دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

انا عن نفسي توني راجعه من مستشفى النور اللي فشارع المطار من ساعه

كنت في الطواري..تضاربت مع ريلي في السياره وتعبت ورحت الطواري

وهناك سوولي فحص قلب للبيبي وقالولي ان عندي انقباضات كل خمس دقايق

يعني عندي احتمال ولاده مبكره وحولوني لمستشفى الكورنيش

بس انا طبعا ما رحت ورجعت البيت لان عيالي باجر اول يوم دوام لهم

ولو رحت الكورنيش كانوا اكيد بينيموني هناك،

اصلا انا لين الحين بعدني ما جهزت شنطة البيبي :(

ادعولي اني ما اربي، البيبي متيبس وهالحاله يتخذها وقت الولاده،

واحس بآلام بين وقت والثاني مره بالظهر ومره بالبطن

انا حاليا مخلصه نص الثامن بس قريت ان الولاده المبكره

تكون خطر على حياة الجنين عشان جيه ما ابي اربي :(

ادعولي الله يعدي هاليومين ع خير وما اولد فيهم :(

مستشفى النور خدمتهم زينه بس الدكتوره اللي كشفت علي قالت لزوجي

انه ما عندهم حضانات خاصه بحالات الولاده المبكره لهالسبب حولتني ع الكورنيش

وقالت ان نبض البيبي مش طبيعي يمكن لانه نايم ويمكن لاني عصبت

بس انا ااعرف ان البيبي ما كان نايم لانه اثناء التخطيط كان يتحرك

صراحه خفت وايد يوم سمعت كلام الدكتوره بس بنفس الوقت ما لي قلب اروح الكورنيش

احس اني لازم اكون موجوده في البيت باجر عشان عيالي

بس لو ما خفت علي الآلام بحاول الصبح بعد ما نودي العيال مدارسهم

بحاول اروح الكورنيش وحتى لو تنومت بستسلم للامر الواقع :(