تجمع [عندي أمل بالله ]* لمن تنتظر الحمل في شهر صَفَر 1435

[يآ أرحم الرآحمين]

المشاركة الأصلية كتبت بواسطة marocchina 1988

أجي كيفاش هاذي قالت ليك الصبغة عندها سلبيات أويلي راني درتها ولكن أسمع كثيرات راه حملو بنفس الشهر ديال أشعة الصبغة مافهمتش أشناهوما هاذ السلبيات !!!
ناري راه هنايا الأطباء أقسم بالله إلَ ماكايعرفوا حتى زفتة أنا نقوليك أنا قلت ليهم غير بغيت ندير تحليل الأجسام المضادة لي يمكن تقتل الحيوانات المنوية والطبيبة المناوبة لي حتى هي كاتعمل ليا التلقيح تصوري عشرة دقايق وراجلي يشرح ليها ماعرفاتوش وكاع منين عرفاتو آش قالت لا لا حنايا كانعملوا كل شي كاندخلوا السائل حتى للرحم أويييييلي واش تاتقول هاذي؟؟ شوفي ياختي هاذ الكلاخ ديالهم وهي راه شادة زعما تحاليلي كلها قدامها وكاتقول ماعندك مشكل أنا كانقوليك هادشي منين مانجحش التلقيح لي قبل هاذ الأخير المهم قالت خاصكم إلى بيتو تعملوه تمشو حتى لبادوفا وتعملوه ب 300 يورو أكيد حنا تكلمنا بالشرق وهي كانت كاتكلم بالغرب
مايمكنش تحليل مابعد الجماع يكون بهاذ الثمن الباهظ والمستشفى لي راحنا فيه كبيييير يعني مايمكنش مايكونش فيه هاذ الفحص صافي هاذاك النهار حتى أنا كيف ماقلتي جاية نهضر بوحدي وراجلي كايقوليا صافي تهدني راه ياختي كايجيبو هنايا الصعرة حتى دكتور ماتحلمي يقوليك وي معاك
ماكاين غير لي يقوليك نوووو ماعندو هادشي علاقة أو عنده سلبيات الله المستعان أنا راه مفقووووسة ولهذا غااانمشي للمغرب ياختي تما دكاترة عارفين بحق الولاد حنت مسلمين هنايا باركين عليك نووو راه باقي صغييرة غاتولدي مالكي زربانة
منين المرأة توصل واحد السن يبقاو يعوجو فشلاقمهم ويقولو ماعرت هاد ليتا مامناسباش ليك للحمل لأن تلاقيت مع واحد السيدة مسكينة هاكا قالوا ليها ومشات
الدورة عندها مظبوووطة وباقي أنها تحمل زعما لكن هوما عندهوم كلامهم وحدهوم
إيوا الصغر يقولو ليك صبري والكبر يقولو سيري فحالك إمتى نولدو حنايا هههههه الفقسة صافي
أنا كاع ندمت لاش درت أول مرة الكوورتاج زربو عليا ونا ديك ساع يالاه جاية من المغرب باقي ماعارفاهومش على حقيقتهم أما كون تسنيت حتى إلى كان الحمل نيت موقف يطيح وحده يومين دازت كيف الطرشة لقيت راسي عاملة التنظيف يعلم الله آش ترا برحمي الوسواس داخلني
والمنظار يعلم ربي آش غيقولو لينا عليه ثاني

سلطانة بالنسبة لتحليل البروجسترون راه منين تعملي التحليل يعطوك النتيجة فيها الأرقام ديال البروجسترون لي خاصها تكون عندك وقارني نتي الرقم لي جا عندك في الهرمون على ماأظن كان عندي أنا في العشرين ولا ماعرت واحد وعشرين وهاذ الرقم يعتبر مناسب
مهم لاكان تحت ثمانية عشر راه قليل أما لفوق ماعقلتش فين خاصوا مايفوتش ولكن واحد النقطة مهههههههمة نتي ضروري تعرفي متى كان تبويضك باش من بعده بسبع أيام هذاك هو الوقت المناسب لتحليل البروجسترون

أنا كانوا يعطيوني التحاليل مكتوبة أش خصني ندير وانا كانجي لواحد الصبيتار هنايا حدايا كاتكون في الصباح وقت أخذ التحاليل وكانعطيهم الوراق صافي كاياخذوا الدم وكانرجع ناخذ النتيجة بالليل

ههههههههههه يا الحبيبة قتلتيني بالضحك و في نفس الوقت حاااااسة بيك راها الطبيبة بغات تسطيني و زعما هادي راها قديييييييييييييمة و كفء ومنين قولت ليها شحال القياس د البويضة قالتلي ما يمكنش تبان دابا حتى تحصل la gravidanza بغيت نحمااااق قولت لراجلي ما يمكننننننننننننننننننننننننننننننننننننش واش في المغرب مشيت عند الطبيب نهار 14 و قالي كاينة بويضة و قالي الحجم ديالها و هنا كتقولي ما يمكنش نشوفوها دابا والله تعصبت عند الطبيبة و حتى راجلي تنرفز قالي دابا حطينا الفلوس و ما رتاحيتيش شنو بغيتيني ندير

بصح معاك الحق هنا كيقوولك مازالة صغيرة عرفتي علاش حيت هوما ما كيتزوجو حتى كيديرو 30 ولا 34 و يبداو عليهم بالمنشطات و التلقيحات


سيري كلسي في المغرب واحد 3 شهور انتي وراجلك اذا امكن ليه و تبعي مع الطبيب و إن شاء الله تلقاي نتيجة
شوفي كاين طبيب مزيان في سطات سميتو مجاهد راه معرووووف إلى ما لقيتيش نتيجة مع الطبيبة ديالك فمراكش راه كاين هدا في سطات ممتااااز

الله يسهل عليك و عليا و نحملو هاد الشهر ياااارب