قصة ولادتي بس متأخرة ❤

[fufualmoon]

السلام عليكم ورحمة الله وبركاتة
كيفكم يا احلى كروشات لكم وحشة
انا من حوامل شهر 6 /1433
رجعت بعد غيبة طويلة ونائبة معي قصة ولادتي


❤

قصة ولادتي
طبعا انا مطوفه اسبوع ولادتي كانت يوم 23 من جماد الثاني ولدت يوم 1 رجب
من دخلت شهري وانا اشرب قرفة ويانسون لكن ما اخذها بستمرار وخلصت الشهر وانا ما احس بشيء *
يوم السبت تاريخ 28 من شهر جماد الثاني رحت اراجع وسوت لي الدكتورة توسعه لرحم طبعا كانت مؤلمة بس تحملتها وكشفت ع الجنين ونبضه وكله كان تماام
روحت البيت نزل مني دم بسيط قلت امكن حق التوسعة نمت وصحيت على دم خفيف*
سألت البنات هنا في المنتدى قالو طبيعي بعد التوسعة قلت لعمتي قالت ان شاء الله الفرج قريب لكن بعدين اختفى الدم صار تنزل مني افرازات مخاطية ثقيلة وكل يوم تزيد وانا ساكته اقول افرازات عادية
انتظرت الأحد والاثنين وكنت اشرب فيها يانسون بكثرة والتمر والزنجبيل واللي ساعدني المشي كثفت المشي خليت خطواتي كبيرة وامشي لمدة ساعة من بعد التوسعه*صباح الثلثاء دخلنا الشهر الجديد ونفسيتي كانت مررره زفت قلت خلاص باخذ الطلق الصناعي وبغامر اهم شيء يطلع*
اخذت أمي وعمتي ام زوجي ورحنا ع المستشفى طبعا حكومي وتعرفو كيف التعامل هناك كان نفسي أفجر المكان عليهم المهم كشفت عليا قالت لسه حاجه بسيطة يعني نص سانتي هذا الساعة 11 الصباح .*حطوني بالتنويم وخلصو أوراقي وجلست منتظرة لتحاميل *الطلق الصناعي
كان عندي الم من الصباح يروح ويجي بس لم كان جنيني يشد نفسه فكنت اقول من حركته هذا الالم ( طلع طلق وانا مادري >>> بكرية
الظهر بدأ يزيد وانا ساكته الساعة 1صار قوي قلت لامي عندي مغص قالت قومي امشي في السيب امكن ربي يسرها عليك واقوم وامشي وكل ما يجي الالم أوقف ما عد اقدر أتحرك وهكذا لين اذن بالعصر رجعت للغرفة
جات خالتي ومعاها شوربة وحليب شربت شوية ما كان لي نفس من الالم المصيبة هذا كلله ع بالي من حركة الجنين هههه الساعة 5 العصر تقريبا بدا ينتظم ويجي ورا بعض شافتني أمي قالت هذا الطلق جاك قولي الحمد لله بلا تحاميل بلا خرابيط خخخخ
و انا اتألم انسدحت ودوووغري طلعت الموويه جات الدكتورة وكشفت قالت 6سانتي يلا ع غرفة الولادة وصار شكلي كذا ههههه أخيرا جاء الفرج
حطو التخطيط وهاتك حوسه ولوسه ع هذا السرير من الالم ادعي وارجع ابكي والدكتورة تقولي انت يبغى زواج هذا هو زواج خخخخ بس طيبه وعسووله ويدها خفيفة ما شاء الله وكل شويه تقيس تقول باقي شويه وانا أعتصر وما صدقت حتى يوصل 10 كل شوية اقولها سوي لي عمليه وهي تصبرني من هنا*
*والساعة 7:50 المغرب جبت حبيبي اللي ماكان يبغى يطلع ف شهر 6 ههههه الله يحفظة
وسوووري ع الإطالة

اللي استفدت منه ان الصراخ فعلا ماله فائدة بالعكس يزيد الالم*
التنفس لازم تعودي نفسك ع التنفس الصحيح*
وتصبري واحتسبي الأجر بلا صراخ بلا قلة أدب هههه👊


❤

[hessah.altamimi]

حمدالله على سلامتك

جت متاخر ههههههه اهم شي صحتك وصحه البيبي

دعواتك ..

[عشق سوسو]

ما شاء الله
مبرووووووووووووك

الله يبارك لك يارب ويحفظه لك

وعقبالنا :)

[زوجى حياتى*]

مبارك البيبى

وربنا يجعله من الصالحين

[شمايل بنت الدمام]

ألف مبروك ي قلبي والحمد الله ع سلامتك وسلامه البيبي انا يوم ولدت قلت ل زوجي اسمع تبي عيال تزوج ترا تألمت كثيرررر وهو يضحك يقول بنجيب 10 وصار عمر ولدي سنه وحملت ب الثاني

[dr.loly]

الحمدلله عالســـــــــــــلآمة......... يتربي في عزكم وان شاء الله من حفظة القرآن

[خلوني على صبري]

الحمدلله على السلامه ماشا الله شجاعه منك بكريه وشكلك مااخذتي بنج الله يقويكي ويحفظ وليدك

[om aseel]

الحمد لله على سلآمتكـ ياااقمر ويتربى بعزكم يارب ****~

[راويه 25]

مبروووووووووك يا بعدي
والله يحفظ لكم الكتكوت الصغنون

والحمدلله ان ربي قومك بالسلامهه

[اذهبة]

علييكم السلام ورحمة الله وبركاته . .

مــا شـــاء الله . .

الحمدلله على سلامتج وسلامة المولود

الله يجعله من عباده الصالحين. . آمييين



اختي الغالية ممكن سؤال.. أنا بكرية بعد
وحابة اعرف متى المستشفيات يقولون للوحدة تدفع؟
ليما تفتح 10 او اقل؟