قصة ولادتي ومعاناتي بحبيبة قلبي

[نآنه]

مساء الخير ياكروشات انا الحمدلله ولدت وابي اقولكم قصة ولادتي والعذاااب اللي تعذبته بالتفصيل .. انا بكريه وقرروا موعد ولاتي بيوم 20 ديسمبر 2011 طبعا تعرفون بالتاسع اسبوعيا تراجعين المهم راجعتهم بيوم 18 ديسمبر وتطمنوا عالبيبي وقالو خلاص موعدك الثاني بيوم 28 ديسمبر رحت لهم يوم 28 ديسمبر وكان يوم اربعاء دخلت عالدكتوره وسو لي تحاليل بول ودم وسوناروتخطيط قالت كل شي طبيعي بس انتي مخلصه التاسع لك 8 ايام لاااازم تنويم وبنعطيك طلق صناعي طبعا انا مخلصه التاسع والجنين مانزل بالحوض قالو انشاء الله مع الطلق ينزل المهم حاولت اطلع على مسؤوليتي رفضوا توكلت على الله ووقعت اوراق التنويم طبعا كنت عند اهلي وزوجي مو عندي ودوني قسم التنويم يوم الاربعاء عالساعه 10 ونص الصباح كلمت امي وطمنتها طبعا هالمستشفى يمنعون المرافقه يعني لوتموتين مايرافق معاك احد المهم بدأت المعاناه حطولي جهاز التخطيط وكشفت علي الدكتوره قالت 1سم بعدين حطولي تحميله طلق صناعي في البدايه ماكان فيه الم حطوها لي عالساعه 3 العصر تقريبا وجاء وقت الزياره وجاء زوجي من الرياض وزاروني اهلي وعالساعه 8 بدا يجيني طلق بس مو مره قوي يعني اقدر اتحمل ومن الساعه 9 انتهى وقت الزياره وبدأ يشد الالم ويشد ويشد لدرجه مو طبيعيه وانا خلاص قاعده ارقص عالسرير من شدة الالم وكل شوي جهاز تخطيط رايح وجهاز جاي وبعدين قعدت اصيح عليهم واترجاهم ابيهم يعطوني ابره مسكنه قالو لازم تجي الدكتوره تكشف كشفت وقالت 2 سم بعدين عطوني ابره مسكنه ونمت شوي وارتحت يوم جاء الخميس الصباح جات الدكتوره الساعه 7 الصباح وكشفت قالت باقي 2سم وعطتني تحميله ثانيه وجهاز التخطيط طبعا كل ساعتين يجيبونه عذااااااااااب والله كنت من اشوف الممرضه تجيبه على طول ابكي وبعدين عالساعه 2 الظهر بدا يجيني الم الطلق مره ثانيه وجاء وقت الزياره وجاو اهلي خففو علي شوي الحمدلله وقعدت اتألم للساعه 6 تقريبا بعدين خف الالم المهم كشفت الدكتوره قالت 3سم والساعه 8عطوني تحميله مره ثانيه وزااااااد الالم خلاااااااص عذاااااب ماعاد قدرت اتحمل وابكي واذكر الله ابي الالم يهدأ واناديهم قلت عطوني ابره مسكنه رفضو الله يسامحهم وكل شوي يجون يرجون بطني بقووه يبون الجنين ينزل بعدين عالساعه 2 تقريبا خف الالم ونمت جاء يوم الجمعه الصباح طبعا لي يومين معاناه وجات الدكتوره الساعه 6 الصباح عطتني تحميله وطبعا التخطيط كل شوي يسوونه وانا لاحظت نبض الجنين بدا يضعف ووصل ل 124 هو الطبيعي من 166 الى 156وزاد علي الطلق الين بغيت امووت جاء زوجي الساعه 2 الظهر وجاب معاه رطب واكلت منه 3 حبات بالغصب وانا خلاص ميته من الالم وقاعده ابككي وصلت حدددي والنفسيه دمااااااار المهم جات الساعه 2ونص كشفو علي قالو باقي 4 سم اذا وصل 6 سم ننزلك غرفة الولاده المهم ماكملت 10 دقايق الا استفرغت كثيير جات الممرضه قالت خلاص يالله غرفة الولاده لبست عبايتي وزوجي معاي ورحنا غرفة الولاده وعيو لا يدخلون زوجي حاولت فيهم عيو طبعا لبست لبس الولاده وحطوني عالسرير وركبو لي مغذي فيه طلق طبعا هنا بدأ يشد الالم والدكتوره كل شوي تكشف تقول ماتغير باقي 4سم وكل ماتكشف افرح اقول يارب يفتح بس للاسف اتحطم ونفسيتي تتعب من جد اندمرت نفسيا لاني اتعذب ووصل الطلق ل 98 من 100 يعني وصلت حدي والرحم مو راضي يفتح والجنين خلاص نبضه يضعف تدريجيا وعطوني الاوكسجين الاسود الكبير والاوكسجين الاخضر العادي قالو اذا جاك الطلق خذي الاسود الكبير واذا راح خذي العادي عشان الجنين بدا يضعف نبضه والله يابنات من قوة الطلق احس الاكسجين مافادني شوي الا جات الدكتوره وفكت لي موية الراس وزاااد الالم لدرجه ماعاد اقدر اتحمل خلاص وجالسه ابكي وادعي ربي والقابله كل شوي تهز بطني على شدة الطلق اللي عندي خلاااص اقولها خلاص انا بامووت وهي ساكته وكل شوي استفرغ استفرغت اربع مرات من شدة الالم وكل شوي تكشف الدكتوره وتقول باقي 4 سم والكشف مره سار يألم من كثر ماكشفو علي المهم اخر شي وصل نبض الجنين 80 وعيا الرحم يفتح والجنين مانزل بالحوض قامت الدكتوره كانت سودانيه الله يسامحها كلمت استشاريه باكستانيه وبعد نص ساعه جات الاستشاريه كشف علي قالت هاذي مافيه مجال تولد طبيعي لان الجنين مانزل بالحوض وقالت خلاص عمليه المهم انا والله فرررحت من شدة العذاااب ولاخفت ولاشي بالعكس كنت ابي الالم يوقف باي طريقه وجات الدكتوره قالت نادي زوجك قلت لهم شوفوه برا يوم جاو مالقوه الاخ رايح يتغدا دقيت عليه قال يالله انا جاي المهم تأخر شوي قالو خلاص انتي وقعي هذا الكلام عالساعه 5 المغرب تقريبا وجاو سوولي القسطره ودخلوني غرفة العمليات وانا باموووت من الم الطلق ونقلوني على سرير العمليات بعدين شفت دكتور عند راسي قلت اكيد هذا حق التخدير مصري ومعاه سعودي وقاعده ابكي واترجاه اقوله تكفى خدرني انا عندي طلق وعطاني اكسجين كذا كبير وخلااااص تخدررت وشوي الا هم يصحووني يامدام انتي جبتي بنت ويسألوني وش بتسمينها هذا وقته ههههههههه , بعدين رجعت نمت احس اني بعالم ثاني شوي الا امي وزوجي عند راسي شفتهم بس ابي اتكلم مافيه صوووت .. بعدين طلعوني غرفتي فوووق ونقلوني على سريري وجاو اهلي وزوجي بس كان الالم بعد العمليه مرره يتعب والحمدلله على كل حال ..

[صمتي ناااار]

الف مبرووووووووووووووك ع البنوته ياعسل..
والله تعذبتي الله يكتب لك الاجر..والله يسامحك وربي جاني صداع وانا اقرا القصه تذكرت ايام عذابي لأن قصتك تشبه قصتي شوي..بس انا ماسوولي عمليه الله يسامحهم


بوسيلي البنوووته..والحمد لله ع سلامتك انتي وهي

[na3ooma]

الف سلامة عليكي ومبروك ماجبتي
الله يسامحهم المستشفى ايش سكتهم 3 ايام وبعدين قرروا عملية؟ المفروض فرصة 24 ساعه واول مانزل نبض جنينك عملوا العملية
بس كله مقدر من رب العالمين ,,

[برووق]

الف الف الف الف الف الف الف الف الف الف
مبرووووووووووووووووووك

ربي يخليه لك يالغلا
وتتربى بعزكم
عقباااااااالي
يااااااااااااااااااااااااااااااااارب
آميييييين
وبالنسبه للتعب ربي ثمن تعبك وعطاك أحلى بنوته
وياااااارب يسهل لك دووووم
ودي

[يمكـ دروبي]

يا حياتي ... الحمد لله على سلامتك
والف مبروك البنوته .. بتنسيك التعب كله ان شاء الله ..

[Joana]

الحمدلله على سلامتك و سلامة بنتك...و الله تعبتي و طولتي يعني

تقريبا جربتي الولادتين الطبيعي و القيصري الله يعطيكي الاجر....

المفروض و لدوك قيصري من ثالث محاوله خطير الطلق اذا طول على الجنين...

الف مبروك مره ثانيه...

[دلع سارة]

الحمدالله على السلامة اولا

وربي يحفظ لك البنوته اللي عذبتك اسأليها ليه ما كانت تطلع !! هههههه

من جد ولادتك صعبة ....شكلك ماكنتي تمشين ولا تاكلين رطب زي ما يقولون الحوامل هنا

مشكورة طرححك القصة المخيفة

[ام شوووق]

الف مبرووووك
تتربى بعزكم

[mno]

مبرووووووووووووووووووووووووووووووووووووووووووووووو ووووووووووووووك
الله يخليها لكي يارب

[لين العسولة]

الف الف الف الف الف الف الف الف الف الف
مبرووووووووووووووووووك