تجمع الجزائريات المتأخرات في الحمل و أهلين بالتونسيات الغاليات

[ندى الوردة]

المشاركة الأصلية كتبت بواسطة سهام فرنسا

و الله يا جمانة غير وين نروح يطيشوني يقولولي مزال الحال باش داوي و تشربي دوا و درت التحاليل كاملين و الحمد لله ماعندنا والو لا انا لا راجلي
رانا نستناو في رحمة ربي

أهلا سهومة سافا
نسيت نقلك لاه ماتبدليش الطبيبة روحي لوحدة اخرى أنا الي نتبع عندها قاتلي بعد الانتيبيوتيك نتاع ليسطوما تعطيلي تريتمون تاع ليراغل وقاتلي نزيدو نستناو شهرين ونعطيك تريتمون فور نتاع لوفيلاسيون
بدليها بالاك واحد ماهو كي لوخر

[alma021]

علابالكم راني نحب الحزن بزاااااااااااااف ديجا الفيديو اللي دارتو نور درك قتلني وزدت دخلت لفيديو وحدواخرين راني دايرتهم ونبكيييييييييييييييييييييييييييييييييييييييييييييي يييي

[سهام فرنسا]

المشاركة الأصلية كتبت بواسطة alma021

علابالكم راني نحب الحزن بزاااااااااااااف ديجا الفيديو اللي دارتو نور درك قتلني وزدت دخلت لفيديو وحدواخرين راني دايرتهم ونبكيييييييييييييييييييييييييييييييييييييييييييييي يييي

علاه راكي هكذا علاه أمونة وش بيك مش مليح هكذا ياخي يقلك أضحك للدنيا تضحكلك هههه

[عبير الحرية]

الما راهو ماكانش الي متهني هذه دار شقاء

واش نديرو

لالا ندى طبيبة سهام عندها الحق

المراة تشرب الدوا نتاع الحمل و تقول بالي عندها مشكل نتاع انفرتيليتي بعد عامين زواج قبل لا

اذا دورتك منتظمة ما عليك غير بالمالة الي تنشط

و زيدي رقي بلاك حاجة اخرى ما تدريش على العرب مصايب

اسماء علاش اجهضت و قداه عمره

[عبير الحرية]

لبنات دخلت المساء لصفحات شابات مثل الورود استشهدو في مصر

اقسم بالله عفت روحي و احتقرت روحي

نجرو على الدنيا

ماشاء الله ربي يتقبلهم قبولا حسن و يحتسبهم عنده شهداء

اختارو كيفاه يموتو سبحان الله الكبيرة فيهم ما غلقتش 20سنة

بكيت دموع راسي و انا نهار كامل واش ناكل واش نشرب نخمم غير في الدنيا

ما درت والو للامة

راهو العشاء يؤذن نصلي ان شاء الله و نرجع

[ندى الوردة]

ألما واشي هذا الحزن يا اختي توكلي على ربي وكيما يقولو لبنات الناس كلهم مهمومين مكانش الي عطاه ربي كلشي الكمال لله سبحانه رانا كلنا كيفكيف والاكتئاب راهو مرض العصر ارواحي طلي عليا القلقة دمرتلي حياتي والحمد لله يوم مليحة ويوم حايرة وهي رايحة ولا جاتك هدرة قوليها وفرغي قلبك ولاجاتك بكية خرجيها وربي يرفع عليك وعلينا ويفرح قلبك بخبر ينسيك كل همومك آاااااااااااامين

[alma021]

شفتي عبير هدا هو المشكل فينا همنا الاول والوحيد الدنيا سبحان الله

[ندى الوردة]

حبيبتي عبير انا ما خذيت حتى دواء مزلت باﻻك تعطيني تريتمون الي يريقلي ليراغل دابوغ ولكان ما هزيتش ممكن تعطيني منشطات

[ندى الوردة]

واش فيه الفيديو قولولي قبل لاعاد يحزن راني نديها شهر وهو في راسي هههههههه قولولي قبل

[alma021]

يعطيكم الصحة لبنات ربي يفرج علينا كامل ريحتوني شوي راني عارفة بللي ربي راه كاتبلنا ومقدرنا ارزاقنا غير احنا نتقلقو وهدا كلو من وساوس الشيطان كيما قالت سهام ربي يغفرلنا برك مي راني حاسة بللي الاكتئاب راه حاكمني