تجمع الجزائريات الغاليات المتأخرات في الحمل ‏

[الشاكرة -لله]

تصبحو بخير يا الغاليات نروح نسهر شويا مع راجلي ,,,,,
ليلة سعيدة ليكم ,,,

[أم نهى الجزائرية]

انا ساعات كي يديرولي هاكذا ندعي نقول يا رب يوليو في بلاصتي باه يعرفو واش معنات التصرف تاعهم

ديجا انا مرة كانت اول مرة نروح فيها لعرس عند لافامي تاع راجلي و كنت ما زال عروسة و بداو يحكيو عليا كاملين دايرين تقصيرة مع صباح ربي و من بعد ولاو كاملين يحلفو بلي راجلي راح يعاود يزوج علي تخيلو في وجهي قالت خالتو نبصم على الطابلة بالعشرة غير يزوج عليها و انامعاهم قاعدة حتى وليت نبكيكامل طارو في كي لكلاب


ومن بعد سمعتهم خالتي اخرى غاضها الحال قالت نحلف بيلي ما يديرهاش كي سمعتها عجوزتي ناظت من بلاصتها كي شغل واحد ضربها بكف قالت علاه ما يزوجش عليها فوق راسها ريشة ؟؟؟؟؟؟؟؟؟؟؟؟؟ انا تشوكيت قالتها قدامهم كاملين و ما راعاوش بلي اول مرة ندخل لدارهم

غاضتني منها شقتلي قلبي بكيت حتى شبعت

[lamia zina]

تصبحي بخير انتظار صح كلام الناس يوجع ماديري والو في قلبك كي اليوم ان شاء الله تبشرينا بالحمل

[Nourelhouda]

ام نهى هذاك النهار مانيش خابة نتفكرو،،،،اخنخخ اسوء يوم في حياتي،،،،
كي راح دار عملية الخزعة،،،، يحوسو على الحيوانات في الخصية،،،، اديناهم ل لانابات باش يديرولهم تحاليل و يجمدو الحيوانات المليح،،،،
امالا اسبوع او اكثر باش تخرج التحاليل ،،،، جوزتاهم على نار حتى جا النهار اللي نروحو نجيبوهم،،،،
غير لحقنا قالي اهبطي انت حيبيهم ما قدرتش،،،
اهبطت و اعطاتني الرسالة مي حليتها مافهمت تالو سقسيت الطفلة تماك قالتلي مالقيناش ماكانش عندو حيوانات انا قريب هبلت،،، و قالتلي لازم تروحي للطبيب،،، هو يفهمكم،،، الطبيب اللي كان راح يدرلنا اطفال الانابيب
انالا شديت روحي باش نا نبكيش طلعت في الطوموبيل و انا نضحك قالي بشري قولتلو ماعلاباليش ماعرفتش نقرا التحاليل و الللي تخدم الداخل ما عرفتش قالي تتمسخري بيا حاول يقراهم فهم و ما فهمش،،، ككي روحنا لعند الطبيب تاع الانابيب قالننا الله غالب ماماش خلوها على ربي،،، راجلي قرسب بكا و انا اكثر، و سقسينا الطبيب اذا كاشما نقدرو نديرو قاللنا خلوها على ربي كلش بيدو ،،،،،
غير خرجنا هو مانطق انا مانطقت و قعد غير يتمسف وحد مور خوه و من بعد نطق قاللي نديك عند جداك تقعدي و راني نعطيك قرار تديه خمي فيه اذا راكي حابة تعيشي معايا الله يبارك و اذا راكي حابة تتطلقي نعطيك الحرية نطلقك ،،، انا قولتلو ابدا والو نقعد معاك،،، قالي خمي مليح نخليك في دار جدك تخمي ،قولتلو لالا اديني معاك لدارنا قالي راني حاب نقعد وحدي هذ الايام،، بديتت نبكي قولتلو رانا فيها مع بعض اديني،،،، والو خلاني عند جداتي و راح ،،، غلق التيليفون و ذيسبارا واحد الاسبوع او اكثر و انا هبلت قريب طلعت لبويرة نحوس عليه و جداتي تصبر فيا تقولي خليه،،، انا خفت غير كاشما يدير في روحو ،،، و ماعييت نبعثلو ميساج والو،،،، حتى ربي هداهو حل البورطابل و لقا ميساجات تاعي و عيطلي ،،،، قالي نجي نديك قولتلو بلا ما تسقسي ،،، و قالي راكي سور تعيشي معاياقولتلو ايه،،،،، قالي خلاص،،، كي جينا للدار قعدنا كي الزوافرة مورال هابط هو همل الخدمة و انا وقتها كانالعطلة الشتوية و قريب عيد ميلاد زواجنا الثاني،،،، و كيما قعدت نحوس في الانترنت ياش نروحو لتاغيت للصحراء ماكاش و من بعد جا عيد زواجنا و هو 31 ديسمبر قولتلو ايا نوض قالي وين قولتلو نروحو نتعاشاو قالي وين هنا في بويرة كلش غالق قولتلو نروحو للعاصمة امالا لبسنا و هبطنا خرجنا على السبعة تاع الليل و حوسنا تعشينا في ريستورون هندي و من بعد روحنا سهرنا في كافي و حوسنا و شفنا الالعاب النارية و طلعنا للدار على الثلاثة و نص تاع الصباح و كملنا السهروة في دارنا و موراها بدينا بلاعقل نطلعو المورال،،، يعني ماطلعش مليح بصح رانا الحمد لله،،،، و ربي يرزقنا ،،،،
قولليلي راجلك واش دار باش تعالجً،،،،، انا صفر ماكاش و هو كان عندوو راحو وين راحو الله اعلم،،، واقيلا راحو يحوسو و يرجعو هههههه

[bassouma]

تصبحي بخير إنتضار
باربي مانيش عرفا ملها مرهيش تدخل و قيلا راهي غير تقرأ واش نكتبو هههههه
أم نهى راجلي مراهش مأمن قالي حتى يكون حمل نيشان و نشوف كرشك تكبر و نشوف ولدي و لا بنتي هذا إنهار نأمن قتله إن شاء الله

[عبير الحرية]

نور الهدى نعرف واحدة راجلها كيما هكا الطبيب

قالهم اذا جبتو ولاد قابلوني

راهو عمرة و نساو سيجي نتاع الاولاد تعرفي روحو ما نعرف شكون الي قالهم روحي عاودو البيلون

راحو عاودوه تعرفي الطبيب يضرب في راسو و يقول واش درتو وين داويتو

جربي انت ثاني رمضان قريب اعقدي النية و روحو ربي يفتح عليك و كل البنات يارب

[عبير الحرية]

بسومة حنونتي راكي حامل قوليلي فرحيني هذا وين قريت

[lamia zina]

نور الهدى علاه ما ترقيش عند بلحمر ممكن عندو هاذي الحالة من السحر او شعودة و الله ماراكي خاسرة والو

[ميمي 17]

نور الهدى تاثرت بحكايتك ربي يرزقك من اوسع الاابواب

[أم نهى الجزائرية]

يا عمري عليك يا اختي نور و الله غير قطعتيلي قلبي نقرا و نبكي و الله غير حسيت بيكم سوغتو راجلك مسكين ربي يكون في عونه

و الله راني دوكة نكتب و نبكي وانت حنونة نرفعلك تحية تقدير ربي يعوضك و يجازيك كل خير

تخيلي السيدة ام سلمة رضي الله عنها كي مات زوجها قالت سمعت رول الله عليه السلام يقول من اصابته مصيبة يقول اللهم ااجرني في مصيبتي و اخلفني خيرا منها قالت قلت و من خير من ابي سلمة لكنها دعات بهاد الدعاء فزوجها الله برسول الله و من خير من رسول الله

حتى انت ادعي بيه انت و راجلك و ربي يعوضك بالذرية الطيبة التي تقر عينك بها انت و زوجك

يا عمري هادي بوسة مني ليك على راسك حنونة و الله غير تستاهليها

هاد اشي كامل مخبياتيه في قلبك ربي يفرحك حنونتي