ساعدوا صغيرتي كي تتخلص من مشكلتها

[نمولة]

السلام عليك لي زمان ماشاركت في هالمنتدى الرائع اشتقت له

عندي بنتي عمرها سنة وثمان اشهر طفلتي الاولى والوحيدة ماعمري ضربتها او صرخت عليها واعاملها معاملة حلوة احاول ما ادللها كثير والقناة الي تشوفها براعم

مشكلتها بدأت من كانت ست شهور كانت تكمش او تشمخ وجه الي تشوفه قدامها بدون سبب كبرت شوي وانا بنفس المعاملة معاها والحمد لله احسها تستجيب لي لكنها لازالت تضرب لكن هالمرة بسبب يعني الي ياخذ منها شي او اذا حد ضربها تكمشه على طول
الحين انا محتارة كيف اتعامل معاها ماتفهم لي اذا قلت لها لاتضربين في نفس الوقت اذا منعتها من الضرب بمنعها من الدفاع عن نفسها وبعدين ماراح تعرف تتصرف لانها ماتعرف تتكلم والضرب ممنوع عليها

شوروا علي شسوي معاها وقولوا لي اذا تعاملي صح معاها

[دلـــوعــه عـــــبوديـ]

اههه كانك تتكلمي عن توامي مايحبو احد ياخذ اغراضهم حتى انا وابوهم غير خالاتهم وامي
ماتقدري تمنعيها لانها صغيره وماتفهم بس قوليها لا غلط انتي شاطره ومجرد ماتكبر بتفهم الله يحفظها لك

[نمولة]

مشكورة دلوعة عبودي
انا فاهمتها لكن تعالي فهمي الي الناس

[جوميلة]

حبيبتي ماعليك في حدا اللي بيحاول يرضي الناس بيتعب
المهم بنتك ماتهتز شخصيتها فيه كتاب حلو كتير بينفعك أسموه سنة أولى أمومة
كمان بأسلوب غير عنف أضربي على يدها وقولي كدا عيب ياماما
وربي يحفظها لك

[نور العمر]

اغلب الاطفال نفس بنتك بس يكبروا يفهموا

وكمان الناس لازم تفهم انها طفله وصغيره ماتفهم والمفروض ما ينزعل منها

وانتي حاولي تفهميها بالكلام انه غلط ممكن ما تفهم الحين بس تستوعب بس تكبر ...

الله يحفظهم ياااارب...

[jojo 123456]

حبيبتي هي صغير ولس ما تفهم مع الوقت رح تتغير
بس ضلك تنهيها حتى لو ما تفهم مع الوقت رح تستوعب

[عيش الحياة]

اختي الطفله صغيرة ماتعرف لسا انتي انصحيها بالكلام وحسب عمرها كيف تفهمك

ولا تحاولي تأدبك بنتك قدام الناس عشان ماتهتز ثقتها بنفسها حتى لما تنصحيها يكون بأذنها وبصوت خافت

وانتي ادرى ببنتك وطريقة تربيتها والناس لا تسمعي لتأثيرهم

[نمولة]

الله يعطيكم العافية فرحتوني بردودكم
انا ما أوبخها جنب احد بالكلام واضربها على يدها بعض الاحيان اذا كنت معاها لوحدنا واحاول اكون معاها على طول واراقبها ولا اخليها عند احد

[نمولة]

واي غلط تغلطه ما امشيها واقول لها عيب ياماما

[sosolibya]

ربي يحفظ بنتك ويعينك على تربيتها التربية الصالحة بإذن الله ..

ألأخوات ماشاء الله ماقصرو..
زي ماقالولك تماما.. هي ممكن ماتتكلم بس تفهم وتسجل يعني أنتي ضروري تفهميها في كل شىء صح وخطأ

وعزيزتي حتى أنتي حاولي ماتزعلي من شخص لو فهم بنتك غلط...

وأكيد بنتك عندها شعور طبيعي جدا.. وتحاول تدافع عن نفسها.. بس أنت لاتوقفي عن التوجيه والنصح..

الله يسعدكم..