تجمع الجزائريات المتأخرات في الحمل و أهلين بالتونسيات الغاليات

alma021 · 10-09-2013, 02:20 PM

اوووووووووووو سهام ماعندي وين نهرب راني هنا ان شاء الله حتى للعشية

احلى شيء الاموموة · 10-09-2013, 02:20 PM

اقتباس:

المشاركة الأصلية كتبت بواسطة سهام فرنسا

راني هنا أمومة و ألما زادت هربت

اذن عندك الظهر ولا مازال...بالك راحت تصلي؟؟....

سهام فرنسا · 10-09-2013, 02:21 PM

اقتباس:

المشاركة الأصلية كتبت بواسطة alma021

سهام انا ثاني ناكل حاجة خفيفة فالسحور يا فلان يا ياوورت يا نشرب قهوة بالحليب وحبيبة قاطو هدا مكان المهم لازم ناكل حاجة والله يا لوكان نشرب الما وعلابالك انا نقدس السحور ياك راكي عارفة في بركة معليش اليوم مانخرجش باش مانعياش اكثر
والصيام بديت من 1 ذو الحجة نهار الاحد واليوم عندي 4 ايام صيام وان شاء ربي يقدرني ويبلغنا صيام يوم عرفة

أنت كيفي في السحور بصح أنا من اللي خرجت الصباح هذا وين برك دخلت و الله غير راني كاو و راني مع الباقاج و لي فاليس حاصلة و الله غير راني نخمم شكون يطبقلي القش ههههه
أنا ثاني بديت نهار الأحد الصيام و نهار السبت رانا جايين خايفة مانقدرش نصوم بصح راني نويت مانفطرش ومانعرف على الحالة كيفاش رايحة تكون

alma021 · 10-09-2013, 02:22 PM

راني ندور في منتدى الجلفة في قسم الحلويات كاش مانصيب روسات نتاع قاطو جديد باش نديرو فالعيد راهي تالفتلي واش نخدم

سهام فرنسا · 10-09-2013, 02:23 PM

اقتباس:

المشاركة الأصلية كتبت بواسطة احلى شيء الاموموة

اذن عندك الظهر ولا مازال...بالك راحت تصلي؟؟....

حنا يأذن عندنا على 2 و العصر على 5 و المغرب راهو ضك على 7 و نص
في رمضان كونا نفطرو على 10 و الله غير نولي كاو و نموت بالشر هههههه

احلى شيء الاموموة · 10-09-2013, 02:25 PM

اقتباس:

المشاركة الأصلية كتبت بواسطة alma021

امومة ماشاء الله عليها بنت اختك ربي يحفظهالهم وانت ربي يرزقك ويفرحك وتولي تحطي تصاور ولادك

ربي يحفظك ...ان شااء الله يااا ربي يرزقنا....علابالك هاذيك بنت اختي التوام ...انا واختي توام صح تقولي روح واحدة .وتحيري بنتها تحبني تقولي انا امها خير من اخواتي لكل...سبحان الله تقول تحس بمحبة امها ليا....وانا نحبها اكثر من حفادنا الكل ....يااا ربي وارزقني وارزق كل محرومة الحمل الثابت السليم....

alma021 · 10-09-2013, 02:25 PM

توصلو ان شاء الله بالسلامة سهام شحال تقعدي ووين تروحي عند يماك ولا عجوزتك وعلى الصيام ماتصوميش السبت خلي حتى للاحد ولا يوم يوم عرفة وصومي ياك راكي مسافرة

سهام فرنسا · 10-09-2013, 02:25 PM

اقتباس:

المشاركة الأصلية كتبت بواسطة alma021

راني ندور في منتدى الجلفة في قسم الحلويات كاش مانصيب روسات نتاع قاطو جديد باش نديرو فالعيد راهي تالفتلي واش نخدم

أنا تهنيت هذي المرة نعيد عند عجوزتي يديرو وحدهم و لا يقعدو ههههه
بصح راني نقول بالاك ندير شوي بقلاوة و نديها معايا أنا نمووووووووووووووووووووووت عليها

alma021 · 10-09-2013, 02:27 PM

امومة انت واختك التوام متشابهين ولا لالا
ياك يقولو التوام يحسو ببعضاهم كي تتالم وحدة الاخرة تتالم كيفها وكي ولدت حسيتي بالوجع نتاعها ولا لا

سهام فرنسا · 10-09-2013, 02:28 PM

اقتباس:

المشاركة الأصلية كتبت بواسطة alma021

توصلو ان شاء الله بالسلامة سهام شحال تقعدي ووين تروحي عند يماك ولا عجوزتك وعلى الصيام ماتصوميش السبت خلي حتى للاحد ولا يوم يوم عرفة وصومي ياك راكي مسافرة

بصح و الله السفر ماشي متعب بزاف غير إذا دارت الطيارة روطار كيما المرة اللي فاتت روطار 5 سوايع و الله العظيم غير روحت كي الكلبة حاشاك و على الصيام و الله ماراني حابة نقطع سورتو كي راجلي رايح يصوم تفلاطلي
نقعد 15 يوم برك و نقعد يامات عند عجوزتي ويامات في دارنا على خاطر ماشي بعاد على بعضانا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع للبنات المتأخرات في الحمل	راندا عدلي	منتدى أعراض الحمل والوحام	52	08-12-2013 02:29 PM
..تجمع المتأخرات في الحمل ..	ام الجازي	منتدى علاج العقم و تأخر الحمل	164	01-18-2012 05:27 AM
تجمع المتأخرات عن الحمل بعد الطفل الاول	سولآف	منتدى علاج العقم و تأخر الحمل	587	09-22-2011 02:53 PM
تجمع المتأخرات عن الحمل بعد الطفل الاول	abra	منتدى علاج العقم و تأخر الحمل	2	04-17-2011 10:40 PM