حامل وينزل مني دم ساعدوني لوجه الله

[فراشة الشارجه]

السلام عليكم ورحمة الله وبركاته


بنات انا عندي مشكله الله يخليكم شوفولي خبراتكم


انا تأخرت علي الدوره وقالولي حامل بس قالولي مو واضح وايد بس هو في حمل ...الحمدالله قالتلي تعالي بعد اسبوع..

المهم سرت عياده ثانيه سوت لي سونار قالت ما يبن شي

وكنت توني مخلصه 4 اسابيع ...قالتي ييبي فحص رقمي المهم سرت وسويت والنسبه كانت 418

قالت لي هرمون ضعيف هذا بيطيح ..خفت قلتها كيف وليش قالتلي هرمون ضعيف واحتمال يكون خارج الرحم ..


المهم طلعت من عندها منهاره ثاني يوم نزل مني دم بسشافوني

كان خفيف جدا خفت ورحت لطواري سولي سونار ومابان قالتلي نفس الكلام يمكن خارج الرحم لان مو باين


ولا تاخذين مثبتات ولا شي لاني ما شي فايده


رجعت من مستشفى سرت عند الاهل ارتاح الحين صار لي 10 ايام وانا ينزل مني دم عالخفيف بس يوم امسح بالكلينكس او اتغسل..ومن يومين خفت نسبة الدم الحمدالله


مع إنكان ويع شرات الدورهفيني قبل يي ويروح بس لله الحمد والشكر خف الويع تدريجيا.
\

المهم عقب سرت مشتشفى ثاني سوولي سونار مهبلي قالو الحمدالله الجنين باين الحمدالله الحمدالله قلتها وين داخل ولا خارج


قالت لا هذا داخل الرحم بس نبض مو باين لان توني في بدايه اسبوع 6


بس ها شو معناته ان الجنين بان الحمدالله وصار لي 4 ايام ينزل مني دم وبني غامج واحمر ويع شرات الدوره


قالتلي تعالي بعد اسبوع عشان نشوف النبض \

ادعولي فالشهر الكريم الله يخليكم ربي يثبت حملي ويفرحنا فيه إن شاء الله




منو صار لها مثلي وثبت حملها ؟
وشو معناته هاي الامور كلها ؟

وليش الدم اللي ينزل مني بس الحمدالله مو نزيف

الله يخليكم لا تبخلون علي فميزان حسناتكم

واذا قدرتو تحسبون لي انا في اي اسبوع الحين أخر دورتي كانت 11/7/2010

انا مشتركه في منتدى ثاني بعد وحطيت نفس الموضوع اهناك ...

[ملكة القلوب]

والله ماأعرف بس أسأل الله أن يثبت حملك ويقر عينك بطفلك تام الخلق والخلقه

[rose]

حبيبتي طيب انت من قالتلك الطبيبة كل شي سليم
ماوصفتلك ابر تثبيت او حبوب تثبيت توقف الدم
انتظري لين الاسبوع الجاي بحول الله امورك تصلح

ينقل لقسم انواع الحمل

[دلوعة بالحيل]

الله يثبت حملك
بس لا تتحركي كثير

[سولافه]

الله يطمنك ويثبت حملك أنا صار لي نزيف بالشهر الثالث وأخذت مثبتات والحمدالله وقف وأرتحت

دوم منسدحه بس أروح الحمام وأصلي وإنشاء الله مايرجع أبد ويتمم حملي على خير

[سمسمه عمرو]

الحمد لله انه مبين الحين وانتظرى لحد ما تسمعى النبض (ربى يرزقك ما تتمنين ويكون قرة عين لكى ولابيه)
بس اعتقد بالنسبه للدم انك محتاجه شوية مثبتات اسألى الدكتورة بعد ما يبين نبضه وان شاء الله حبيبتى بحق هذا الشهر الفضيل جنينك يكون بخير ويثبت ربى حملك ويسهل ولادتك اللهم آمين
وبالنسبه لحساب حملك

انتى فى الاسبوع السابع
الشهرالثاني:
4 أسابيع و4 ايام تدخلين بالشهر الثاني.

الشهرالثالث:
9 أسابيع تدخلين بالشهر الثالث.

يعنى انتى حبيبتى بالشهر الثانى
ان شاء الله ربى يكتب سلامتك وسلامة جنينك اللهم آمين
دعواتك لى حبيبتى ربى يسهل حملى وولادتى انا وكل الحوامل

[محبهـ قلب]

الله يتمم حملكـ ويثبته يالله ياكريم ارتاحي ولا تتعبي نفسكـ

[مشتـــاقهـ لكـ]

الله يثبت حملك ويرزقك بالذريه الصالحه ومدام بان الجنين ارتاحي وخليك منسدحه على ظهرك وارفعي رجولك شوي عن الارض
بس غريبه مااعطتك الدكتوره حبوب تثبيت وابر؟؟؟؟
اعرف كثير نفس حالتك واخذو مثبتات وتم حملهم الله يطمن قلبك يارب

[ملكه جوري]

اختي شوف الدكتوره ان شاء الله ربي يثبت حملك

[فراشة الشارجه]

حبااااااااااااااااااااااااايبي والله ونستنني ردودكم

ربي يحفظكم ويسهل عليكم وعلي إنشاء الله