تجمع الجزائريات المتأخرات في الحمل و أهلين بالتونسيات الغاليات

[alma021]

واش قاع خرجتو وخليتوني وحدي اهئ اهئ اهئ

[mounira]

المشاركة الأصلية كتبت بواسطة alma021

سلام لبنات واش راكم انش اء الله قاع تكونو بخير
امة الرحمان طريق السلامة
ريحانة على سلامتك ومبروك عليكم العرس
مريومة بالشفا عليك وغير بلعقل كون نديرو على الدار مانحبسوش كامل نضلو نخدمو وماتسلكش الخدمة فيها
حورية وعبير مرحبا بيكم راني ضيفة معاكم هنا
نور عظم الله اجركم ونتوحشك اليوم ماراكيش هنا
اسما بب واسما ليال وبسمة ان شاء الله تكونو بخير خياتي
سهام اليوم قاع ماطليتيش وقيلا راكي في شهر العسل الدوزيام هههههههههه
خولة وين راكي
منيرة راكي مليحة مع راجلك اختيتي

يعيشك حنونة راني مليحة و لكن قلت له يعطيني شوية وقت باش نولي كي الاول علا بالك راني حاسسة حاجة في قلبي تكسرت
وانتي واش راكي دايرة فيها ؟؟؟ ياك بخير

[سهام فرنسا]

أهلا منيرة واش راكي حنونة لاباس واش راه صوتك ريحتي شوي
ألما رانا هنا أنت وين رحتي

[alma021]

بصحتك سهام اختي ربي يفرحك ويهنيك ويحفظلك راجلك ويخليكم لبعض غيرتيني خلاص قررت كي تروح الراية الحمراء والسباحة الممنوعة وترجع الراية الخضراء وتولي السباحة مسموحة لازم كل ليلة بشانها خليني من التخمام نتاع الحمل وايام التبويض ودرجة الحرارة طلعت ولا هبطت خلاص كملت مع هادوك ليام لازم كل يوم ليلة خير من اختها هههههه

[alma021]

الله يسلمك منيرة اختي راني الحمد لله ريحت شوي وان شاء ربي يصلح الحال بينك وبين راجلك علابالي ترجعي كيما الاول معاه لاخطرش احنا النسا قلوبنا بيض وصافيين ننساو بلخف بوسة تنسيك كلش

[سهام فرنسا]

المشاركة الأصلية كتبت بواسطة alma021

بصحتك سهام اختي ربي يفرحك ويهنيك ويحفظلك راجلك ويخليكم لبعض غيرتيني خلاص قررت كي تروح الراية الحمراء والسباحة الممنوعة وترجع الراية الخضراء وتولي السباحة مسموحة لازم كل ليلة بشانها خليني من التخمام نتاع الحمل وايام التبويض ودرجة الحرارة طلعت ولا هبطت خلاص كملت مع هادوك ليام لازم كل يوم ليلة خير من اختها هههههه

أنا و الله العظيم غير نحيت هذا التخمام خلاص من راسي ولات حياتي غير حسابات و ساعات نتخلع في الليل و نقولو مسكين اليوم راني في فترة التبويض يعود مسكين مايقدرش يحل عينيه هههههه
و الله ضك غير فرغت راسي خليني نعيش حياتي و كل يوم بربي انشاء الله ليلة خير من أختها و كي يحب ربي يرزقني يرزقني بلا حسابات بلا تكسار الراس

[alma021]

صح سهام عندك الحق الرزق الل يندوه راه مقدر عند ربي سبحانو غير احنا نضلو نطلعو نهبطو ربي يرزقنا ان شاء الله وكل البنات نتاع التجمع عاجلا غير اجل يارب

[سهام فرنسا]

أمين إن شاء الله
و أنت واش راكي واش راهي ماماك لحقت بخير عيطتلكم و لا مازال ربي يتقبل منها و يرجعهالم يخير و على خير

[mounira]

المشاركة الأصلية كتبت بواسطة سهام فرنسا

أهلا منيرة واش راكي حنونة لاباس واش راه صوتك ريحتي شوي
ألما رانا هنا أنت وين رحتي

يسقسي عليك الخير .. و انتي واش راكي حنونة
صوتي لا خبر عليه ... على حساب الشوفة راح نقعد هاكدا

[asmabb]

مساء الخير يا لبنات واش راكم
كاش قهيوة انا راني فلخدمة توحشت نقعد فدار و نوجد هاديك لقهيوة الله الله و نوجد كاش قاطو
والله ما عندي لوقت قاع باش نقلش روحي شوييا غير نجري بين الخدمة و الدار