مين عندها هرمون الذكوره مرتفع او عندها فكره تكفوون ساعدوني

[رمآدآ]

السلام عليكم ورحمة الله وبركاته

بنات الله يجزاكم خير يارب ويرزقكم بالحمل السليم المعافى

انا سويت تحيليل هرمون للذكوره قبل الزواج وصار عندي هرمون الذكوره مرتفع

وكان يطلع في وجهي شعر والحمد الله سويت ليزر واختفى حاليا مع الليزر يستوي بسيط جدا زي الكل

والحين صار لي من تزوجت 7 شهور وماصار حمل
وزوجي مو راضي اروح للمستشفى ليه مو عارفه
وانا ما ابغي اقول له ان فيني هرمون لان قلت لام زوجي وقالت لي لا تقولين له
وصبري يمكن هالشهر فبه حمل

وانا الحين شهرين ماجاتني الدوره سويت تحليل دم بعد ماتاخرت عني ب 3 ايام
والنتيجه سلبيه وسويت تحليل بول مرتين وبعد سلبيه وسويت تحليل منزلي وهم سلبي يعني مافيه حمل وهي تقول لي انتظري يمكن فيه حمل

وانا اخاف تاثر علي والله خايفه وزوجي موب حاس فيني اقول له ودني مشفى خاص
انا بدفع تكاليف المشفى يقول لي لا ليه موب عارفه موب حاس فيني

خايفه يكون فيني شي خايفه كثير اللي تعرف وش اللي فيها اهون من اللي ماتعرف
وكل فكر يجيها وكل ماتقرى عن مرض او شي تتوقعه فيها

ابي اعرف سبب تاخر نزول الدوره شهرين مع العلم ان عمرها ماتاخرت علي يوم
وانا كان فيني هرمون قبل بس ماتتاخر
وابي اعرف اللي فيها هرمون حليب كيف تتعالج وشو العلاج لها علشان تحمل

تكفون ساعدوني ،،،

[sweet moon]

لازم تروحي عند دكتوره ,, تشوف لك سبب تاخر الدوره

عشان اذا كان لخبطه بالهرمونات تعطيك ادويه تنزلها لك وتنظمها

كلمي زوجك قولي له تعبانه بطني يوجعني ولا اي شي

وبالنسبه لهرمون الحليب له علاجات الدكتوره توصفها لك

والله يرزقك الحمل ,, بس انتي توك متزوجه مالك 7 شهور

توك عروس اذا صار حمل الحمدلله ,, ماصار الايام قدامك

وان شالله بتحملين ,,, وان شالله اني افتدك

[رمآدآ]

سويت مشكوره ياقلبي على الرد
والله يناولك كل ماتتمنين

رحت اليوم المشفى وقالت لي تعالي الاحد لو ماجات
وماسوت لي تحاليل قالت لي الدوره اللي بعد اللي تجي هاذي
لاني ماخذه حبوب منظم والحبوب هذا تقول يلخبط الهرمونات


والباقي وش دعوه ما احد رد علي ردو علي الله يرزقكم يارب
ابي اعرف وش علاج اللي مرتع عندها هرمون الذكوره ومافيني تكيس الحمد الله

[ام خطاب3]

ماعندي خبر حبيبتي
لكن حبيت ادعي لنا ولك بالذرية الصالحه

[إباء الروح]

الله يوفقك حبيبتي ..ماعندي اي معلومة عن موضوع الهرمون الذكري ..
بس اللي انصحك فيه انك تتابعي مع الدكتورة وماتملي ..ودوري على دكتورة شاطره.

[زهرة البنفسج]

حبيبتي انا عانيت من هرمون الذكورة من بلغت وللحين اعاني بس من شعر الوجه ..اللي بقولك اياه اني ماحملت سبع سنوات وماكان فيني شي غير ارتفاع هرمون الذكورة وماكنت عارفه السبب بس اخذ منشطات وادويه بدون فايده ..والسنه اللي فاتت عرفت من النت ان سبب ارتفاع الهرمون السمنه ولاني كنت اعاني منها قررت انزل وزني بالنظام الغذائي والرياضة والحمدلله نزلت 25 كيلو ..طبعا ماقلت لك ان قبلها ماكانت تنزل الدوره الا بحبوب منظمه ..ولاحظت من نزل وزني انتظام الدوره ..وكنت كل يوم اشرب بردقوش 3 مرات باليوم احط ملعقه مع الشاي واشربه واوقفه وقت الدوره بس ..واحظت ان الشععر خف كثير ..والحمدلله انا الحين حامل ..ربي يرزقك وكل محرومه يارب ..
دعواتك ان الله يتمم حملي

[لن أيئس]

لازم تتعالجي ياقلبي
بنت خالتي عندها هرمون الذكوره وخربط عليها الدوره وزاد وزنها
انصحك تذهبي اقرب وقت عند دكتور شاطر وهو بيسوي لك الازم
ولا تقلقي ياقلبي كل شي وله علاج
ماابغ اخوفك والله
بس انا خفت عليك من هرمون الذكوره يسوي لك مشاكل في المستقبل
الله يرزقك الاتتمنيه ياعمري

[عشق الصدى]

السلام عليكم
انا شبيهه باللي عندج بس كاان عندي هرمون الحليب مرتفع وعرفت انها وراثه
عطتني الدكتوره ادويه والحمدالله راح بس للاسف تنقطع عني الدوره وآخد كيلوميد بس مافي حمل بس لازم الوحده تغير من نفسيتها وان شاء الله الله يرزقنا الدريه الصالحة

[زهرة النرجس]

يعطيك العااافية انا بعد عندي ارتفاع في هرمون الذكوورة بس الحمد لله مع العلاج بدا يخف

[ام صـالـح]

ممكن سؤال
وشي اعرض هرمون الذكروه خواتي؟؟
اقصد من ناحيه انتظام الدوره وتكيساتها
وكيف اعرف انه راح