حبيباتى سيدات ليبيا تفضلو لأعرف ما حالكم

[جوهرة ليبيا]

السلام عليكم ورحمه الله وبركاته

[جوهرة ليبيا]

كيف حالكم اليوم

الغياااااب هلللللبه التجمع كساااااااد

ام نوزه موعدي 11/11 باذن الله مازال عندي اسبوعين

لكن نتمني انجيب ونشوف اميرتي الغاليه

اليوم موعدي عند الدكتوره مش عارفه شن بتقولي ان شاء الله خير

[أمل ليبيا]

السلام عليكم

كيف حالكم ياغاليات كلكم وحال صغاركم ان شاء الله تكونو بالف خير

الف الحمد لله ع السلامة فروسه نورتي من جديد وفي انتظار الصور

جنودة حلواااات الصور وااااااااااااه حاسداتك ع البحر

جي جي قاعده صااامده اني موعدي بعدك بأسبوع وان شاء الله ربي يسهلنا ونفرحو ببنياتنا يارب

سوسو وشموسه واوشي واثري وهدهد

ان شاء الله تكونو بخير

[أمل ليبيا]

بنات بنسألكم جارتي جابت من يوم الاحد الي فات ومن يومها اني نطيبلهم كل يوم وهي الحمد لله صحتها كويسه بس معاش عرفت من باب الذوق والواجب لامتى نقعد نطيب ؟؟

[dr.loly]

المشاركة الأصلية كتبت بواسطة هدية الخالق

فروسة اهلين ومرحبتين انستينا من جديد ليك وحشة حتى لو ما فقدتكش بخطي فقدتك بقلبي
رحلة تهبل ممتعه ماشاء الله ربي يخليلك زوجك يعيش ويدهورك
تعرفي بكيتيني لما حكيتي على لحظات الوداع في ليبيا حتى أني نوعيتي زيك مايهونش عليا عشرة الاماكن حتى منهبل خاطري نروح لليبيا لكن في نفس الوقت مش هاين عليا عشرة حوشنا والاماكن والناس اللي اهني مانحبش حتى نغير وننتقل من حوش لحوش نوعي نكبد عالحاجة هلبة وزوجي زيي قال حتى تليفون مايهونش عليا عشرته فما بالك أشخاص والا أماكن معاشرهم سنين
وهو بالذات تعود هلبة عالعيشه اهني قريب يسكر عالخمسه سنين روح مره وحدة لما تزوجنا بس تعرفي كان مش لحقت عليه راهو راحت منا اللغة العربية او بالاحرى الليبية ههههه لأنه كان عايش بروحه وفي الجامعة يتكلم انجليزي واصحابه العرب قال الأغلب نتكلموا انجليزي خير من كل واحد مايفهمش كلام الثاني ويبي توضيح شن معنى هادي وشن معني هادي وووو
لدرجة لما روح لليبيا أهله قالوا الكلام الليبي معاش يسقم فيه مرات يقعد يهدرز وبيقول كلمة يقعد يفكر فيها ويقول نعرفها بالانجليزي لكن راحت مني بالعربي ههههه
لكن توا باهي الحمد لله أني جيت وبديت نرغي معاه صبح وليل لين ينسي الانجليزية بكل هههههه

مايوحشك غالي عزيزتي,, وتسلمي بارك الله فيك..
شخبارك واخبار خطيبة اوليدي الحبوبه سوماااااا
وشن اخر تطوارتها ,, عندي لولي امس طلعت سنتين يادوب بس ههههههه

وفعلآ العشرة صعب فراقها .. وباهي لي لحقتي ع زوجك قبل ماينسي لهجة ليبيه خخخخخخخخ

[dr.loly]

المشاركة الأصلية كتبت بواسطة ليبياقلبي

ام فروسة ربي يوفقك امتى مروحة انت
جنودة ربي معاك وربي يفرجهاعليك
هدي وينك انا خمسية زيك وطلعنا معارف فوتني \
اسمعوا انا احتمال مصر مصرليش علشان تاشير راجلي بشن تنصحنوني الاردن ولا ماليزيا

اجمعين يارب .. والترويحة ان شاء الله في شهر ستة نهايته 2014

وننصحك بماليزيا بلاد ماشاء الله تطورت في سنوات بسيطه وقعدت من دول العالم المتقدم
وهي بلاد مسلمه ,, وطبيعتها خيـــال ومن اجمل مدن السياحيه بالعالم

وحتى جامعتها تمت تجدب في واجد للدراسه فيها من العرب والليبين ,,

[dr.loly]

المشاركة الأصلية كتبت بواسطة أمل ليبيا

بنات بنسألكم جارتي جابت من يوم الاحد الي فات ومن يومها اني نطيبلهم كل يوم وهي الحمد لله صحتها كويسه بس معاش عرفت من باب الذوق والواجب لامتى نقعد نطيب ؟؟

اهلا غاليتي أموله كنتي في بالي الصبح قلت اموله ازعمه جابت مش عارف حسيتك كأنك بتجيبي عن قريب ,,

بالنسبه للتطــيب عند الاسبوع كويس نقول ,,


لاني جربت هالشئ مع جارتــي .. طيبتلها 9 ايام متواصله وكانت صحتها كويسه جدآ
حتي انها تتصل وتقولي ماتعبيش روحك وهكي ,,


بعدها وقفت وقعدت مثلا كل يومين او ثلاته ندزله من غدايا فهمتي عليا يعني كل ماندير حاجة امبوخه او معاها موالح او محشي اندزلها وهي قعدت اتدز وبعدها توقفت قبل مانبدا نصــيمـ ,,



والحق حتي تيلفوناتي معش ترد عليهن

هي رنت رديت طول وحكيتلها ع اتصالتي قالت لاهيه بوليدي مافطنتلهنش يعني قلت نا معقوله

تلقى حد متصل بها وتفوته .. ما اعتقدش ان ادير هكي مع هلها مثلآ ..


عموما عاملتها بالمثل ... كنت حابه انرن بالعيــد ,, بس بصدق كرامتي ماسمحتش وزوجي ماشجعنيش قتله الواحد يكتسب الاجر قالي صح هي وادفع بالتي هي أحسن ,, بس في ناس

تحسها كجو تكبر عليك,,



مرة حكيت ع موقفها نذكر قتيلي ان طبعها مش اجتماعيه وهكي ,,ونفسك انتي وجارتك بس هي مواقفها كثرن عليا


بالعكس هي تمشي للبعيد قبل كل حد حتى انها ماتقوليش حتى ايام كنا انطيبوا مع بعضنا برمضااان ,,



بس طبعها غريب معايا نا مع اني نحاول نكون معاها بسيط وابسط مم انا عليه بعد عرفت جوها وفلسفتها تقدري تقولي اتدير ف جو الهاي كلاس وتحب تفلسف حتي ف الاشياء اللي ماتفهمش فيهن.. عليا نا بس قلت يمكن عندها عقدة نقص مني بالضبط مافهمتش ,, رغم ان باقي الصبايا اللي شفتهن هنا معاملتهن روعه وقمة في البساطه مع العلم انها مواليد 93 وقاريه لعند 2 ثانوي ..
ربي يهديها عن نفسي بنقطع العلاقه الا ف الامور الرسميه


ومعاملتها كما يستاهل حق الجار علينا كيف ماوصانا رسولنا عليه الصلاة والسلام



ولعند امس دزيتلهم من العصباااان لاني عارفه انها تنقرف من تنظيف المصارين وخرطهن

وهي وزوجها يحبوهن ,,


وذاتس ات مجرد فضفضه

[هدية الخالق]

السلام عليكم ورحمة الله وبركاته
كيف حالكم وشن أخباركم

[dr.loly]

وعليكم السلام
يامرحبا بي هدوووو

[dr.loly]

لاحظت ان التجمع كســد شوي

والبنات يبرمن ع المنتدى ومايخشنش هناااا

ديرن طله بس خخخخ