** ليبيا زين علي زين ليبيا ورد وياسمين ** تجمع الليبيات

[جوهرة ليبيا]

شنج سوسو

انا اليوم نضت بكري راهو العشره ونص مش من التمانيه هههههه هذا البكري امتاعي

درت شاهي منعنع وتست شعير الزوز سخان البست وقعمزت عالطاوله اتشمست شوي كملت فطوري عالسريع وخشيت

انخاف سلفي يطلع مع اني لابسه عبايتي نقدر انزل خماري عالسريع لو حسيت بحركه واصلا مدخلهم مش مقابل حوشي يعني

حنسمع السياره في الممر قبل لكن تعودت نطلع وايدي علي قلبي هههههه

تو ان شاء الله بنديروا الصور بيناتنا معادش يبدا حد قبالتي

[sosolibya]

مساء المحبة..

اليوم مشيت للسورين جووووو والله يابنات جو مش عادي..

يعني الميعاد ولا حلى وفي قمة البسااااااااطة

كان ليبين راهو مظاهر((البعض)) وناكلو في بعضنا وشن بنحط وشن بنقدمو

الحق استمتعت وكل شوية يحلفول زيدي هدرزي..

جيجي جيجي ياحلوة مابعدك الحق معقولوالله هلبة هكي بتنزلي خمارك في جنانك وضع صعب بصراحة الواحد مفروض ياخد راحته في جنانه..

شكلك فطرتي بروحك اكيد البنات نايمين وراجلك في الشغل باهي ماتتلاقيش انت وسلفتك تفطرو وديرو جو مع بعض..

[sosolibya]

مساء المحبة..
فروسة أو البنات لو عندكم فكرة
نبي نسأل سؤال كيف نعرف إذا كان الموضوع مكرر أو لا ..

نبي نعف وين نلقى الشريط يللي يعرفني بهالشىء..

[اوشي]

السلام عليكم ورحمة الله وبركاته

[اوشي]

كيف الحال خواتي الطيبات ..

ليـــــــــــــــــــــكم وحــــــــــــــــــــــششششششة

شن الجو وان شاء اموركن طيبة

[اوشي]

فروستي ...

شخبارك ياقمرهم والعيال والولي بالذات

بالتوفيق حبيبتي في قرايتك ربي يحفظك من كل سو واحسن ماعملتي

بـــــــــــــــــــــــــتتس شن بتقري ياحلوة

ربـــــــــــــي يساعك وينجحك

[اوشي]

الشيز كيك صاح هو طلباته وجات بس طريقته ساهلة

وانا انير في تشيز كيك بالشكلاطة ايهبل

شي يوم توة انيره وانزل الكن صورته

وبالنسبة لسفرة فرنسا خيرها في غيرها وزي ماقلتي صقع عالعيال وحتى عليك

نحنا هنا بنموتو من الصقع يبال انتو غاي

[اوشي]

جيجي ..

شن دايرة توة عمليتك شن اخبار الامورات

سهفتيني عي افخاذ الدجاج قوليلي كيف اديري فيه وشن هي البياضة او البياض اللي حطيتيه فوقهم

[اوشي]

جنودة ..

شن اخبارك ياحبيبة واخبار دراستك

والحنين والارياف عالوطن اكيد واعر ربي يكون في عون كل اللي خارج ليبيا

[اوشي]

سوسو..

شن اخبارك واخبار العيال وبوهم

الله يبارك ديما جوكم يعجب فيا ان شاء الله ديما ملتمين عالخير والهنا


وقولي طريقة جنودة في خبزة الخضرة ... لاني بصراحة طريقة البيتزا السريعة

اليي خذيتها منها اتهبل

وبالنسبة لمعرفة الموضوع المكرر ..

تلقي في اعلى الصفحة بجنب علامات التويتر والفيس مستطيل وفيه علامة

البحث ... في الصندق هذا تكتبي موضوعك وتبحثي عنه