حبيباتى سيدات ليبيا تفضلو لأعرف ما حالكم

[dr.loly]

بس تعرفي هنا حتي الاكراد والعراقيين والايراينين فاتحين محلات عندنـا وكلهم يبيعوا في اكل حلال ومواد غدائيه حتي هم متوفرات عندهم البهارات

ناخدو فيهن من سوبرماركت كبير ومشهور اسمه نيوكاسل حلال اصحابه عراقين

وكيف ماتبي تلقي ...

وعجائن جاهزه واجبان اشكال والوان ف رمضان حصلنا حتي قمر الدين وكل الاجواء

وهذا لي ناخد منه ف بهارات نا وزوجي


ونستكشف ديما ف اسامي حاجات ونشم بيش نعرف الحاجه .. وبعدها نرد ناخد من نفس الماركه بعد نلقط اسمها كان مش بالانجلش مكتوب

مثلا الحرارات اسمها جارام ماسالا .. وخليط زنجبيل وعيدان حرارات وكسبر وكيف جو حرارتنا مافش بنه قويه ابدا

[رغوده2006]

ام فراس ياريت لو عندك حساب عالفيس تعطهولي لو مافيش احراج لاني نبي نسألك هلبه ونفضل عالخاص لوتكرمتي

[dr.loly]

وفيك بارك الله ..
اي صح هكي المسلمه الصح حسب وجهة نظري ربي يحفظك .. توا تجي وتنصدمي في ليبيات ومسلمات بصفه عامه
مع ان اغلب الليبيات ماشاء الله الحق بس ف وحدات نسأل الله ربي يهديهن ووحدات مقتنعات ان الجلباب مش استايل ببريطانيا هههههههه ع اساس مش عارف كيف نظرتهن ان كركره مره وحده قالاتي.. تحشمت نقولولها ما كنتي تكركري به ف ليبيا؟بس القناعه اهم شئ هم الانجليز هنا مش مركزين ع لباس دام محرمه مسلمه هذا لي مش فاهمته

[رغوده2006]

المشاركة الأصلية كتبت بواسطة *ام فراس*

وفيك بارك الله ..
اي صح هكي المسلمه الصح حسب وجهة نظري ربي يحفظك .. توا تجي وتنصدمي في ليبيات ومسلمات بصفه عامه
مع ان اغلب الليبيات ماشاء الله الحق بس ف وحدات نسأل الله ربي يهديهن ووحدات مقتنعات ان الجلباب مش استايل ببريطانيا هههههههه ع اساس مش عارف كيف نظرتهن ان كركره مره وحده قالاتي.. تحشمت نقولولها ما كنتي تكركري به ف ليبيا؟بس القناعه اهم شئ هم الانجليز هنا مش مركزين ع لباس دام محرمه مسلمه هذا لي مش فاهمته

علاش كركره شنو ربي في ليبيا بس وفي بريطانيا مافيش رقيب عليك بالعكس انا نعتبره قمة التخلف والجهل الوحده تبدا لابيها لاعليها لابسه جبيبه ومحيرمه في ليبيا مجرد ماتسافر تركبها غوله في السراويل والبلايز عليك حشمه ربي يثبت علينا العقل والدين ياااارب

[dr.loly]

رغودة للاسف انا مش من محبات الفيس ماخشليش راس انا واثري هنا بس ماعندنش انظني هههههه

تفضــلي ع الخــاص

[رغوده2006]

معلومات والله الا استفدت منها ومش راح انتعب روحي ونكركر زيكم ههههههههههههههه مش ايقولوا اسال امجرب خلاص انا اخطأك مش راح انكررها ونستفيد منها يا سمحه وصحيتي
المنطقه هلي ساكنه فيها قداش تبعد عالمنشستر عالاقل باش نتلاقوا

[شموسه 88]

السلام عليكم ورحمة الله وبركاته

[شموسه 88]

ماشالله ام فروسه اورغووووده حمستوني عل اجواء السفر
رغوده ربي ايسخرلكم الحال ويصير من السفره اتريحي واتفرجي عل خاطرك اشويا

[شموسه 88]

اليوم ان شالله صايمه" بماأن الدوره مازلت ماجتنيش" اهي اهي اهي

[رغوده2006]

شموسه وعليك السلام
كيف حالك وحال الصغار ومبروك عليك السفره تمشي وتجي بالسلامه ياسمحه