افرازات التبويض

[Alooy]

مرحبا بنات
انا هالشهر الدكتوره اعطتني كلوميد ورحت لها بعد ماخلصت دوره بيوم وقالت لي عندك بويضه زينه حمدالله واللحين تقريبا انا باليوم 17 من بداية الدوره واحس مافي افرازات الا قليله ومره باليوم مع اني توقفت عن استخدام الغسول او الصابون بس اغسل بماي دافي ،، وانا على طول ماعندي افرازات. نادر تنزل ،مساعه رحت الحمام وانتوا بكرامه ولقيت افرازات مثل المطاط،، هل من الممكن نزول البويضه بدون افرازات

[عايشه يوسف]

اللي أتذكره يوم أخذ كلوميد شهر ذو الحجه وجات أيام التبويض عادي إفرازات خفيفه كانت معي بعكس قبل كثيره
ؤربي كتب لي الحمل بس مأاكتمل اللـﮧ يعوض
وقبل يوم أرقاب الأفرازات يوم أنها كثيره مأحصل حمل
وان شاء اللـﮧ ربي يكتب لك الحمل

[المتأملة خيرا باذنه]

الله يرزقنا ويرزقك وكل منتظره حبيبتي حبيت ادخل عليك بدعوه وماعندي خبره ياقلبي ولا كان افدتك

[الأمورة سوس]

الله يرزقك عن قريب اخذ احتياطك و اعتبريها تبويض

[ديسمبرية]

أنا مثلك هالشهر لاحظت الإفرازات المطاطية مره وحده وكان قبلها بيومين إفرازات خفيفة جداً واليوم الثالث المطاطية وكمان كان عندي ألم بالمييض الأيسر اختفى من بعد الإفرازات
الشهر هذا أخذت بردقوش من ثاني يوم الدورة
عكس الشهر اللي راح الإفرازات المطاطية كانت معي 3 أيام ونزلت الدورة
بس كم طول دورتك
الله يكتب لنا الحمل هذا الشهر

[Alooy]

المشاركة الأصلية كتبت بواسطة عايشه يوسف

اللي أتذكره يوم أخذ كلوميد شهر ذو الحجه وجات أيام التبويض عادي إفرازات خفيفه كانت معي بعكس قبل كثيره
ؤربي كتب لي الحمل بس مأاكتمل اللـہ يعوض
وقبل يوم أرقاب الأفرازات يوم أنها كثيره مأحصل حمل
وان شاء اللـہ ربي يكتب لك الحمل

انا متطمنه من كلام الدكتوره ان عندي بويضه بس شككوني البنات من كثر مايتكلمون عن افرازات التبويض
ومشكوره حبيبتي على الدعوه الله يرزقك انتي بعد ان شاءاللده قريب

[Alooy]

المشاركة الأصلية كتبت بواسطة المتأملة خيرا باذنه

الله يرزقنا ويرزقك وكل منتظره حبيبتي حبيت ادخل عليك بدعوه وماعندي خبره ياقلبي ولا كان افدتك

ماقصرتي حبيبتي الله يرزقك ويرزقني ىيرزق كل محرومه

[Alooy]

المشاركة الأصلية كتبت بواسطة الأمورة سوس

الله يرزقك عن قريب اخذ احتياطك و اعتبريها تبويض

ان شاءالله لان الدكتوره قالت لي راح تنزل بعد كم يوم يوم راجعتها اول ماخلصت دوره

[Alooy]

المشاركة الأصلية كتبت بواسطة ديسمبرية

أنا مثلك هالشهر لاحظت الإفرازات المطاطية مره وحده وكان قبلها بيومين إفرازات خفيفة جداً واليوم الثالث المطاطية وكمان كان عندي ألم بالمييض الأيسر اختفى من بعد الإفرازات
الشهر هذا أخذت بردقوش من ثاني يوم الدورة
عكس الشهر اللي راح الإفرازات المطاطية كانت معي 3 أيام ونزلت الدورة
بس كم طول دورتك
الله يكتب لنا الحمل هذا الشهر

والله ياختي مادري لانها مو منتظمه وسويت تحاليل وكل شي اوك بس ماتجي منتظمه يعني تتأخر اسبوع او اسبوعين هالمره رحت الطبيب واخذت دوفاستىن سبحان الله تشبهني كثير نفس مدة الزواج لنا ونفس الشي حملنا وسقطنا من بداية العرس واللحين ننتظر الحمل الله يرزقنا ياربي بهاشهر ولا يكسر بخواطرنا،،بس كيف احس طول الدوره لاني موعارفه

[ديسمبرية]

المشاركة الأصلية كتبت بواسطة alooy

والله ياختي مادري لانها مو منتظمه وسويت تحاليل وكل شي اوك بس ماتجي منتظمه يعني تتأخر اسبوع او اسبوعين هالمره رحت الطبيب واخذت دوفاستىن سبحان الله تشبهني كثير نفس مدة الزواج لنا ونفس الشي حملنا وسقطنا من بداية العرس واللحين ننتظر الحمل الله يرزقنا ياربي بهاشهر ولا يكسر بخواطرنا،،بس كيف احس طول الدوره لاني موعارفه

هههههه شفتي كيف الشبه إن شاء الله نتشابه بالأفراح قبل نهاية هذا الشهر ونطلع حوامل يا رب
أنا أعرف الدورة متى راح تنزل من إفرازات التبويض وأحيانا ما تصيب معي زي الدورة اللي جتني بعد الإجهاض مرات كثيره نزل علي الإفراز المطاطي وما عرفت هل هذا الإفراز من التبويض أو من الالتهابات وزادت الإفرازات قبل الدورة وفعلا نزلت الدورة
والشهر هذا أخذت أدوية للالتهابات وبردقوش ومن بعد التبويض مالاحظت الإفراز المطاطي تكرر معي
بس لا تشغلي بالك دامك تتابعي مع الدكتورة ومره الأخصائي قال لي لو تتأخر أسبوع أو أسبوعين عن موعدها يعتبر بحدود الطبيعي أهم شيء ما يعدي على موعدها شهر كامل بدون حمل وبما إن الحمل صار بدون أدوية أو منشطات فهذا دليل إن التبويض جيد حتى لو حصل هالمره خلل وتم الإجهاض
أنا أتوقع الخلل بالدورة من التغذية لأن قبل زواجي كنت حريصة على الفيتامينات والمعادن مثل الزنك والحديد وكانت الدورة تنزل كل 33 يوم بس لخبطة التغذية لها دور كبير بلخبطة الدورة