دردشة بنات ليبيا , دردشة حوامل ليبيا , تجمع بنات ليبيا

[أم أجنادين 80]

مطولة برمتك شموسة
بسبوسة بشني درتيها
نتفكر في وحدة منكم كتبت طريقة بسبوسة انتي او سوسو بجوز الهند جربتها طلعت روعة

[أم أجنادين 80]

اثري الف لاباس علي جووود
والله مافي استغناء عن اقتراحاتك
بصراحة يعجب فيا اسلوبك واستخدامك لكلمات وجمل اعتبرها نادرة تدل علي الكم الهائل من مفرداتك
اللغوية ,,, ربي يقدرنا نوصلوا لمستواك انتي وجوهرة في حفظ القرآن

[أم أجنادين 80]

شموسة حلو الموقع يلي حطيتيه هندي ستايل بس غالي جدا جدا
سوسو احكيلي شني موديله الفستان يلي عجبك قصير او طويل متاع مناسبة كبيرة او خفيفة
وشن صار بتبدي معاي في اقتراحاتك
اوشي شن اخبارك
ام وسن وام نوزة ربي يسهل ولادتكم يارب

[أم أجنادين 80]

**كاليزوني بيتزا الايطالية**
مقادير العجينة:
2/1-2 ك دقيق
1 م ك خميرة خبز
1 م ص ملح
1 م ك سكر
4/1 ك زيت زيتون
1 ك ماء دافئ

الطريقه:
اولا تخلط المقادير الجافة مع بعض(كمية الدقيق لا نضيفها كلها) بل أولا فقط 2 كوب ثم نضيف السوائل ونخلط .في النهاية نضيف النصف كوب دقيق على حسب العجينة.. تترك في مكان دافىء لمدة ساعة أو إلى أن يتضاعف حجمها.. تقسم العجينة إلى أربعة أقسام ، تفرد على شكل دوائر كبيرة نوعاً ما وتحشى.

مقادير الحشوة:
بصلة مقطعة شرائح
فطر (مشروم) شرائح
فلفل حلو شرائح

او اي حشو جربوها بنات العجينة اكثر من رائعة تقدروا تستخدموها لاي نوع معجنات صفائح خبيزات او بيتزا

حبة طماطم مقطعة مكعبات + ملعقة صغيرة معجون طماطم لحم مفروم (أو شرائح مورتديللا أو سلامي أو نقانق)

[أم أجنادين 80]

هـــــــــــــــــــــــــيا تعالو ؟؟؟؟؟؟؟؟؟؟؟؟

[أم أجنادين 80]

انا سالتكم سؤال او ماسالتش نسيت
المهم انعاوده ماهي الضناية في المرأة هوا مصطلح بين النساء كبيرات السن
هل هوا الرحم او عنق الرحم او شنوا بالضبط

[شموسه 88]

المشاركة الأصلية كتبت بواسطة أم أجنادين 80

مطولة برمتك شموسة
بسبوسة بشني درتيها
نتفكر في وحدة منكم كتبت طريقة بسبوسة انتي او سوسو بجوز الهند جربتها طلعت روعة

جيت جيت جنووده كملت بس البسبوسه جتني امفترشه املي لما اتسقع تسقم
شكلي حنوكلها لها اوهو امغمض اعيون علاشان مايضحكش عليا

[أم أجنادين 80]

سوسو
التحزيم علي البارد تقريبا باستخدام قطعة قماش تلف علي المراة بس
وغيرها نفس الطريقة بس يحطوا رمل ساخن علي الجسم هدا حسب مافهمت
واتعالج في الصغار يلي تجيهم حالة بكاء قوية وغيرها من امراض الأطفال الحساسية الكحة والله اعلم

[شموسه 88]

المشاركة الأصلية كتبت بواسطة أم أجنادين 80

**كاليزوني بيتزا الايطالية**
مقادير العجينة:
2/1-2 ك دقيق
1 م ك خميرة خبز
1 م ص ملح
1 م ك سكر
4/1 ك زيت زيتون
1 ك ماء دافئ

الطريقه:
اولا تخلط المقادير الجافة مع بعض(كمية الدقيق لا نضيفها كلها) بل أولا فقط 2 كوب ثم نضيف السوائل ونخلط .في النهاية نضيف النصف كوب دقيق على حسب العجينة.. تترك في مكان دافىء لمدة ساعة أو إلى أن يتضاعف حجمها.. تقسم العجينة إلى أربعة أقسام ، تفرد على شكل دوائر كبيرة نوعاً ما وتحشى.

مقادير الحشوة:
بصلة مقطعة شرائح
فطر (مشروم) شرائح
فلفل حلو شرائح

او اي حشو جربوها بنات العجينة اكثر من رائعة تقدروا تستخدموها لاي نوع معجنات صفائح خبيزات او بيتزا

حبة طماطم مقطعة مكعبات + ملعقة صغيرة معجون طماطم لحم مفروم (أو شرائح مورتديللا أو سلامي أو نقانق)

سهفتني يا جنوده سهله او حلوه في نفس الوقت بكرا ان شالله انجربها

[أم أجنادين 80]

درتي طريقة اوشي