حبيباتى سيدات ليبيا تفضلو لأعرف ما حالكم

[شموسه 88]

اموله الحمد لله عل سلامتك الف الف مبروك العروسه ربي يحفظها لكي اوتفرحي بيها

[شموسه 88]

والله ماعنديش وقت نكتب
ادعلي بلسفر الميسر ان شالله

[شموسه 88]

استودعكم الله الذي لا تضيع ودائعه


مع السلامه

[هدية الخالق]

السلام عليكم ورحمة الله وبركاته
كيف حالكم جميعا وحشتووووووني
شن اخبار البلاد ان شاء الله افضل والله مانحب نتعب اخبار كرهت الاخبار من ايام الاحداث
امووووولة الف الف مبروك البنوتة الحلوة والحمد لله على سلامتكم ان شاء الله تكونوا بألف خير وان شاء الله غير ماتعبتيش
جيجي لاباس عليك وردي بالك من البردة وانتي نافس صعب تصحي بسهولة لانه مناعتك ناقصة كثري شرب السوائل الساخنة والشوربات
وان شاء الله لاباس عليك شن اخبار جمان وشن جو رنودة معاها اكيد فرحانة بيها ربي يخليهملكم
جنودة عقبال مانسمعوا بخبر حملك في القريب العاجل ياااارب
شن اخبارك واخبار دراستك وشن جو امريكا احني اللاسبوع هدا ماشااء الله مطر قووووية وصقع بكل
على فكرة الشامبو والبلسم اللي خديتيهم واخدة منهم اني وحتى احني عندنا بثمانية دولار بس اربعة الشامبو واربعة البلسم واني واخدة اللي لونه احمر بالكيراتين وماليش هلبة نستعمل فيه لكن حسيت البلسم يجفف شووووي والا؟
فروسة شن اخبارك وشن جو لولي ان شاء الله كويسة والله اني سما على مانحكي عليها سلامتها مانوصف حتى الربع عندها نشاط مش عادي ماشاء الله هاليومين متعلمتلي حاجة جديدة تفتح في دولاب المطبخ وتطلع في اللي موجود امس مطلعة النايلو اللاصق وفاتحاته قريب مشي منا النص حالة وخلاص شكلها من الكساد يخطر عليها حاجات بكل والله وجعتني قلت منرفعها في روضة جنب وحدة صاحبتي ليبية ديما ترفع في صغارها امشي اليوم مشيت شفت الوضع وشفتها يعجبها الجو والا عالاقل تتعود عالناس والصغار خير ماتجيني انطوائية مسكينة ديما اني وبوها بس وحتي باش تلعب نين تعيا غادي وتفرغ طاقتها غادي وتروح عيانة وتهدا في الحوش ههههههههه وطبعا نظام الروضة اني نقعد معاها مش نحطها ونعدي هذا ليش اشجعت نسجلها لان اني نكون معاها لاني والله ماتهون عليا نخليها في حضانة والله ماقدرت وهدا اللي مخليني ماحصلت نقرأ انجليزي ماتهونش بنيتي نخليها للغريب واني موجودة وعلى قيد الحياة هكي قناعتي الخق
ومبارك ماشريتي من هدايا ماشاء الله ناشطة بديتي احسن كل مرة خودي لواحد خير مايجوك في مرة وتتلخبطي ومرات تنسي وخيتك والله قاعدة متنبلة وماخديت حاجة بالنسبة للهدايا
الحق مانعرفش شن ناخد محتارة وراجلي يقوللي مادخليش فيك انتي اختاري
قوليلي انتي شن خديتي متلا لامك وخواتك وعزوزتك وسلفاتك ومن خليت اني ههههههه
قصدي لعيلتك وعيلة زوجك هدوم مقربين هلبة ضروري حاجة باهية كل واحد
مش عارفة الحق قوليلي انتي شن بتهدي مش نخنب منك الفكرة ههههه
اوشي حبيبتي شن اخبارك واخبار الصغار صحيتي ياغالية علي الرقية وطريقة العسل والحرير قلت عليهم لمرت خالي لكن هيا مسكينة مشكلتها مش في النزيف بس لكن الحمل ضعيف قالتلها الدكتورة الكيس صغير هلبة ومشنشف شوية شاكه انه تشوه لاسمح الله وقالتلها استني عشرة ايام ووليلي كان الوضع زي ماهوا منديرلك تنظيف وربي يعوض عليك
شموسة ربي يسهل سفرتكم ويعاونك صح اصعب حاجة التجهيز للسفر تحسي روحك ناسية حاجة وتحسي في كل شي مهم وتبي ترفعيه ان شاء الله تمشوا وتجوا بالسلامة يااارب
اثري وسوسو وام نوزة شن اخبارك انتم وعويلاتكم وينكم غيااااب
رغودة وام معاد وام ورد وام مكي ان شاء الله اخباركم تمام انتم وعويلاتكم
من ثاني ؟؟؟ان شاء الله مانكون نسيت حد

[dr.loly]

المشاركة الأصلية كتبت بواسطة شموسه 88

استودعكم الله الذي لا تضيع ودائعه


مع السلامه

نستودعك الله عزيزتي..
ربي ييسر أمورك ويسهلكم سفركم يــــارب ..
في حفظ الله

[dr.loly]

هديه هلا .. ربي يحفظها الاموره صار صايره مشاغبه اااه من شغبهم وبس
لكن مع ضحكاتهم البريئه تنسي كل شئ


مش من فترة لقيت فراس واكل كريمة العنايه الليليه اولاي ههههه

[dr.loly]

بالنسبه للهدايا يانا عليا معش با يكمل بكل هالموضوع مع ان بدينا فيه بدري


طبعا المقريبن اكيد هدايهم اكثر ومميزه .. هكي بندير



بالنسبه لسلفاتي شرنالهم صندوق هدايا وكامل يحتوي ع ساعة واسوارتها وطاقم راقي ..
وبناخد منه لكنة خالتي ومرت خالي..

وخديتلهم علبة بسيطة فيها محتويات العنايه كامله للمراه قصاصه مقص مبرد جو هذا وعلبته راقيه
بالنسبه للصبايا الشبوبات مابين 9 و15 خدينااا طاقم لعمرهن بسيط وروعه غل زوجي نظمهن ودسهم كان هذا صورتهم

وخدينالهن ساعات روووعه ..


والبنوتات الزغنتوتات شرينالهم جاكيتات فرووو حاجة م الاخير مرة حطيت صورهم والرضيعات كيب صوف بطقيته وقفازات روعه


ووتوكات والعاب وكتب



ومااااااااااااااااااااااااااازال مازززززززززززززززززززززززززززززززال

[أم أجنادين 80]

صباح الخير
ربي يسهل سفرك شموسة وتوصلي بالسلامة
ماشاء الله ان فراس صاحبة واجب وذواقة ديمه حاجتك نازكة زيك

هدية ربي يخليك احبيبه شكرًا علي الدعوة
اخبار الدراسة الحمد لله تمام
والجو عندنا زي جو ليبيا في اغلب الأوقات مشمس

سوسو غريبة معادش تفتحي هلبة
شن صار فيك بديتي في المدرسة
لو تبي تحصلي أفاد ضروري تحصلي معيدة
او تكوني الأولي علي الدفعة

جيجي واوشي وأثري شن أخباركم

وين رغودة حتي هيا غياب

بنات ام فراس وهدية ضروري منها الهدايا

انا قالولي مش لازم انتم ماشين دراسة مش لازم منهم

[dr.loly]

مرحبا جنوده وصار الجووو مشمش ماشاء الله استغلوه ف التدهويور قبل مايجيكم السقع
وكاليفورنيا معروفه مدينة الشمس ,,,\\\


عن نفسي نشوف فيها ضروريه جدآ الهدايا وحتي نا زوجي جاي يقـــرا ,, وكذلك هدية


ممكن لو كانت سفرة علاج اه فيها ومافيها

لكن هكي طلعنا برا وطولنا لازم نروحوا بهدايه

وخوالـــي .. زمان ديما يجبولنا ف هدايا بعد يطلعوا وعمامي الحق

[اوشي]

السلام عليكم ورحمة الله وبركاته