تجمع رعاية المولود من حديثي الولادة إلى شهر 3

[يارحيم]

ولدي كمل اسبوعين اليوم ياحبيله..

شوي مقلقني موضوع الرضاعه صاير يجوع بعد ساعه او ساعه ونص من الرضعه واحاول اخليه يصبر لين يكمل ساعتين بس مو زي اول كان يشبع وما يبكي الا بعد ثلاث ساعات او اكثر.. بالليل تعبت تعبت ما انام ساعة متواصله اذا رضعته وغيرتله وانسدحت وقعدت شوي لين انام بعدها ب 40 دقيقه ولا ساعه رجع بكا مرة ثانيه.. احط اللهايه اصبره شوي بعدين يبكي وكذا لين يكمل ساعتين بعدين ارجع ارضع واغير!!

مرررررة تعبت وانهلكت و احيانا حتى ماقدر حتى اني انام قيلولة لان نومي مب سهل يعني مو من النوع اللي باي وقت احط راسي وانام.. يبيلي ظلام وهدوء واقعد شوي على السرير لين انام وهالشي صعب بوجود البيبي..

اللي والدين لهم شهرين او ثلاثه سؤالي لكم متى تقريبا يصير الطفل يرضع كل اربع او خمس ساعات؟ ولا بيستمر الوضع كذا رضاعه كل ساعتين؟ انا صراحه ما اعطيه صناعي واحسه صغير ما ودي ابدا بالصناعي الا اذا كمل شهرين او ثلاثه.. يعني اذا بعتمد على الطبيعي بيستمر كذا كل ساعتين رضاعه ولا ممكن اذا كبر يصير يرضع اكثر ويطول بين الرضعات؟؟ اللي عندهم خبرة دلوني تكفون..