ديوانية حوامل البحرين

[rose soul]

حروف عاشقة
الله ما يسوي شي الا فيه خير لج .. ولا تحاتين هالشي
ربنا كريم..
الا صج بسألج
اثنينهم في مشيمة وحدة..لو كل واحد بروحه

[حروف عاشقة]

ونعم بالله

كل واحد بمشيمة قالوااا لي في بداية حملي بس الحين لما تقدمت بالاشهر صاروا كانهم بمشيمة وحده لانه يقولون يتلاصقون من زود الضغط بس اكيد كل واحد بمشيمة ..

يالله خيوتي نستأذنج الحين اكا اذن نشوفج على خير

[rose soul]

اها
عيل ان شاء الله البنت تطلع تشبهج والولد يشبه ابوه ههه
لأن اكيد ما بتشابهون اذا كل واحد في مشيمة

اوك خيتوو..انا بعد بقوم
انجوفكم..

[حنين للماضي]

هلا والله بالحبايب
من زمان مابينتوا؟؟؟

حروف انتي من صدقش تحطين وتشيلين في القدوع
يعني الحين مافي احد غيرش يشتغل!!!
تحملي في روحش ولاتتحركين زايد انتي عارفة ان الحركة الزايدة هي احد اسباب الولادة المبكرة
وعلى طاري توأم لاتحاتين مو شرط لازم ولادة مبكرة احنه في اهلنا اللي جابوا توأم ماشاءالله كلهم من يدخلون التاسع اولدونهم
انتي بعد ان شاءالله
بس نفس ماقلت ليش ارتاحي زين وبلا قدوع ولا حركة زايدة

بنت الاياويد وينه انتي يا اختي
واحنه نقول شكلها تفتر من قلب وطلع العكس صحيح
كملتي اغراض بنوتش؟؟؟
تعالي استقريتي على الاسم لو للحين؟؟

عجل مستانسة فتاة باجر بتسوين تصوير
اني سوو لي في مركز النعيم في الليل رغم ان اني مركزي جدحفص
يلا ان شاءالله تعرفين جنس البيبي وتفرحين

روز شكلش متفقة مع فتاة
انتي شكله باجر بيعطونش موعد حق تصوير

يا هلا ومرحبا فيش اختي فجورة
غريبة للحين ماعرفتي جنس البيبي
حاولي تعرفين بسرعة لأن عقب بصير صعب اذا بتشترين اغراض البيبي وشكلش لحد الآن ماشريتي شيء

اني شريت جم بدلة وبيجامة يهبلون كلحين اطالعهم واحببهم
اذا صورتهم بنزلهم لكم

[بحرينية عسل]

السلام عليكم
ممكن اشارك وياكم
اني من البحرين:(

[حنين للماضي]

المشاركة الأصلية كتبت بواسطة بحرينية عسل

السلام عليكم
ممكن اشارك وياكم
اني من البحرين:(

حياش الله اختي
ويلا عاد واصلينا عشان نتعرف عليش اكثر

ما قلتي في اي شهر انتي؟؟
هذا اول حمل ليش؟؟؟

[بحرينية عسل]

هلا خيووو
لا هذا حملي الثاني
وعندي عبادي عمرة 3 سنوات
والحين اني في الشهر الثامن ماباقي شي وادخل شهري
وانتي هذا اول حمل لج ؟؟

[حنين للماضي]

المشاركة الأصلية كتبت بواسطة بحرينية عسل

هلا خيووو
لا هذا حملي الثاني
وعندي عبادي عمرة 3 سنوات
والحين اني في الشهر الثامن ماباقي شي وادخل شهري
وانتي هذا اول حمل لج ؟؟

الله يحفظ ليش عبادي ويقومش بالسلامة ياااارب
عجل ما باقي شيء وتولدين ان شاءالله
وشكله فيش بنوته
اني هذا اول حمل لي
يلا عطينا من خبرتش
عسولة صدق الاكل يأثر على الجنين
لأن اني احس اكلي نفس قبل بالضبط لا زاد ولا نقص عادي يعني لو لازم آكل أكثر

[حنين للماضي]

يلا اختي عسولة اخليش الحين جتني النومة
وهالايام ألم الظهر دابحني عدل
بقوم ارتاح شوي

تصبحون على خير جميعاً

[بنت الأياويد]

هلا والله حنين ، لا وين افتر ههههههههه كله في البيت والشد الي يصيدني في ريولي مايخليني امشي عدل ، ماشريت لها الا مشبوك واحد ولحاق وقبعه ومرضاعه وحده من ذيك المرة ولا خذت لها شي غير ، قلت لين صرت اشوة اقدر امشي ومافيني شي بروح السعودية بتشرى من هناك