قصتي ومعاناتي

[همس الآمومة]

والله بكيت لما عرفت انك حامل من فرحتي لك رغم اني ماعرفك بس موقف زوجك وموقف الانتظار لك
وانصدمت لما نزلتيه ياربي الله يعوضك
الله يعوضك اصبري حبيبتي

[رنا محمد]

السلام عليكم خواتي..بعرف انه انتوا اكتر ناس بتحسوا كونه احنا عانينا بنفس المشكلة و انحرمنا من اغلى اشي على قلوبنا....الله المستعان

رجعت عند اهلي استريح اسبوع عند امي كنت بوقتها تعبانه من الطلق و التنزيل و منهاره نفسيا و بعد كل هاتعب حكيت مع حالي ما بدي لا اجرب و اولا اعيد مشوار العملية من او و جديد.
بعد اسبوع ارجعت لبيتي و لوظيفتي و لحياتي العادية بس للاسف بدون جنيني اللي تعودت عليه وبدات اتحسن شوي نفسيتي بجهووود من زوجي اغلى اشي بحياتي و ما ان انتهى الشهر اللا و انا فوق راس زوجي انه بدي اعيد العملية و ما بدي استنى اكتر و من كثر الحاحي وافق انه نستشير دكتورتي. بالبداية كانت جدا متعاطفة معنا الدكتورة و فسرت سبب تشوه 3لب الجنين انه صدفة و كل احامل في نسبة تشوه 2% و من سوء حظي انه طلعت معي و بعد هيك رفضت كليا اعيد انه اعيد العملية لانه ما بقي اجنة مجمدة لدي و قالت لي انه ارجع استريح كمان شهر وهذا الذي حدث
بعد مرور شهرين على تنزيلي بدات برنامج اطفال الانابيب مره اخرى و بتكرار نفس الاحداث والعمليات نتج 8 اجنه من الدرجة الاولى و قمت بارجاع 3 اجنة و طلبت كالعادة عمل فحص الدم بعد اسبوعين . .... بعد تقريبا 8 ايام بدات استيقظ و انا تعبانه و مرهقة فاخبرت زوجي انه شكلو زبطت العملية و شكلي حامل...صرت خبرة بالوحام ههههه
من كثر الحاحي رحنا على المختبر و الحمد لله طلعت النتيجة ايجابية زي ما توقعت
ركبنا سيارتنا و رجعنا للبيت ولم يتحدث احد فينا.. بيني و بين نفسي ياااا رب تعوضلي طفلي الاول و بطفل سليم لكن الخوف عندي و عند زوجي منعنا من التكلم حتى مع بعضنا
لم تكن الفرحة متل الفرحة الاولى لم نقترح اسماء على كما فعلنا في طفلنا الاول كل شي تغير حتى محلات الاطفال لم ندخلها...بحجة انه زوجي دائما يقول لي لا تتعلقي بالطفل قبل ان نتاكد من سلامته حتى ما يصير فيكي متل المره السابقة
زرنا الطبيب و سمعنا نبض الجنين..كيف لي لا اتعلق بجنين ينبض بداخلي كيف لي ان لا احبه و اموووت عليه بمجرد سماع النبض فقط
طمئنتا الدكتورة وانه كل الامور تمام و طلبت انه نرجع في بداية الشهر الثالث للتاكد من سمك الرقبة حتى لا يكون متل السابق
زرنا الطبيبة بالموعد المحدد و كنت ادعي الله انه يكون طبيعي وعلى لساني يااااااا رب
وضعت السونار على بطني و سكتت مدة طبعا انا ما شفت اشي على الشاشة بحكيلها وين البيبي وينووو
فسكتت و حكتلي الجنين متوفي من اسبوعين نظرت الي زوجي وهو يلف بظهره لي و بدات بالبكااااء باعلى صوتي لااااا دكتورة ارجوكي تاكدي بلكي انتي مخربطة . حركت راسها بالنفي و حضنتني و بدات بتهدأتي .... خرجت من العيادة منهارة ليه انا ليه بصير فيه هيك الناس بحملو ا بالغلط و بكونوا ما بدهم اولادهم ليه انا اللي بدي طفل هيك يصير فيا....استغفر الله بوقتها كنت كتير ضعيفة الايمان منهاااارة
في اليوم التالي عملت عملية تنضيفات و رجعت على بيتي بنفسية سيئة وكالعادة بدون جنيني و طفلي حبيب قلبي