انا ما قمت اواطن ام زوجي ولا اتحمل تصرفاتها عطوني الحل

[فراشة الشارجه]

بنات انا من دخلت شهر السابع

وانا ابد ما احب تصرفات أم زوجي وما تطوف لي أعصب من تصرفاته وحركاته

حتى لو عصبت على ولدي شياطيني يطلعوني ويبان في ويهي انا قبل ما كنت جذي /قبل كنت اتحمل اي شي بروح رياضيه الحين ابد ما اتحمل شي

توصل فيني لدرجه اني ابي اطلب بيت بروحي ماني قادره اتحمل منها اي شي خصة لمن يكون موضوع يخص ولدي ربي يحفظه إن شاء الله

يفور دمي

عطوني حل ماعرف اذا اللي انا في طبيعي ولا لا وانا ما ابي ارد عليها ولا احرجها ولااحرج عليها وتصير حساسيه بيني وبينها خصة هي حرمه كبيره

[فوضت امري لله]

حبيبتي

الله ييسر امرك ويهون عليك يارب العالمين

تحملي واذا عصبتي اكثري من الاستغفار

كذااا الحاله عاديه لانك حامل الله يهون عليك

[كليجه]

بكره حتجيك زوجة ولدك وتردلك الدين
فعامليها باللي أحسن إذا انتي تبغي من ولدك وزوجته خير
والله يفرج همك

[**سماسم**]

من الحمل يالغاليه لاتتضايقين ولاتعصبين ويتكدر خاطرج ..
الافضل الابتعاد عن المواقف إلي تثير غضبج مثلاً شنو الاشياء الي يحبها ولدج وتشغله عن الأزعاج مثل الرسم أو اللعب بالالعاب بحيث انه مايثير غضب جدته بما أن هذا الشيء يضايقج ..
أو قعدي عن أهلج كم يوم تريحين ويهدى بالج
والله يتمم حملج على خير ويقومج أنتي ونونو بالسلامه
,,

[فراشة الشارجه]

كليجه حسستيني اني لئييمه

يا ماما انا كتبت من دخلت شهر السابع اتنرفز واااايد ما يخصه مرت ولدي ولا يدتها

[فراشة الشارجه]

مشكورين خواتي ما قصرتو

[شموسه]

نصيحتي لج ابعدي عنها كم يوم وريحي اعصابج لو هي تغثج امسكي ولدتج وروحي غرفتج
واذا اعجبتج القعده معاهم قعدي لاتكثرين كلها ساعه نص ساعه وروحي غرفتج
واذا قعدي وشفتيهم ينغزوون عليج او يحشون علي احد اخذي ولدتج وتعذري بتحممينه او بتنومينه او عندج شغل اي عذر بس قومي وريحي اعصابج
اذا هم ناس محترمين ماعليه سامحيهاا

واهم شي وانا اختج الكرامه وعزة النفس

[فراشة الشارجه]

حبيبتي شموسه مشكوره

[مشاعل الدوسري]

حبيبتي و انتي قاعده مع اهل زوجك امه خواته قوليلهم بللي حاسته ..
قولي لهم سامحوني اذا غلطت عليكم مدري شفيني هلفتره صايره عصبيه ..
و مو طايقه نفسي و اوقات ابكي من غير سبب و اعصب على زوجي و الولد ..

و هم بيفهمون و لا و حتى ما افهمو يكون انتي تعذرتي منهم ..

و الامر اللي تحسين فيه طبيعي بس حاولي تتخلصي منه ..

العصبيه الزايده و البكاء و الصراخ كله من توتر الحمل و الولاده تغير بلهرمونات ..

لكن زي ما قلت لك تعذري منهم و انتي قاعده معاهم و اشرحي لهم اللي بداخلك
عشان يقدرون حالتك و يساعدونك انك تتخلصين من هذا الشعور..



انا لما مرت بهذي الحاله بأخر الشهور من السابع تقريبا و طالع لكن انا سويت حق روحي بلشهر التاسع ريلكس خطير ههههه

لما مريت بحالة العصبيه حتى مو طايقه نفسي كنت اقول حق ام زوجي و حق امي و حق كل اللي حولي اني
احس اني عصبيه و مو طايقه احد و بنفس الوقت ابي اقعد معاكم ..
و و و و كل اللي بداخل اقوله لهم ..

و كلهم كانو مقدرين شعوري و يقولون الموضوع طبيعي و و و و

و انا الحين حامل بحملي الثاني في بداية شهوري ماااااااااااااااااااااااااااااااالي خلق عيالي ابد لا بنتي و لا ولد زوجي مالي خلقهم .. و تحديد بنتي مالي خلقها من جد .. لدرجة اني اخليها في بيت اهلي بلاسابيع ..

و الحين هي عندي الاسبوع الجاي بوديها و بخليها هناك الين رمضان ما يخلص يكون انا عديت الاربع شهور و فترة التعب انتهيت منها ..

[مشاعل الدوسري]

و لو انتي مستحيه و مو متعوده تتكلمين عن اللي بداخلك لاهل زوجك ..


حطي في بالك من اليوم و رايح ان اللي فيك من الحمل و فتره و تعدي و ان العصبيه و النفسيه اللي انتي فيها سببها الحمل مو الناس ..
فا لو ام زوجك قالت لك شي كذا و لا كذا و انتي لو عصبتي بنفس الوق عصبتي

قوليلها يا خالتي انا حالتي حاله و مالي خلق ولدي و مسؤليته و احس ان نفسيتي تعبانه ..

لكن لا تكشرين بوجها ابد ابد ..

و يفضل انك تخلين ولدك عند اهل زوجك او اهلك فترة اسبوع و ريحي انتي شوي
و هدي حالك ..
و احكي مع زوجك بللي تحسين فيه عشان يقدر حالتك و ما يزعل من تصرفاتك و و و و و الخ .