حبيباتى سيدات ليبيا تفضلو لأعرف ما حالكم

[أم أجنادين 80]

ان شاء الله
وطبعا حتي ولد عمتي يلي جابهم
يبي يجهم المغرب قلتلهم لا ضروري تتعشوا
وهما يسكنوا بعيد علينا
قاله راجلي تعالي اتعشي
ودرت الواجب ليهم

[أثري في مدادي]

طيب فيك

الحمد لله

العقبة لسبوعـــــــــــــــــــــــك

ياسعدود الناس اللي ماتحرقش في دمها ومبردة أعصابها
ويضيفوا باللي يجي

[dr.loly]

المشاركة الأصلية كتبت بواسطة أثري في مدادي

طيب فيك

الحمد لله

العقبة لسبوعـــــــــــــــــــــــك

ياسعدود الناس اللي ماتحرقش في دمها ومبردة أعصابها
ويضيفوا باللي يجي

ههههههههه اي والله يا سعدودهم...
نفس الطبع الظاهر نحن ندققوا ع كل التفاصيل والضيافه حتي بعزومة رجاله لازم انفتلكالسلطات والاطباق الجانبيه والجو كله مع ان زوجي يقولي اهم شئ عندهم الوجبه واللحم تكبريه وعصبان او محشي بس لازم نزيد امبطن ونوعين حار وسلطات وشربه وجو
والصبايا غير وغير عزايمهن

[أثري في مدادي]

الله يبارك عزومة رجال ونساوين ~~~~~~~~
يعطيك الصحة يا حنــــــــــــــــــــا

حتى حني عندنا عزومة زوز عرايس الجمعة الجاية
مش متاع غدوة

هما صاحبات الحفيدات
نسقنالهم يجوا مع بعض قبل رمضان

وبيجوا البنات والكناين

وقسمنا الحاجات كل وحدة تدير حاجـــــــــــــــــــة
باش مايجيش الكيد علي حد

وبنعزموهم في حوش بوي الله يرحمه

واقترحت عليهم اقتراح باش نستفيدوا من للمة
وهو
يتبع ............

[dr.loly]

اهلا بفراشة الليل نورتي.. ماشاء الله عالدكتور حلو يتابع كل شئ ... بس هنا يجوك بالحوش حتي التطعيم يجوك بحوشك بالموعد ويجوك بعدها يقيسو وزن الطفل ويشوفوا تطوره ونموه ومشاكل التسنين هكي قالتلي..
حتي ناقشتني بموانع الحمل وقالتلي لو تبي نساعدوك مثلآ


جنودة ضحكتيني وصدقتي كان غيرهن اجسامنا ماهكي نذكر مرة دكتور يشرح ف محاضره عالدهنيات ووصفلنا غسل الصحون بعد وجبة عصبان مثلآ كيف يقعد الدهن ف الطنجره والصحون مجمد قال هذا حالهن ف شريانكم بس الليبين محمين من ربي بالنيه الطيبه والبركه هههههههه وف نفس الوقت مانقدروش نعيشو بلاه اكلنا الحق طيب حتي لو مش صحي..

[أثري في مدادي]

طلبت من المتزوجات كتابة عشر أفكار تعين المقبلة على الزواج في أمور حياتها الزوجية المستقبلية
بحكم عندنا عرايس على وشك الدخول لقفص الزوجــــــــــــــــــــــية

وطلبت من الصبايا عشر مقترحات لاغتنام رمضان الاغتنام الأمثل
وبالتالي
تكون في التقعميزة
دردشــــــــــــــــــــــــــة
مفيدة
دينا ودنيا

[dr.loly]

اثري وباقي البنات بنسألكم نحن النهار عندنا طويل هنا والمغرب يأذن 11 ونص بتوقيت ليبيا تخيلين اي 10 ونص بتوقيت بريطانيا

ولولي ترضع طبيعي فقط لاغير ماتقبلتش الرضاعه الصناعيه ابدآ ... وانا بصدق مش حابه نفطر حتي لو دخت زي ما انتي عارفه الرضاعه تعطش وتجوع بعدها خصيصا اني انوض بدري ع 8 هك..... وزوجي يقولي الامر ساهل ربي مرخص للمرضعه الافطار لو تعيبت وانا حرت جدآ...

[أثري في مدادي]

هيا
تواااااااااااااااااا
نستأذنكم

أم فروسي الغالية
يا هلا فيك

خلاص عيوووووووووووووووووووووووووني يحرقوا في
ياااااااااااااااارب
بنيتي ترقد

سوسو
ربي يعوانك ويباركلك في وقتك
مسؤولية زوز حياش مشقة

لكن فيها فائدة
امتى تروح أمك بالسلامة تلقي روحك في عوالة حوشك بس الأمور ساااااااااااااااااهلة
والوقت هلللللللللللبة

[أثري في مدادي]

الأمر فيه ســــــــــــــــــــــــــــــــــــــعة ورخصة من عند الله
وهذا من شمولية الدين
وأن الله عليم بأحوال عباده

فللمرضع أحكام خاصة بها
وخاصة لما ناتاخدش صناعي
ومازال ماتكلش

إنت جربي
صيمي لكن امتى تحسي بالتعب والإنهاك جائز في حقك الفطر
بل إن خشيت على نفسك الهلاك أورضيعك لأنه لم يجد حليب
يصبح واجـــــــــب في حقك الفطر
سعدودنا بربـــــــــــــــــــــــي

وبعدين عليك القضاء فقط
كما ذكر الشيخ العثيمين رحمه الله

[dr.loly]

المشاركة الأصلية كتبت بواسطة أثري في مدادي

الأمر فيه ســــــــــــــــــــــــــــــــــــــعة ورخصة من عند الله
وهذا من شمولية الدين
وأن الله عليم بأحوال عباده

فللمرضع أحكام خاصة بها
وخاصة لما ناتاخدش صناعي
ومازال ماتكلش

إنت جربي
صيمي لكن امتى تحسي بالتعب والإنهاك جائز في حقك الفطر
بل إن خشيت على نفسك الهلاك أورضيعك لأنه لم يجد حليب
يصبح واجـــــــــب في حقك الفطر
سعدودنا بربـــــــــــــــــــــــي

وبعدين عليك القضاء فقط
كما ذكر الشيخ العثيمين رحمه الله

مشكوره ع الاجابه ... بارك الله فيك
بأذن الله ح نصيــم.. وهكي ناويه وان شاء الله خير