حبيباتى سيدات ليبيا تفضلو لأعرف ما حالكم

[dr.loly]

جيجي غياب...


ان شاء الله خير

[dr.loly]

اثري ح نجاوب ع اسئلتك

ونعطيك الطريقه انتي وجنودة

اشويااات بس

[هدية الخالق]

بنات نبي نسألكم علي حاجة ونبي رايكم فيها
طبعا أني جبت نهاية اتنين يعني بنتي أسبوع او عشرة أيام وتسكر السادس
وطبعا في ضغوطات عليا من كل النواحي يبوني نحمل مرة تانية ههههه واني ودن
من طين وودن من عجين لأني تعبت هلبة في الحمل الأول لكن الجاب ماشاء الله
علي قولة جارتي الاردنية شمة هواء في يبره يضربو فيها في الظهر تخدر الجزء اللوطي
كله ولا كأنك تجيبي ماشاءالله أني سميتها اليبرا السحرية هههه لاني كنت منموت
من وجع الجياب لكن لما ضربتها ناكل كاني كنت نكذب جابولي عصير شربت وبعدها
رقدت وطفو عليا الضي هههههه
المهم للسبب هذا ولأسباب تانية من ضمنها الجنسية الكندية يبوني نجيب عيل تاني اهني
وبعدها نرتاح فترة طويلة عادي وهما يكبرو مع بعض والصراحة بدت الفكرة تخش في راسي
وبالذات زوجي من ضمن اللي يضغطو عليا
ها شن رايكم لأني محتارة الحق وقاعدة نقدم ونوخر هما عندهم حق واني عندي الحق إني
نشوب مني اللي شفته في الوحم تصورو توحمت من الأول للتاسع وبروحي اهني
وااك عليك ايام

[أم أجنادين 80]

القلوب عند بعضها ام فراس
حتي نفكر نقص شعري
وقاعده مافاتحت زوجي في الموضوع

طبعا شعري طويل الي ركبتي بس خلاص تعبني تقصف ويطيح والله يابنات

لما نمشطه كل مرة يتعب المشط وبدي خفيف ومتعب في التسريح

نبي اندرجه ,,
حتي لو مشيت لحفلة نقدر نخليه مفتوح

شن رايكم
وديمة في الحوش لافاته شن الفايده منه

صار كله سلطات ام فراس انموت في السلطات

اوشي خلاص توا معادش عندك عذر صوري وحطيلنا

[أم أجنادين 80]

والله هدية انتي ادري بحالتك

بس انا متشحورة علي خاطر حتي نحمل ننصحك تحملي

قبل كنت مش من مؤيدي الحمل علي طول

بس اتجيبيهم وانتي صغيرة مرات افضل ويكبرووا مع بعض

وانتي شن عندكم غيرهم في كندا تربيتهم بس مش لو كنتي في ليبيا طلوع ومشاوير وغيرها

ومازلت نقول اانتي ادري بظرفك احبيبه

وربي يسهلك

[هدية الخالق]

سلمك يا جنوده ومشكورة علي نصيحتك وان شالله
ربي يعطيك مافي بالك ويرزقك بالحمل السليم والمعافى عاجلا غير اجلا
ياااارب ما تخميميش حبيبتي ولا تحطي في بالك ربي عادل وما ينسي حد
تصوري أني أمي قعدت خمسة سنين ما حملتش واهي ماشاء الله جابت عشرة
المسالة تبي صبر بس وربك يفرج ان شاء الله

[هدية الخالق]

المشاركة الأصلية كتبت بواسطة أم أجنادين 80

القلوب عند بعضها ام فراس
حتي نفكر نقص شعري
وقاعده مافاتحت زوجي في الموضوع

طبعا شعري طويل الي ركبتي بس خلاص تعبني تقصف ويطيح والله يابنات

لما نمشطه كل مرة يتعب المشط وبدي خفيف ومتعب في التسريح

نبي اندرجه ,,
حتي لو مشيت لحفلة نقدر نخليه مفتوح

شن رايكم
وديمة في الحوش لافاته شن الفايده منه

صار كله سلطات ام فراس انموت في السلطات

اوشي خلاص توا معادش عندك عذر صوري وحطيلنا

ماشاء الله تبارك الرحمن للركبة وتبي تقصيه ؟حرااام عليك
كانا أني للركبة ما نفرط فيه حتي لو كان فيه شعرتين بس ههههه
الطياح والخفة تقدري تعالجيهم وتلقيلهم حل لكن الطول يكمل عمرك ولا يطول
بالذات اللي نوعية شعره صعب أنه يطول
لكن مرات نقول والله الا عندك حق لما يكون طويل ومافيشي منظر ضعيف هلبة
متعرفيش كيف تعاملي معاه وكيف اديريله في المناسبات

[أم أجنادين 80]

والله كل مناسبة انخممله

لو بنلبس حرير مرتاحه

ولو نلبس بدلة حتي هوا في نوع من الراحه بس فستان سهره هيا المشكلة


لاااا حتي انا كنت هكي نقول الشعر الطويل حلو بس ضعيف ومتقصف مشكلة

حتي في علاجه متعب

وعارفة انتي مع كثرة التدويش مش مساعد خصوصا في الشتاء مااحلاه ادوشي وتربطي وتمشطي بسرعه

[هدية الخالق]

سوسو كيف حالك ليك وحشة
توا خلاص كملتي من العزومة ومن العرس غدوة خشي هدرزي استاحشنا
هدرزتك .....والا بتعدي للعرس حتي غدوة ؟

[هدية الخالق]

المشاركة الأصلية كتبت بواسطة أم أجنادين 80

والله كل مناسبة انخممله

لو بنلبس حرير مرتاحه

ولو نلبس بدلة حتي هوا في نوع من الراحه بس فستان سهره هيا المشكلة


لاااا حتي انا كنت هكي نقول الشعر الطويل حلو بس ضعيف ومتقصف مشكلة

حتي في علاجه متعب

وعارفة انتي مع كثرة التدويش مش مساعد خصوصا في الشتاء مااحلاه ادوشي وتربطي وتمشطي بسرعه

ايه صح والله حتي أني مشكلتي في الدوش مع أنه شعري قصير لكن ماشاء الله ملياان
وراهو يطيح هلبة لكن ماشاء الله باهي قاعد مليان لين متعبني لما نستشوره ياخد وقت