أرجوكم طمنوني 😰

[مولي1]

السلام عليكم ..

أرجوكم ساعدوني وطمنوني واللي صار لهم نفس الشي يخبروني أبغى أتطمن 😰
خلال حملي في إبنتي أكتشفوا فيها تضخم بالكلية اليمنى وطمنوني انه احتمال تختفي بعد الولاده ومع مرور الأيام .. صرنا نراجع لها مواعيد كل 3 شهور شهرين وهكذا بمستشفى حكومي عملنا لها سونار وصبغه ملونه ومزرعة بالبول .. واتضح ان نسبت التضخم 4 من 5 مع وجود ارتداد في البول .. قبل 7 شهور صرفوا لها مضاد ريموكس مره في اليوم وبعد شهرين من العلاج طلبوا نعمل لها آشعه بالنووي .. ومازلت تستخدم المضاد بعد اربع شهور قطعته هنا خوفاً من أضراره لطول المده . مع انه موعده عند الدكتور قبل لكن لظروف انلغى الموعد .. واخذنا موعد بعد 3 شهور بالضبط من عمل الأشعه .. في يوم الموعد بعد ماشاف الدكتور الاشعه أكتشف ان الكليه تعمل بنسبة 8,9 ونصيحته الطبيه لنا بأن يتم إستئصال الكلية مع الحالب لكن بعد عمل أشعة سونار ومزرعة البول واستخدام مضاد trimol وموعد بعد 3 شهور بالضبط للمراجعه وتحديد وقت العملية ..
تعرف شعور الأم في هذه الظروف وأبغى نصيحتك لنا .. وهل نقوم بإجراء العملية لإبنتي .. انا والله خائفه على صحتها ومتردده كثيراً من العملية . في النهاية كل شي مكتوب من الله .. الله يجزاكم الجنه و والديكم ولا يوريكم مكروه ويسعدكم دوم ويخلي لكم أحبابكم يارب ..

أعتذر ع الإطاله ..

وشكراً ...

[dr.loly]

لاحول ولاقوة الا بالله الله يشفيها يارب ..اهم شئ اختي تابعي العلاج جيدآ .. واتبعي نصائح الطبيبة أهم شــئ
بس عندي جارتي قالو لها هالشئ ان كلية ابنها مضخمه بس بعد الولاده ح تخف طبيعي ..

[مولي1]

المشاركة الأصلية كتبت بواسطة *ام فراس*

لاحول ولاقوة الا بالله الله يشفيها يارب ..اهم شئ اختي تابعي العلاج جيدآ .. واتبعي نصائح الطبيبة أهم شــئ
بس عندي جارتي قالو لها هالشئ ان كلية ابنها مضخمه بس بعد الولاده ح تخف طبيعي ..

آمين يارب الله يسمع منك ..

أنا قالوا لي نفس الكلام قبل وماخفت .. الله يشفي جميع مرضى المسلمين يارب ..

[نور العمر]

والله ماعندي فكره اختي بس تابعي على الدوا والعلاج

ربنا يشفيها ويحفظها ويطول بعمرها ويعطيها الصحه والعافيه

طمنينا عنها

[عيش الحياة]

الله يشفيها لك يارب

اذا تقدري تعرضيها على دكتور ثاني وتشوفي اكثر وتطمني لان المواعيد طويله


ولاتنسي الدعاء لها في اخر الليل واوقات السجود

[احساس طفوله]

ولله ماعندي فكره عن موظوعك بس حبيت ادعي لبنتك ان ربي يشفيها ويطول بعمرها ويخليها لك ولاتنسبن تعرضينها ع اكثر من دكتور قبل تسوين العمليه

[دلـــوعــه عـــــبوديـ]

لازم تعرضينها ع دكتور ثااني
صديق زوجي بنته كانت تستفرغ كثير وقال لازم نسوي لها عمليه طبعا حكومي وحدوو الوقت لاكن اخر شي رفض وطلع بنته والحمدلله مافيها شي قلت لك القصه عشان اوضح لك ان مو كل شي يقولونه الدكاتره وبذات الحكومي صح
لازم تراجعي دكتور شاطر جدا وشوفي ايش يقول الله يحفظها لك يارب وان شاءالله مافيها شي يارب

[مولي1]

مشكورين على ردودكم حبيباتي

الله لايحرمكم أجر مادعيتوا لبنتي ولا يريكم مكروه في أحبابكم ...




🌹