تجمع الجزائريات المتأخرات في الحمل و أهلين بالتونسيات الغاليات

[Nourelhouda]

والله والو روجينا صح نحبو و نموت عليه بصح كي يجرحني و مايقيمنيش و يبينلي بلي مايحبنيش نكرهو الله غالب،،،،،،،،،،

[ام قطب الدين]

لسان يقول نكرهو ينور الهدى
رجال دايمن عندهم الكلمة القاسية بصح نحبوهم ويحبونا
ربي يصلح مابينك وبينو وتفكري الحوايج المليحة لسواهلك
يعطيك الصحة على القصة والحمد لله في كل وقت عطينا الصحة وعطينا كل شئ حتى الهواء لنتنفسه
الحمد لله والشكر لله

[Nourelhouda]

اهلا ام قطب الدين،،،،باين نضتي صليتي الفجر كي بحالي الله يقبل منا،،،،،
ايه انا نحمد ربي صبح و عشية،،،،، و الا على الرجال راني علابالي بيهم بصح شوية ندير كرامة لعمري راهي تمرمدت معاه،،،،،،،

[Nourelhouda]

شوفو واش صرالي عند عجوزتي نهار الثلاثاء ::::::

نهار الثلاثاء طلعت عند عجوزتي "راه ما قعدليش يزاف و نخرجلها للعيب ديركت" بدات تقول لبنتها الصغيرة: اييهههه قوليلي واش قالتلنا فلانة هذاك النهار ؟!؟! ( هذي وحدة لافاميل تاع راجلي نعرفها ). قالتلي لوستي ايه سقساتنا عليك و قالتلنا كاين وحدة تمسد النساء في واحد البلاصة مليحة و ماديرلكش كيما خالتي ذهبية " خالتي ذهبية هي بنت خالت عجوزتي تمسد النساء و زعمة اللي تمسدها ترفد " انا مسدت عندها و مالقات عندي واللوووووو مافهمتش علاش راهم يرنكو عليا ، شفت فيهم واحد الخزرة كنت راح نقوللها ادي وليدك و امسديلو و من بعد بلعت فمي غاضني ماحبيتش نبهدلو،،،،و هو ماكانش تماك يعرفو يحكموني غير انا،،،،،،،،،كرهتهم فاميلا تاع الزبل حاشاكم،،،، ماكاش اللي يحب العروسة كذابين،،،،،زعمة يلعبوها يحبوني يسود سعدهم ،،، و زيد المشكل علابالهم بلي وليدهم ما يولدش ماشي انا و يرنكو عليا غير انا ،،،،،،

[ام قطب الدين]

ربي يقبل من ومنك ينور الهدي ومن الجميع
بينلو ليفوت حداك يتحرق راكي نار شاعلة ولا واش
اختي كبري باللك لعجاير مايبردو حتى يعلوك وانتي عجزتك كي ولات كيما هاك زوريها وانتي مع راجلك باش متقدرش تقدحلكك
وربي يهديها هذا رزق من عند ربي

[Nourelhouda]

ايه يا اختي خلاص طرطقت تفجرت عييييتتتتتتتت ماقدرتش،،،، و كنت نقولو يجي نهار نطرطق ياو ساعفني والللللوووووو لا حياة لمن تنادي،،،،،، و الا على عجوزتي الله يهديهم،،،،،

[سهام فرنسا]

المشاركة الأصلية كتبت بواسطة nourelhouda

قصة جِمِيلَة وَفِيهَا فِكْرَة :

جلس مؤلف كبير أمام مكتبه وأمسك بقلمه وكتب :
" في السنة الماضية، أجريت عملية إزالة المرارة، ولازمت الفراش عدة شهور..وبلغت الستين من العمر فتركت وظيفتي المهمة في دار النشر التي ظللت أعمل بها ثلاثين عاماً..وتوفي والدي..ورسب ابني في بكالوريوس كلية الطب لتعطله عن الدراسة عدة شهور بسبب إصابته في حادث سيارة " ...

وفي نهاية الصفحة كتب : " يا لها من سنة سيئة " !!!

دخلت زوجته غرفة مكتبه، ولاحظت شروده . فاقتربت منهُ دُونَ أَنْ تَلفِتَ انْتِبَاهَهُ ، وقرأت ما كتب ...

فتركت الغرفة بهدوء، من دون أن تقول شيئاً … لكنها وبعد دقائق عادت وقد أمسكت بيدها ورقة أخرى، وضعتها بهدوء بجوار الورقة التي سبق أن كتبها زوجها.
فتناول الزوج ورقة زوجته وقرأ منها: " في السنة الماضية ، شفيت من الآم المرارة التي عذبتك سنوات طويلة وبلغت الستين وأنت في تمام الصحة..وستتفرغ للكتابة والتأليف بعد أن …تم التعاقد معك على نشر أكثر من كتاب مهم..وعاش والدك حتى بلغ الخامسة والثمانين بغير أن يسبب لأحد أي متاعب وتوفي في هدوء بغير أن يتألم.. ونجا ابنك من الموت في حادث السيارة وشفي بغير أيه عاهات أو مضاعفات..
وختمت الزوجة عبارتها قائلة: " يا لها من سنة تغلب فيها حظنا الحسن على حظنا السيء". الحمد لله على كل شيء.
دائماُ ننظر إلى ما ينقصنا .. لذلك لا نحمد الله على ما معنا دائماُ ننظر إلى ما سُلِبَ منا … لذلك لا نحمد الله على ما أعطانا
قال الملك سبحانه وتعالى وَإِنَّ رَبَّكَ لَذُو فَضْلٍ عَلَى النَّاسِ وَلَكِنَّ أَكْثَرَهُمْ لا يَشْكُرُونَ (النمل73)
إن ربي وربك الله الذي ما أشقاك الا ليسعدك و ما منعك الا ليعطيك و ما أبكاك الا ليضحكك و ما حرمك الا ليتفضل عليك و ما ابتلاك إلا لأنه يحبك
ما أجمل الرضا بقضاء الله، وحمد الله وشكره علي كل شيء.....

صباح الخير البنات واش راكم ؟
روعة قصتك هايلة و الله غير حلتلي عينيا ربي يخليك

خولة حنونة لاباس عليك إن شاء الله لازم تشوفي الطبيب السخانة ماشي مليحة ليك
و أنت نور واش راكي مدايرة فيها مديري والو و متهدري والو إذا ماراكيش حابة تحليه خليه متشنفي عليه ماتقوليلو حتى كلمة باش ماشي انت اللي تخرجي غالطة خليه ضك يولي هو يحلك بصح متخسريهاش ههههه
و أنت ألما يارب إن شاء الله ماتشوفيش هذيك اللي ماتتسماش أنا راح على صباح ربي كانت عندي و قتلتني و ضك راني حاطة فيها كاس زعتر مع القرفة والطيب روعة هههههه
واش بسمة مزلتي صايمة اليوم نهار الجمعة مليح الدعاء كثري من الدعاء بالاك تكون ساعة إستجابة

[سهام فرنسا]

ياحبيبي البنات راهم راقدين ؟؟؟؟؟؟ ياخي فنيانات ياخي ههههههه
أنا راني من 6 تاع الصباح و أنا هنا نوضتني الي ماتتسماش قتلتني بالسطر ههههههه

[صبورة]

السلام عليكم
حباباتي و خياتي..توحشتكم مووووت...
اميرة الحنان..
امة الرحمان..
نور الهدى ..
مريم...
بسومة..
وصال الفردوس..
سماسم...
جومانة نور..
اترج..
نور اليقين..
غربة الايام..
لمياء الزينة...
احلى شيء الامومة..
ام انس..
نوال..
حورية بيتي..
لوزات..

و نشكر كل وحدة سقسات علي..


توحشتكم بزاف..كنت غايبة عليكم بصح كنتوا في بالي..و ديما نفكر فيكم...و مانسيتكمش..و يا رب يفتح عليكم كامل بالحمل كيما راكم متمنيين او اكثر..قولولي كاش علاجات ..او خلطات اعشاب..على بالي باللي راكم تعانيو كيما حالتي..بالصح الله كريم..و كل وحدة لا بد يكون عندها اليقين بان الفرج قريب من عند الله...
ام بلقاسم الجزائرية..عبير الحرية..يا رب تكونوا بخير...

[جمانة نور]

امس شرفت الدورة يارب لك الحمد كله ولك الشكر كله بيدك الخير كله انك على كل شيء قدير
بنات انا رح وقف العلاج مدة 6 اشهر او اكثر حتى موعدي بالمستشفى مشان أطفال الأنابيب التلقيح الاصطناعي ما نجح في مثل حالتي والدكتورة من قبل ما تنزل الدورة حولت ملفي على مستشفى ثاني مابقى قدامي غير أطفال الأنابيب، احتاج فقط لدعوة صادقة من قلوبكم أخواتي