف طوف خوز التعن هههههههه استغفرالله جان يطوفني وهو معصب وسبني بدقة هرن

انا نجحت فالباركن والريوس بس فالمدينة بعدنيه ماخذت ولا تراي يالسة اتدرب واحوط فهالشوارع مع المدربة

ادريبه الهرم ... اتقولين حاس اني بمتحن هاليوم عنبوه مب قوة احساس فيه هههه طفرني هو الدوره نفس الشي هههههههههههههه

ع طاري الديم هههههههه احيد كنت طالعه ويا المدربه و توني راده من الدوام و فيني رقاااد الدنيا و مكروفه و منهد حيلي و لا تغديت بعد و رحت وياها و الا ايني في الشارع واحد ويا اف جي و انا بروحي مسطله ههههه جان يدق هرن وانا بعالم ثاني ولا عليه منه و جان يجاوزني و أي يدامي و انا بعدني ع رقادي و يوم وصلنا الدوار ودست ع البريك يوم كنت قريبه وايد من موتره شفته مطلعه راسه يطالع و شوي و بيموت ع باله بدعمه و نقعت ضحك ....

و طبعا وراي في كل الشوارع و المدربه تقول له يا هوماره يا قبيه هههههههه و اخر شي ضيعناه قبل لا اوصل البيت ولا بيستلمه ريلي ههههههه

[أحمد حبيبي]

المشاركة الأصلية كتبت بواسطة Oum meryam

اللهم آآآميـــــــــــــــــن يارب

[Alooy]

السلام عليكم
انا بداية الشهر كنت متوقعه مافي حمل بس من ترك الدوفاستون بدا صدري يكبر وطلعت عروقه حتى غدد مونتغمري ورجع عندي امل واحسب الايام واليوم تاسع لي من خلصت دوفاسون امس في الليل لما صليت صلاة البيل وجيت بنام حسيت بشي ينزل ولقيت افرازات كثيره بعضها مليل للبني. وجاني الم قوي وبطني يتحرك فعرفت ان خلاص عذي الدوره والحمدالله على كل حال نزلت ،،وانا ناويه خلاص اشيل فكرة الحمل من راسي ولا اهتم لها لان نفسيتي تعبت حيل وانا انتظر وماراح اتعالج لا طبيعي ولا طبي بوقف كل شي وماعاد يهم حملت او ماحملت ،،وراح اطلع من المنتتدى لفتره مادري متى ارجع ادخل،، ابي منكم دعوه صادقه ولكم بالمثل ان شاءالله

[أحمد حبيبي]

هههههههه العلياا.. مليق هذا ع قولة اخوانا فالكويت

شاعــرة .. الحمدلله على كل حال دوما وابدا والله يرزقنا الجنة يااااارب

يلا يا حلوات اشوفكن ع خير

[أحمد حبيبي]

علــــــوي

الله يحفظج في كل وقت وكل حال والله يديم عليج الراحة ويرزقج من حيث لاتعلمين ولاتحتسبين ان شاء الله

والسموحة منج

[العليا]

يا حريم الحقن ... ع السريع .... انا مسويه من فتره ما ادري كم يوم تحليل منزلي و خليته ع الطاوله و طبعا نسيت سالفته لنه اول ما شفته بس خط واحد و كبعا كنت فاقده الامل .... لكن توني يوم يت اعقه شفت فيه خط ثاني باهة وايد يا دوب يبين يعني اللي ملاحظته قويه يشوفهه يعني خفيف وايد و ريلي قالي مستحيل بعد هالتفره و انتي مسويه الاحتبار و اصلا ما عدت فتره ططويله و قالي لو كان حمل جان بين الخط اوضح لنج واصله اليوم 17 من تاخرها ب انا قلت له يمكن حمل متاخر و الهرمون بعده ضعيف ...


يا حريم والله اني متوتره و باجر موعدي و اخاف اروح و انصدم ماشي حمل بعد هالفرحه بشوفه الخط لن الشهور الاولى من زواجي طلع الخط في الاختبار و ما طلع في الدم ..

و ريلي يقول يمكن الاختبار مب شي و جودته مب لين هناك و هو عباره عن جهاز صغير و يطلع خطين و باجر افكر اسوي الجهاز الاحدث منه ... قبل لا اروح عند الدكتوره ...

شورن عليه يا حريم اعيد الاختبار عقب ما انش من الرقاد ولا ااجله لين الصبح ...

دعواتكن الله يتمم لي هالفرحه و يطلع تحليل الدم بعد ايجابي ...

[العليا]

المشاركة الأصلية كتبت بواسطة alooy

السلام عليكم
انا بداية الشهر كنت متوقعه مافي حمل بس من ترك الدوفاستون بدا صدري يكبر وطلعت عروقه حتى غدد مونتغمري ورجع عندي امل واحسب الايام واليوم تاسع لي من خلصت دوفاسون امس في الليل لما صليت صلاة البيل وجيت بنام حسيت بشي ينزل ولقيت افرازات كثيره بعضها مليل للبني. وجاني الم قوي وبطني يتحرك فعرفت ان خلاص عذي الدوره والحمدالله على كل حال نزلت ،،وانا ناويه خلاص اشيل فكرة الحمل من راسي ولا اهتم لها لان نفسيتي تعبت حيل وانا انتظر وماراح اتعالج لا طبيعي ولا طبي بوقف كل شي وماعاد يهم حملت او ماحملت ،،وراح اطلع من المنتتدى لفتره مادري متى ارجع ادخل،، ابي منكم دعوه صادقه ولكم بالمثل ان شاءالله

الله يعوضج هالشهر و ان شاء الل تحملين و خلي ايمانج بالله قوي وايد و اخذي الاسباب و الحمد لله في كل الاحوال ...

علوي حبوبه كم يوم لج مخلصه الدفاستون ..

[أحمد حبيبي]

الـعـلـيـااااا

دخلت عشانج والله فرحتيني ماعرف كيف يااااااااااارب يااااااااااارب يااااااااااااارب حامل يالعليا يا الله طلبناك يارب المستضعفين والمحتاجين يا كريم يا عاطي يا الله تجعل العليا اختنا حامل ان شاء الله يارب


العليا مابي احبطج بس شي تحاليل ينكتب عالعلبة انه النتيجة بعد مرور 10 دقايق ماياخذون بها .. بس يارب يارب ياااااااارب التحليل اللي عندج غير يااارب


ادعي وادعي من الحين الين باجر .. ماعرف شو اقولج والله ابا اقولج حطي فبالج كل الاحتمالات


وان شااااااااااااااااء الله حااامـــــــــــل