تجمع رعاية المولود من حديثي الولادة إلى شهر 3

[روعة النسيان]

شعووووله تسلميين ياقلبي
زينب حلو جتك الدورة تدرين تسوين طريقة العد يعني ايام التبويض انا ماعرفها بالضبط بس ابحثي عنها
لان الدورة جت معناها صار عندك تبويض انتبهيي من الحمل

أنا مفتقده أثري في مدادي اشتقت لها

ملكتني الغاليه موجوده بالمنتدى بس شكلها مششغوله مع غيرنا

وينهم بنات تجمع محرم و الصفحات اللي كانت طايره مانلحق عليها

[يارحيم]

مدوخه وحشتينا حبيبتي الحمدلله جيتي وطمنتينا على اخبارك.. شكل الامور مستتبه عندك ولله الحمد

شوق موتيني ضحك على زوجك حسيته بيبي من جد! انا زوجي متعود على الدلع العاطفي يعني يبغى مدح وكلام حب دايم.. ويبغى اسولف معاه واهتم فيه.. لكن اهتمام جسدي يعني شي يتطلب مني اتحرك واكرف صراحه انا ماعودته! انا كسولة شوي وبيتي حوسة دايم والاكل يوم اطبخ وثلاث ايام لا وبصراحه ما عودته لا على مساجات ولا خرابيط لان مافيني حيل ههههههه مادري وش نوع الدلع اللي زوجك متعود عليه بس من جد الله يعينك لازم تخففين شوي لين يتعود بكرا ان شالله ربي يرزقك بعيال غير جوجو وماعاد بيصير عندك وقت ولا طاقه .. الحين انتي المفروض تتدلعين عليه

زينب بديت انضم لك بازمة الوزن وانا اول فرحانه بطني كانت قاعده تصغر ووزني يقل وعايشه الدور اني برجع زي اول بدون مجهود!! الحين بادية اتحطم..

مشاعل مو معقول بتكملين ثلاث شهور وللحين معافر انا اللي فاهمته ان البيبي تركد اموره على الشهرين وذا اللي مصبرني على اللي عندي اقول يالله باقي شهر وتستقر امورنا!! لا وصديقتي قبل يومين تسولف معاي تقول اصلا بتلاحظين فرق كبير اذا طلعتي من الاربعين يصير الطفل ينام فترة اطول وتنتظم رضعاته اكثر.. فرق عن اول ما ينولد..

[يارحيم]

بالنسبه لاخباري اليوم خالد سوا فينا شي ما سواه من انولد!! يعني متعوده على فقرة الصياح اللي تبدا ست الصبح لين ثمان او تسع وتكون متفرقه يعني يصيح واسكته وينام.. اما اليوم الصبح بدا يصيح من ست لين عشر متواااصل!! متنا انا وابوه نحاول نسكته وهو يصرررخ.. رضعته غيرت له لفيته ببطانية خميته هديته كل شي سويناه.. يسكت دقايق بعدين يرجع يصرخ ويصيح.. المصاصه يتفلها والرضاعه يرضع دقيقتين بعدين يرجع يصيح.. ضيق حيلتنا مرة وقررت اني لازم اعطيه شي يهديه مارح اسمع كلام الدكتور.. الدكتور قالي ماتعطينه ولا شي تحملو مغصه لين يكبر شوي ويخف واذا تأزم مرة عطوه شوي موية!

المهم سويت بحث عن موية غريب وطلعت مرة كويسه للاطفال وتهدي المغص وتريحهم كثير وما تنعطا الا اذا كمل الطفل شهر يعني الحين تناسب ولدي وقررت اجيبها واجربها ان شالله يارب تهديه..

وبالنسبه لي انا باقي لي اقل من اسبوعين واطلع من النفاس ان شالله.. لازم اشتري لي كم قطعة لانجري جديده حاولت اخليها لين اخر الوقت لان جسمي كل شوي يتغير وماعرف وش بيناسبني.. شايله هم هالموضوع اول كنت اشتري اي شي يعجبني شكله ولا يهمني الحين ابي اشياء تكون تغطي شوي البطن وترفع الصدر مابي شكلي يكون صدمه.. صحيح كل شي بينشاف بس ولو على الاقل قميص النوم يعطي شكل جذاب ويخفي العيوب شوي.. انتم اشتريتو اشياء جديدة ولا استخدمتو القديم ولا وش نظامكم؟؟

[Maayaa]

مراحب ججميعا ،،، ادري اانقطعت فتره بس والله ظروف ماسمحت لي ابدا

عموما مششتاقتلكم كثثثير ومبررروك للامهات الجدد والله يرزقنا برهم ❤❤❤


يارحيم ،،،، قلنا بكل شي احنا مثل بعض بس عاد مو بنفس يوم الولاده بعد ههههههههههه ولدت ي
1/6 ههههههههه انصصصدمت لما شفت توقيعك ،، الله يخلي لك خلودي

انا الحمدلله ولدت طبيعي وجبت احلى صبي الحمدلله يارب ،،،، عن جد الولاده شي صعب الله يعظم اجر امهاتنا


البقييييه اخبارككككووووون

[Maayaa]

انا عندي مشكله معقدتني كثير و الله ولدي الحين عمره شهر يكسر خاطري .. ينمغص و يجلس يصيح ساعة و اخرتها يطلع غازات .. و كل هالتعصر على بالي بيطلع معه شي ..
و باخر الليل لما خلاص ماعاد اتحمل اتركه يببكي .. ادخل نص تحميلة جلسرين .. و يخرج و يرتاح ..
بس امي تقول لا تكثرين منها بعدين يصير عنده رخاوة بالامعاء ولا عاد يعرف يدفع بنفسه .. بس و الله يكسر خاطري
اليوم بروح للدكتور و اطلب منه يعطيني حل ..
لاني استخدمت له يانسون و كل مايخطر بالبال من العطارة ولا نفع .. و استخدمت له قطرة Diflyst اعتقد اسمها كذا .. و برضو تهديه شوي و يرجع .. و شاهي ميلوبا بالشمر .. و لا فايده تذكر. . حتى موية غريب ..!
مايرتاح لين ينام على بطنه .. حتى الرضاعة من صدري صارت تجيب له المغص
على فكرة .. انا استخدمت له اول ما طلع من المستشفى سيملاك .. و اسبوع غيرته لـ اس 26 .. و صار ما يخرج الا بالعافية .. على الاقل مع سيملاك كان يخرج كل يوم .. !!
جربت احرمه من الصناعي و اعتمد على صدري .. و برضو ما تغير شي ..

[أم ولودي]

يارحيم ترا اذنه الي تعوره امس يزودي سوا فيني اكثر منك هبل فيني طلعت اذنه وحلقه يعورونه ونفس ولدك عيا عن الرضاعه والمصاصه وكيف تعرفين ؟؟حطي اصبعك بأذنه وحركيها شؤي اذا بكى بقوة يعني اذنه واذا كانت هي اذنه الي تعوره انا ادفي زيت زيتون وانتظر لين يكون دافي شوي وانقط بأذنه نقطتين ويكون تمام التمام باذن الله بس مالقيت علاج لحلقه مايخليه يرضع افكر انقط له مره منقوعه بمويا بس خايفه،،،،،،حتى انا فاقده اثري في مدادي جدا عسى المانع خير

[Maayaa]

المشاركة الأصلية كتبت بواسطة قلبها فيصل

يارحيم ترا اذنه الي تعوره امس يزودي سوا فيني اكثر منك هبل فيني طلعت اذنه وحلقه يعورونه ونفس ولدك عيا عن الرضاعه والمصاصه وكيف تعرفين ؟؟حطي اصبعك بأذنه وحركيها شؤي اذا بكى بقوة يعني اذنه واذا كانت هي اذنه الي تعوره انا ادفي زيت زيتون وانتظر لين يكون دافي شوي وانقط بأذنه نقطتين ويكون تمام التمام باذن الله بس مالقيت علاج لحلقه مايخليه يرضع افكر انقط له مره منقوعه بمويا بس خايفه،،،،،،حتى انا فاقده اثري في مدادي جدا عسى المانع خير

قلبها فيصل ،،، مادري امس قريت على شات بدايه وحده كاتبه انو مايصير وموب زين تقطرين باذن الطفل اي شي يسبب عمى لاسمح الله
الله يبعد عنا الشر وعن المسلمين اجمعين ،،

انتم مثل حالتي ولدي يذبحني بالبكى بسس يبكي وماعرف وش فيه كل شي سويته له ،، اغير البامبرز غيرت لبسه بكبره قلت يمكن مضايقه فيه شي ،، امشي اقعد ارفعه انزله احطه على كتفي احطه على رجولي برضو مافي فايييده بسسس يبكي

زوجة عمي نصحتني اعطيه عنزروت وفعلا كلما اعططيه يناام بس اخاف اكثر له ،،

[أم ولودي]

حتى انا ولدي مايخرج الاكل كم يوم مدري طبيعي والا لا بس حاولت اجرب زيت ومانفع واذا خرج بعدين يكون عادي لين مو امساك يعني بس مدري ليش مايخرج كل يوم وهو يرضع سميلاك

[أم ولودي]

مدري بس انا اشوف كل عيالنا لما توجعهم اذنهم نحط نقطتين زيت وكل شي تمام الحمدلله لانه حرام وجع الاذن مره صعب وماظن الزيت مو زين بالعكس زيت الزيتون مبارك واصلا ماتكثرين بس نقطه والا نقطتين عموما الله يحفظ عيالنا يارب

[يارحيم]

مايا الله يعينك اتوقع هذاي سوايا الصناعي!! انا اول ما جبت ولدي كنت بس ارضعه طبيعي وكان يبكي وينمغص بس بشكل طبيعي بعد مابديت اعطيه الصناعي جانا البكا الهستيري والصراخ!! بس ماقدر اقطعه نهائي لاني اعطيه الصناعي مرات وانا طالعه ولا وانا نايمه عشان ارتاح.. الطبيعي طول الوقت عذاب!!

بس انا نويت اجيب له موية غريب ان شالله تنفع..

قلبها فيصل ما اظنها اذنه وسويت اختبارك وحطيت اصبعي بكل اذن واحركه وما يتعور.. انا توقعت انها مب اذنه لانه مب طول الوقت بكا يقرر ساعات معينه يبكي بدون توقف وفيه اوقات يكون هادي.. لو اذنه تعوره اتوقع يبكي طول الوقت او ينام من التعب.. بس هو ساعات يصحى يرضع ويلعب عادي بس عندنا فترات من اليوم لازم يجينا ذا البكا الهستيري الله يعين!!