هنا تجمع حوامل الشهر (الاول والثاني والثالث)

فـجر · 08-24-2010, 03:53 PM

الحمدلله رب العالمين ، شكراً لكم خوآتي (فداك ، براءة حلم ) طمنتوني , وإنشاء الله إذا رحت موعدي الجاي بسأل الدكتورهـ .. فداك الله يساعدج حبيبتي ع أجر إنشاء الله
اليوم بعد الفطور إذا حسيت بالصداع بنام شوي ..
كيف الحمـل وياكم خوآآآآآتي ؟
تعبت والله كله منبطحه من أقوم وأسوي شئ وأنا صايمه أدوخ و كأن بيغما علي ؟
أنتو تحسون هيك ؟

مهاجرة · 08-24-2010, 05:24 PM

الله يسهل لك امورك اوراق الخريف ويقومك بالسلامة ويعوضك خير ان شاء الله

مهاجرة · 08-24-2010, 05:26 PM

اقتباس:

المشاركة الأصلية كتبت بواسطة فـجر

الحمدلله رب العالمين ، شكراً لكم خوآتي (فداك ، براءة حلم ) طمنتوني , وإنشاء الله إذا رحت موعدي الجاي بسأل الدكتورهـ .. فداك الله يساعدج حبيبتي ع أجر إنشاء الله
اليوم بعد الفطور إذا حسيت بالصداع بنام شوي ..
كيف الحمـل وياكم خوآآآآآتي ؟
تعبت والله كله منبطحه من أقوم وأسوي شئ وأنا صايمه أدوخ و كأن بيغما علي ؟
أنتو تحسون هيك ؟

الله يعينك اختي ايه هاذا الوحم بيعمل اكثر من كذا اكيد انك ماتاكلي عشان كذا بتدوخي لازززززززززززم تتغذي كويس واصغبي نفسك عشان البيبي

المشاعر · 08-24-2010, 09:06 PM

يا حلوات اخباركم وش مسوين مع رمضان الله يعيينا وياكم صبايا نفسي أعرف كيف أرطب جسمي ألحين وأنا حامل اي زيت ينفع وطريقه إزاله الشعر تعبتني جدا جدا @ يا كروشات انا في وجهي الشعر يطلع بسرعه وبالذات في ذقني ثقيل كل ماله بزياده واحترت مع شعر جسمي كامل @ممكن نستفيد من خبرات الا خوات وفي امل راح يقل

فـجر · 08-24-2010, 10:00 PM

مهاجرة .. ويعينج أختي ، الله يعدي هذي الفترهـ ع خـــــير يآآآرب حدي تعبت ،
أختي المشاعر نفس حالتك والله شعري في جسمي يطلع بسرعه ويبين حيييل
أمي قالت لي بس بتحملين بيخف والله لا خف ولا شئ .. وناس تقول إذا كبرنا يخف وأمرنا لله ماشغلتنا إلا شيييخ وشااخ وآآآهـ عذاب خصوصاً بالحلاوهـ
الله يساعدنا بس ..

ام جياد · 08-24-2010, 10:53 PM

اختي براءه ان شاء الله تكوني انبسطتي عند اهلك اختي صدفه عمر انا بخير ام الوحم خف والحمدالله بس يجيني صداع هذي الايام وخايفه يكون فقر دم لانه على بنتي جاني نفس الصداع وهو نفسه الي قالت عنه اختي فجر اذا ماخف يااختي فجر روحي انا افتكر على بنتي جاني نفس الصداع والله قويه وقالت الدكتورة انه فقر دم اما يابنات عن الشعر حدث ولاحرج انا صراحه طفشانه الايام العاديه استخدم مكينة براون اما الحين مالي خلق فيها بس شغاله بالموس ويطلع بسرعه وكل اسبوع مره واريح نفسي ولادوخ المكينه او الحلاوه الله يعين ياااارب اختي اوراق الخريف الله يعوضك بالحمل السليم الثابت والله زعلت عليكي لانه كلنا صرنا اخوات وان شاء الله بس ترتاحي كم شهر ونسمع بخبر حملك يارب ويكون سليم يارب

فـجر · 08-24-2010, 11:01 PM

أختي أم جياد
ايوهـ أنا فيني فقر دم قبل الحمل والحين أكيد أنه مازال معي بس آخذ حبوب
اليوم الحمدلله جآني بعد الفطور بس الحين ماحس بشئ ..
بنآآت شوفو موضوعي وعطوني رايكم ..
http://forum.hwaml.com/t26467.html

ام جياد · 08-24-2010, 11:17 PM

الصوره ماشفتها بس اعرفها شفتها كثير والله مادري بس اكيد مضر والله يستر ويحمينا يااااارب

فـجر · 08-24-2010, 11:45 PM

أم جياد
أنتي معآي بالضبط في الحمـل ^^ في الأسبوع 10
أخيرا شفت وحده حامل وياي .. شلون أمورج إنشاء الله كـل شئ اوك
وكيف الوحم وياج ؟ والصيام ..؟

ام جياد · 08-25-2010, 01:22 AM

الحمدالله انا وحامي خفيف بعني بس لوعت قلب ودوخه بعض الاحيان ووقت الصيام اكون جوعنه مره بس اصبر وانتي كيف حملك معاكي وهذا اول حمل ولا الثاني