تجمع الجزائريات المتأخرات في الحمل و أهلين بالتونسيات الغاليات

[Nourelhouda]

صح مريم راحت تولد خولة!؟!؟!؟ ربي يعطيها وقفة سهلة يا رب يا كريم،،،،،،

[alma021]

السلام عليكم
وصباح الخير والربح والصحة عليكم يا الشابات خولة ان شاء الله ربي يعطيها وقفة ساهلة وتولد بخير
نور والله غير راكي قاسمتلي قلبي راني حاسة بيك لاخاطرش راجلي فاتت عليه وحد المرحلة كان مستهزا ومايسمعليش خلااااااااااااااااص كنت نحس روحي رح نطرطق والحمد لله هداه ربي كثري الدعاء وربي مافيه غير الخير راني ندعيلك والله
نواااااااااااااال واش نقولك درتيلي القلب راني قررت وان شاء الله ربي يقدرني عندك الحق القيام مشي نهار برك انا كنت ندير نهار فالشهر كي تقرب الدورة ومبعد كي تجي نقول وعلاه جات يا قمت وادعيت
ندى ماتقطعيش لياس مدام مزال مانزلتش مازال الامل وان شاء الله ربي يرزقك
مريوووووووووووومتي وانت وقتاه تروحي تولدينا قاع راحو يولدو بقيتي انت
سارة يا سارة منيش ناسياتك درمك نقولك كاين الوصفة نتاع التمر بزريعة الزرودية درتها ومانفعتنيش انا مي كاين بزاف من اقاربي داروها وحملو من اول مرة شوفيها راهي في مواضيعي وكاين طريقة طلع النخيل خلطيه بشوي عسل وديريه بحجم حبة الحمص وديريه تحميلة درتها ثاني ومانفعتنيش دريها انت بلاك تجيب نتيجة معاك وكي نزيد نتفكر نقولك لاخاطرش درت بزاف وصفات ودرك كرهت ماني ندير والو راني مخليتها على ربي سبحانو

[ندى الوردة]

صباح النور والسرور عليكم جميعا
خوله ربي يسهل عليها سير راهي زيدت
سارة أنا مرت خويا ومرت ولد عمي حملو بزراعة البصلة بسح والله ما علابالي كيفاش داروها يشربوها ولا منعرف نسقسيلك مرت خويا ان شاء الله
جمانة غدوة ان شاء الله نعمل تحليل الدم ونشوف البارح حكمني السطر يقتل اول مرة يجيني نوضني من النوم بالاك من القرفة واليوم مكان والو ماهبطتش
مدام خولة طمنينا على زوجك

[ندى الوردة]

ألما ربي يرزقك في القريب العاجل كثري دعاء واستغفار وربي ما يخيبكش ونور الهدى وساره وام عبد الرؤوف وسهوووووووووووووومه والجميييييييع نفس الشيئ

[ندى الوردة]

اليوم مانقدرش ندخل بزاف جاية عجوزي تقعد يومين ولا ثلاث بسح نحاول من وقت الوقت نطل عليكم

[سهام فرنسا]

صباح الخير عليكم
أسيا ربي يفرحك إن شاء الله على هذيك الدعوة الزينة اللي عطيتلهالنا
خولة إن شاء الله ربي يعطيها وقفة ساهلة و تكون ديسيدات وش تسمي بناتها مش تتلفلها
ألما واش بديتي و لا مزال هههههه
أخت صارة أنا ثان رعندي وصفات و ملاح وجربين سورتو تاع البصلة لي قالت عليها أسيا من بعد كي ندخل نعطيلك و الكلوميد راكي عارفة هنا في فرنسا مايمدولكش دوا بلا وصفة على خاطر الطبيبة قاتلي مزال الحال على الدوا أنا دارولي وصفة في البلاد و شريت بيها من هنا هههههههههه و الوصفة اللي قالتها ألما ثان راهي مجربة من أختي و نفعت معاها ماشاء الله
المهم من بعد إن شاء الله نكتبلك الوصفات لي نعرفهم وسيرتو اللي مجربين ودارو نتيجة

[سهام فرنسا]

مريم هذا ليك ههههههههههههههههههه
https://

[أم صهيب2]

صباح النوووور عليكم واش راكم بخير
خولة ربي يسلك على خير وتجيبي احلا بنوتات يا رب
نور الهدى وينك اخيتي خليك معانا ندردشو ونحو على الخاااطر
سهام فرنسا يا الله وجدت الكراس والسيتلو باش نكتب ونجرب وربي يحن فيا وفيك انا منين قلت التبويض عنجي ناقص بسبب هرومون الحليب قلتلهم اشروهلي من الجزااائر وماعرفت نستعملو

ندى حبيبتي شكرا يا الغالية يا الله سقسيهم وردي عليا
الما شكرا حبيبتي انا درت نتاع رزيعة الجزر في التمر ياك ولكن كيفاش كليتيها يعني الوقت

شكرا لوقفتكم معاياا

[مريم13]

لسلام عليكن

المشاركة الأصلية كتبت بواسطة alma021

السلام عليكم
وصباح الخير والربح والصحة عليكم يا الشابات خولة ان شاء الله ربي يعطيها وقفة ساهلة وتولد بخير
نور والله غير راكي قاسمتلي قلبي راني حاسة بيك لاخاطرش راجلي فاتت عليه وحد المرحلة كان مستهزا ومايسمعليش خلااااااااااااااااص كنت نحس روحي رح نطرطق والحمد لله هداه ربي كثري الدعاء وربي مافيه غير الخير راني ندعيلك والله
نواااااااااااااال واش نقولك درتيلي القلب راني قررت وان شاء الله ربي يقدرني عندك الحق القيام مشي نهار برك انا كنت ندير نهار فالشهر كي تقرب الدورة ومبعد كي تجي نقول وعلاه جات يا قمت وادعيت
ندى ماتقطعيش لياس مدام مزال مانزلتش مازال الامل وان شاء الله ربي يرزقك
مريوووووووووووومتي وانت وقتاه تروحي تولدينا قاع راحو يولدو بقيتي انت
سارة يا سارة منيش ناسياتك درمك نقولك كاين الوصفة نتاع التمر بزريعة الزرودية درتها ومانفعتنيش انا مي كاين بزاف من اقاربي داروها وحملو من اول مرة شوفيها راهي في مواضيعي وكاين طريقة طلع النخيل خلطيه بشوي عسل وديريه بحجم حبة الحمص وديريه تحميلة درتها ثاني ومانفعتنيش دريها انت بلاك تجيب نتيجة معاك وكي نزيد نتفكر نقولك لاخاطرش درت بزاف وصفات ودرك كرهت ماني ندير والو راني مخليتها على ربي سبحانو

عاداك ما قلتش بسم الله في التاسع حتى غدوة ان شاء الله

المشاركة الأصلية كتبت بواسطة أم صهيب2

صباح النوووور عليكم واش راكم بخير
خولة ربي يسلك على خير وتجيبي احلا بنوتات يا رب
نور الهدى وينك اخيتي خليك معانا ندردشو ونحو على الخاااطر
سهام فرنسا يا الله وجدت الكراس والسيتلو باش نكتب ونجرب وربي يحن فيا وفيك انا منين قلت التبويض عنجي ناقص بسبب هرومون الحليب قلتلهم اشروهلي من الجزااائر وماعرفت نستعملو

ندى حبيبتي شكرا يا الغالية يا الله سقسيهم وردي عليا
الما شكرا حبيبتي انا درت نتاع رزيعة الجزر في التمر ياك ولكن كيفاش كليتيها يعني الوقت

شكرا لوقفتكم معاياا

حبيبتي بصح علاش تشربي وحدك بلاطبيب اناكان عندي مشكل تاع هرمون الحليب ما رفدتش حتى داويتو ساع وكي اتعدل وليت نشرب بروجيسترون لانه مشجع للحمل ماعليش جربي الخلطات اللي عطاوك البنات
صح حبيبتي نحس بلي الحمل عندك راه نفساني راكي حساسة بزاف من هاد الشيء حاولي تنحي من بالك شوية لازم ذهنك يكون صافي
والله يرزقك في القريب العاجل يا رب

[alma021]

لبناااااااااااااااااااااات جبتلكم خبر هااااااااااااااااااااااايل
خولة ولدت وجابت احلى توام جنى ورنا
وهاي ليكم رسالتها
شكزأ ليكم بفضل دعواتكم سلكت و جبت جنى و رنا المهم راني فالسبيطار دخلت من بورتابل راجلي عنده نجمة باه نطمنكم ادخلي للتجمع و خبريهن