** ليبيا زين علي زين ليبيا ورد وياسمين ** تجمع الليبيات

[dr.loly]

المشاركة الأصلية كتبت بواسطة ام وسونة

سلمها عزوزتك وربي يحفظهالك وبماانك انتي توا سيدة المنزل اكيد في تغيرات لان احني البنوتات وين مانخشوا

مكان نخلوا بصمتنا فأكيد مملكتنا تكون احلى مكان ربي يجعله حوش العمر وتشوفي فيه احلى ايام عمرك وتعبيه هلبا فرخونات

وفراخين هههههههههه

عجبني تغليقك هذا لان مبدري كنت نحكي مع اختي ع فايبر..

ودزتلي صور شقتهاااا بعد دزهم لها زوجهاااا قصدي خطيبها خخخ
هو قاري فاتحه يعني شن بنقول زوجها او خطيبها ههه



عموما تعليقاتها نفس ملاحظتي..

لشقتهااا حتي هو مداير المطبخ من برا حجري ومداير ورق حائط

قتلها ماتجش وبعد تسكني غيري بذووووقكـــ



بس الباقي ماشاء الله جلسه مدايرها ساده تركيه بيج ف قهوي

والبورسلين بيج هادي جداااا .. وفرشه ساده فيه ورده بسيطة فقط ع جنب بفضي


عجبتني بكل الحق...ماشاء الله





فهي الوحده ديما اتحط لمستهاااا ف كل شئ بعد تدخل عش زوجيه



بس ماتقوليش ان البورسلين طاحت موضته خخخخخخخخخ


مازلت ماتهنيت ب بورسلين حوشي سكنت شهر وسافرت بريطانيا ههههههههههههه


حراااام بعدك كله اسباني وحديث..

وشقتي اللي طلعت فيها عروووس كان زوجي مدايرها موكيت كلهااااااااااااا


دافيه وتهبل ..

بس اهووو قلنا للتغير فقط .. ومع ذلك غطيناه كله ماعدا الصاله والممر .. قطع


انحس ف الحاجه المرتبه والمنسقه عمرها ماتطيح موضتها..


عاد قبل مانسافر مقتنعه بنغيرو كل شئ للتركي البسيط زي بوفيهااات


خاصة لون اسود وابيض وثلجي ابداااع عندهم حاجات م الاخيررررررررررر روعه

[ام وسونة]

ياحلوة اني علقت عالسجادة انها مزركشة هلبا لكن ركزي شوية فيها اللون الموف السجادة مزركشة والصالون مزركش وكذلك الحائط فهمتيني


ههههههه وبالنسبة للصورة الاولى ماطلعتليش واضحة حنشوفها ونقولك بس اكيد حلوة زيك

[جوهرة ليبيا]

اني وماليد 90متزوجه من 2010 ومن طرابلس

كملت التانوي وتزوجت اقريت سمسترين جامعه مفتوحه ووقفت لاني جبت بنتي الاولي ماترقدش في الليل قعدت سنتين

بس عندي شهاده من وزارة الاوقاف شهادة في حفظ نص القران ونقدر انقري بيها او نشتغل بيها في الاوقاف بس مش مقتنعه

لو بنقري لوجه الله بسسسس اهم شئ ربي يعاوني في مراجعته والعمل بيه ياااااارب وانكمل حفظ الربع الاخير من القران

وشن تاني آآآآآممم

[dr.loly]

جيجي فكرتكم لحوشكم

تقريبا نفس فكرة فيلآ الاحلام تبعناااا.. لي بنديروها نظام دروج وسط حوش ولي فوق يقدر يشوف من و سطهن تحت



اللي حكيت عليهااااا من ايام بس ماشفتش تعليقات عليهااا

ربي يتممها لنا ع خير وان شاء الله تطلع كيف مانتمنوا

واكثر واحسن شئ ان يبنيها زوجي ع مهل بم ان مانقدرش نسكنو توا العيال صغار وهو يخدم بعيد اسبوعين باسبوعين




والمطبخ التحضيري يندااار في الدور الثاني .. لان متاع فطووور وجو حاجه خفيفه

نفس هكي








لوطت يندار الكبير متاع طبخ...
ونفس جو غرف الضيوف ومربوعه وحمامات ودار مقعد واستقبااال

[جوهرة ليبيا]

فروسه تعليقاتك ياحلوة

وان شاء الله ترجعوا بالسلامه وتتهني في حوشك وديري فيه كل ماتتمني

[dr.loly]

جيجي سهفتيني انصور حوشي حتى نا هههههههه

بس كوخي البريطاني مش كيف كوخي الليبي هههههه

هنا بسطاء كل هم ف كل شئ لدرجة تأقلمت حتى المطبخ الزغيرون

اهم حاجه عندهم الشرف كبااااااااار روشن تلقيه من نص الساس لعند السقف وعريض... كبار وشرحاااااااااااات بكل

بس ماينفعن ف جونا خصيصا مع العجاج والغباااااار

[ام وسونة]

ربي يعينك على حفظ كتابه وتحفيظه وان شاءالله في ميزان حسناتك

حلوة جلستك اللي الموف ماشاءالله عليها تبيديها بالهني حتى كانت عندي جلسة عالموف دايرتها في دار المعيشة

وبالنسبة للستارة احسن شي انك غيرتيها لانها مضيعه جمال الصالون

[جوهرة ليبيا]

ههههههه عادي صوري ونزلينا ولما ترجعي اكيد حنشوفوا الذوق الحلو

[dr.loly]

المشاركة الأصلية كتبت بواسطة جوهرة ليبيا

فروسه تعليقاتك ياحلوة

وان شاء الله ترجعوا بالسلامه وتتهني في حوشك وديري فيه كل ماتتمني

ماشاء الله ..
والاذواق يختلفن

انا نميل للديكور الكلاسيكي الشرقي ف نفس الوقت مع المودرن شوية لمساااات

للاسف مش ف ليبيا لو هذا نزلت وصورت

واااااااااخ ع نقالي قصدي المتحف متاعي نوكيا ان 95

مصورة فيها شقتي لي طلعت فيهااا عروسه قبل مانبيوعهااا

للذكري قلت ......... لو هذا نزلتهن

خصيصا تنسيقة دار نومنا روعه كانت وللاسف زوجي معش يبيهااااااا


حتي ديكووور الدار داره ثلجي ولمسات كريستال فضي..

قبل كانت بيج ف قهوي وذهبي والالوان هذيناااا روعه مع الاثاااات الخشبـــي



زي صندوق القمامه حشااك والمناديل وكنا داريرين فيها طاوله وكرسين طاوله خشبيه

نحس فيها كانت تحفه



وتوا بعد غيرها قتله يا بيضا ياسودا ف كرستاااال تكون


وتميل للبساطه الكلاسيكيه مش الفخامه نفس الاولي



لذلك الاستايل هذا ذهبي ف خشبي ع بيج وقهوي حيندار ف مربوعه بعد نروحوا ان شاء الله...




استايل حوش هلي دائما وابدا هههه ماما ماتحبش الالوان الفاتحه
هذا استايلهااا من يومها حتى بعد تجدد نفس الالوان اختلاف درجات بس

[جوهرة ليبيا]

واااااااااااو المهندسه وسونه عجبها ذوقي ربي يحفظك

قلتلك من الاول متعلقيش عالستار

والجلسه الموف باذن الله جاري التغير خلاص قريب شهر 9اربعه سنين لكن احني الليبيات اغلبيه تغيرننا لما نحملوا ههههه