أحلى تجمع لحوامل التوأم الجزء الرابع

[الشموع المضيئة]

سلام كروشات كيفكم زمان عنكم


مشغوله مع ماما واخويه ومع العيال والزكام بهذلني لكن باجره
الثقل لاعب فيني لعب والالام من اسفل والاخس من هذا كله الشد العضلي يجيني وري بعض تعبت منه

[الأميرة جوري]

الله ذكريات هذا القسم
يازين تجمعنا وحكاوينا وكل وحدة تشكي لثانية وجعها وكل تفاصيل حملها وكنا نخفف عن بعض وندعي لبعض والله أيام صح كانت ايام متعبه بالحمل بسسس ياليت تعوووووود لان كنا مع بعض وبعد ماولدنا تفرقنا

[الأميرة جوري]

الله يسهل عليكم جميعا وتولدوا بالسلامة
الله يهون عليكم الحمل والولادة
ويعدي شهور الحمل ع خير
عيشوا هالمرحلة لانها واااايد حلووووة
وبعدين بتحنوا الها انا قريب بكمل سنتين من ولدت واحسسس بااحسسساس الشوق لذيك الايام (ايام الحمل بالتوأم) غير ان الحمل بواحد الصراااحة تحسين انج مميزة عن الكل واهتمام من كل الاهل وخاصه الزوج.الله يكمل لكم ع خير

[سوزان الرياض]

المشاركة الأصلية كتبت بواسطة لذة الصبر لاتقاوم

سلام بنات كيفكم الله بثبت حملي وحملكم امين

بنسبه لسؤالك سوزان انا حامل انابيب رجعولي 3 اجنه بس بشهر الثاني نزل جنين وثبت اثنين وسويت بشهر الثالث ربط لعنق الرحم وانا الحين بشهر السابع ادعولي ربي يثبت حملي لين اوصل لتاسع

الله يجزاك خير ويتمم عليك
شكرا حبيبتي على الجواب

[زهرة الكميليا]

هالهدووووووووووووووء في التجمع

يذكرني بالهدوووووووووووء اللي يسبق العااااااصفه


الله يحفظكم ويقوووومكم بالسلااااااااااااامه



انا احس بخموووول وكسل وووادي الصغيررررررررررر مجنني احس عمري بنفجر من الضغط


وغير انه اليووم اخر يوم دوام حق بناتي فالمدسه ونا وايد زعلانه لان الحشرة سارية المفعووول



والله ضيقه من صياااحهم مايسكتوون

[سووود العيووون]

الله يعين زهووره
حتى انا ولدي نفسيته متغيره 180درجة
وماغير صيااح وعنااد
وانا نفسيتي زفت منه

خاصه الشهر هذا ،،،كنه حاااس
وهالشي طبيعي
لانه يحس باللي بيجي
بس وش نسوي الله يصبرنا
وبعد الولاده النفسيه كمان بتشين
سجلته روضه الترم الجاي يبداء بعد العييد
ان شالله ارتااح ويتغير

[حنآن الكون]

مرحبا كروشات
اخباركم ؟؟ وحشتوني كثيررررر
الحمدلله دخلت الثامن عقبال التاسع يارب
دعواتكم بنات هاليومين مرره تعب الم بالظهر والشد العضلي وتجيني الالام مثل الدوره مره ماقدر اتحرك
وهنا المستشفيات كل شي طبيعي مادري شنو الحالات اللي مو طبيعيه عندهم :/
ان شاءالله يعدي هالشهر على خير
الحمدلله رحت الموعد يوم الاربعاء وكان في فرق بينهم في الوزن تقريبا 300 جرام زاد الفرق بس قالت ان طبيعي وزن الصغير الحمدلله وعندي موعد يوم الاثنين عند اخصائي القلب والاعصاب ان شاءالله كل شي تمام واتطمن عليهم

[سووود العيووون]

هلا حنوون
مبروووك الثاامن وعقبال التاسع يااارب
حاولي تريحين نفسك قد ماتقدرين
الآم الدوره اللي تحسين فيها ،، مؤشر لحدوث الطلق اذا ماريحتي نفسك
الله يتمم لك ع خييير

[أمـ عبدالله]

سبحان الله وبحمده

[حنآن الكون]

المشاركة الأصلية كتبت بواسطة سووود العيووون

هلا حنوون
مبروووك الثاامن وعقبال التاسع يااارب
حاولي تريحين نفسك قد ماتقدرين
الآم الدوره اللي تحسين فيها ،، مؤشر لحدوث الطلق اذا ماريحتي نفسك
الله يتمم لك ع خييير

هلا حبيبتي
الله يبارك فيك عقبال مانبارك لك بسلامتك وسلامة لتونز ان شاءالله
بحاول اني ماتحرك كثير الله يعين ويعديها على خير
يارب جميعا