|
تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
السلام عليكم يا احلى البنات في هالمنتدى حبيت اسوي موضوع نتجمع فيه نفيد بعض ونشكي لبعض ونرفع امال بعضنا ونبشر بعضنا وهالموضوع بالذات للبنات اللي بيتعالجو بكلوميد وابر تفجيرية واي منشطات فدعوووونا احبتي نكتب تجارب بعضنا شهر بعد شهر حتا نهون على بعض ونفيد بعض فنتوكل على الله ثم نساند بعضنا ♡ هل تستعملين اي نوع دواء منشط ومنظم ؟ دوفاستون وكيلوميد او ابر تفجيرية ؟ مته بداتي تاخذينهم و ايش كان االسبب ؟ نجح معاكي وحملتي ؟ ومن بعد كم شهر استخدام ؟ شنو للمشاكل اللي واجهتيها بسسبها وشنو اعراضها ؟ حاليا تجرب خلونا نكون على اتصال مع بعض شهر بعد شهر وبكل خطوة وعسى الله يحقق امنيتنا ♡ اتمنى انكم تحبو التجمع ونتواصل وندعي لبعض ♡♡ وانا راح اكون اول وحدة .. وتحياتي لكك .. وانا راح ابتدي اول وحده |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
انا لي متزوجة 8 اشهر ودوتي قامت تتاخر فرحت للدكتورة اليوم عطتني دوفاستون وكيلوميد طبعا تحاليل اسويها ايضا .. لسه ماعرف شنو فيني بالضبط
بس يا بنات من اخذت كيلوميد ونفع معاهاا وحملت باذن الله ؟؟ |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
انا كملت سنه و شهرين من زواجي و كنت اخذ كلوميد و ابر تنشيطيه و تفجيريه وprogyluton وما تفيدني و اخر شي اكتشفنا ان زوجي عنده التهاب و لزوجه و دوالي و الحمد لله راح عند دكتور شاطر و عالج الالتهاب اللي كانت مسببه اللزوجه و بعد ما عالج الالتهاب سوا له سونار و اكتشف دوالي و سوا له العمليه و الحين الحمد لله زوجي في المرحله الاخيره من العلاج و انا اخذت هذا الشهر كلوميد و رحت للدكتوره اللي اهلي مدحوها و للاسف طلعت فاشله لني رحت لها في اليوم العاشر و قالت البويضه حجمها 10 ما تنفع وقفي كل شي و تعالي الشهر الياي بنفس العلاج و بعطيج ابر بتكلفج فلوس و اذا ما فادج بسوي لج تلقيح صناعي
المهم رحت عند زوجي و خبرته و قال هذي فاشله همها فلوس و خليها ما تعرف تعالج و رديت حق دكتورتي الاوليه اللي اتعالج عندها و شاطره وايد طبعا رحت لها في اليوم الرابع عشر والله كنت متردده اروح بس شي كانت بخاطري اني اروح لها هاليوم و انا كنت مب متفائله المهم رحت لها في اليوم الاربع عشر و جيكت لي المبايض و قالت لي عندي 3 بويضات كل وحده فيهن 15 و عطتني ابرة تنشيط و موعد اليوم الثاني بعد ابرة تنشيط المهم رديت البيت و تميت اكل عين الجمل بشراهه و كميات كبيره لني احبه و يعيبني وايد المهم والله يا بنات اني رحت لها ثاني يوم اللي هو يوم الخامس عشر قلت لها لني كنت احي بالم حتى لما اصلي و اركع او اسجد احس بالم و قالت لها و مسكينه دخلتني رغم انها كانت مزحومه و كشفت عليه و قالت مشاء الله 3 بويضات كبرت صارت بحجم 20 و 21 و 18 و عطتني ابره تفجيريه و قالت الجماع يكون 16 و 17 و 18 و 19 طبعا لن دورتي 32 و عطتني دوا مثبت في حالة حدوث حمل او ينظم الدوره في حالة ماشي حمل في دوا رجيم و في نفس الوقت ينشط و يكسر الدهون خاصه حول المبايض glucophage و اليوم صار لي اسبوع و يوم من اخذت الابره التفجيريه و متوكله ع الله و بنتظر اسبوع و بروح احلل دعواتكن لي الله يرزقني بتوام حلوين الله يرزق كل منتظره الذريه الصالحه |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
اشكرج حبيبتي على هذا التجمع انا عن نفسي فعلا كنت محتاجة اني اسمع تجاربكم ونواسي ونصبر بعض...احس اني بنجن ...الله المستعان انا متزوجة لي سنة واربع شهو رتقريبا اخذت منشطات بدون ابرة تفجيرية بعد شهرين من زواجي لانه عندي تكيس وحملت بس ما كمل الحمدلله على كل حال....المهم هالشهر اخذت كلوميد من اليوم الخامس من الدورة لمدة خمس ايام والابرة في اليوم ال14 من الدورة وجماع لمدة 3 ايام من يوم الابرة ودوفاستون من تاريخ 3/12/2013 مثبت اذا صار حمل وينزل الدورة اذا مافي حمل...والحمدلله تبويضي كان ممتاز....تاريخ 12/12/2013 ان شاء الله بسوي تحليل الحمل....ان شاء الله الله يجبر بخواطرنا ونحمل هذا الشهر حمل سليم ويكمل على خير ياارب |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
ربي يرزقكم ماتتمنوا يااارب
اكثروا من اﻷستغفار و الصدقة بنية الحمل و الله كريم .. |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
اقتباس:
يا سلام عيل يبي انا نجرب عين الجمل ماشاء الله وانا متفائلة لك كثييييييييييير ويارب تطلعي حامل وتبشرينا ♡ |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
اقتباس:
انا نفسك بس اول مرة عم باخذ دافستون انزل الدورة وبس ثاني يوم دورة مش خامس غير عنك كلوميد لخمسة ايام وبدون ابرة وهي سوتلي تلفزيون وماقلت شي عن تكيس او اي شيء !! وبعمل تحاليل للهرمون و هالاشيا كمان يارب يطلع تمام و يااااارب يرزقك قريب جداااااا ♡ |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
واختي يغار الحلا مشكورة على دعواتك الحلوة ♡
|
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
هل تستعملين اي نوع دواء منشط ومنظم ؟ دوفاستون وكيلوميد او ابر تفجيرية ؟
فقط دوفاستون لتنظيم الدورة مته بداتي تاخذينهم و ايش كان االسبب ؟ آخدتهم مدة 4 شهور بديتهم شهر 7 و خلصت شهر 10 نجح معاكي وحملتي ؟ ومن بعد كم شهر استخدام ؟ لسة ما حملت .. الله يرزقنا جميعا شنو للمشاكل اللي واجهتيها بسسبها وشنو اعراضها ؟ أعراض الدوفاستون طيلة هالاربع شهور و الشهر اللي فات كمان كان فيه جفااااف تااااااام وقت الإباضة يعني ما شفت افرازات نهائياااااااااا ان شاء الله نشوف نتائج حلوة منكم مع الكلوميد لأنو وصفتلي الطبيبة آخده من اليوم الخامس للتاسع حبتين باليوم بدون إبرة تفجيرية بس لسة محتارة سمعت عنه سلبيات كثيرة اهمها التكيس و زيادة الوزن و انا مش ناقصة وزن صراحة و صعب وزني ينزل بسرعة |
رد: تجمع بنات اللي بيستخدمو منشطات وكيلوميد ودوفاستون وابر تفجيرية للعلاج
يمسيكن ربي بكل خير
شكرا عالموضوع زينبي :) انا قريت وايد تجارب لبنات قالن انهن احملن بعد رحمة الله ثم استخدام الكلوميد انا خذته هالشهر من ثاني يوم فالدورة الين خامس يوم حبتين فاليوم وحدث الجماع ومتوكله على الله وبإذن الله بطلع حامل وبخبركن كل شي الله يرزقنا يميع الحمل السليم بالذرية السليمة الصالحة يااااارب آمين |
| الساعة الآن 07:52 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .