دردشة بنات ليبيا , دردشة حوامل ليبيا , تجمع بنات ليبيا

[حنين88]

ابتسامة والله حق فارق اوقت وبالدات لو تبي اكلمي اماليك اهني صح تحسي اخيييه الوقت


سهفتوني بالمكرونة الجاريه ياكبدي

يقين شن جوكم وجو صغويرتك اني بنجيب في مصر اكيد زي الاول

الاسبوع الجاي مروحة لليبيا الله قداش استاحشت اماليا عندي عرس اختي والعقبة لكل بنية قالو الصقع احرف من اهني مش عارفة شن الواحد بيلبس في الصقع وخايفة على بنتي تمرض وعندها تطعيمه السنة ونس ربك يستر

[أم أجنادين 80]

الـــــــسلام عليكم
كيف حالكم حبوباتي
سوسو وشموسة وابتسامة وحنين
وام نوزة ننصحك ترضي زوجك وبعدين بنتك عمرها مناسب وتحملي واتجيبي صغارك وانتي صغيرة احسن ليك
خير مايضيع العمر وتندمي ولا سمح الله يصير شي يمنع الحمل
سـوسو ننصحك خودي بيهم تاكم شيشخان انا خديت واحد بحديدته وخراصاته وطبعا فيه اللون الأصفر كأنه ذهب
وكبير زي الذهب ماشاء الله
وبالنسبة للإيجار انا فكرت قبل زيك بس مرة علي مرة تاجري اتجمعي حق لبسة جديدة وبعدين في الزاوية وينهم يلي يأجروا
في حاجة حلوة ****

[شموسه 88]

السلام عليكم ورحمة الله وبركاته

[شموسه 88]

امكسدين كلعاده

[أم أجنادين 80]

لما دخلت انا كسدتوا
وتوا نعسانة

[شموسه 88]

تعرفن يابنات عليك موقف محرج او مره ايصرلي هكي 12-12 عيد ميلاد زوجي وانا انسيته بكل خطر عليا امبدري في العياده ا والمشلكه توا معندش افلوس تحتي اندزلا عل هديا زعما بكره انيرلا تورته حلوه "بس انا مش شاطره في حلو" قهر والله من زمان ديما انوتيلا من كم يوم الا المره ه>ي اوهو مسكين يسحابني دايرتلا مفاجاه

[شموسه 88]

اهلين ام اجنادين

[أم أجنادين 80]

ديري تورتة بسيطة او تشيز كيك او اي شي بسيط

[أم أجنادين 80]

تصبحي علي خير

[أثري في مدادي]

المشاركة الأصلية كتبت بواسطة ماجدة ناصر

السلام عليكم أنا عضوة جديدة اتمنى اكون صديقة خفيفة الظل عليكم

وعليكم السلام ورحمة الله وبركاته
أهلا بيك معانا ،،،،،،، ونورت اللمة والمربوووووووعة

المشاركة الأصلية كتبت بواسطة شموسه 88

انا جيييييييييييييت مشيت درت امتحان اوففففففففففففففففف يقهروا امتعبيني وامنوضيني من حوشي في السقع عل سبا يسالوني عل اشارات واعطوني استماره عبيته اوقالولي جيبلنا اصور التلات الجاي نعطوكي الرخصة
بعدها روحت درت غداي مكرونه جاريه وفي العشيه مشيت لعيت خالي انبارك عل فرح بنتهم اوتاكيت شفت حني هدرزت احداها اوتوا روحت الحوشي درت عشاي شكشوكه اوفول او زيتون

طيب فيك ،،، قعدت أمس نخمم فيك
الحمد لله جت قريبة وسهلة ،،، قصدك ما سقتيش بكل ؟؟؟؟
وتعتبري نجحت ؟؟؟
صحتين الغدي والعشي ~~~

المشاركة الأصلية كتبت بواسطة ليبياقلبي

تعرفوا انا نفسيتي تاعينة مشكلتي راجلي يبيني نحول المانع قالي خلاص نوزة عمرها توا عامين يوم 30_1 تسكر عامين وانا مسكرة راسي منبيش نحوله لانا من الاخير صح ممكن كويس العمر بس انا كعادة كارهة الحمل من عدابي في بنتي نفسيتي مش متهيئة ابدا للحمل شن اندير وكل مانكلمه يسكر راسه ويقولي خلاص انا نبي بيبي

أهلا بأم نووووزة ~~~
معقولة هذي مشكلة ؟؟؟ طيحتيلي قليبي ~~~~
لوحي عليك المانع ، وتوكلي علي ربك ،،،
خير ماييجيب عليك مراااااااااااا خخخخخخخخخخخخخ

المشاركة الأصلية كتبت بواسطة sosolibya

ااااااااااااااه والله ارتحت اليوم لنربحه نربحه

وغدوة عطلة اييييييييييييييييييييييييييييييييي

شفتي ماحلالالالالالالالالالاها تقعميزة الحووووووووووش
هو العمر واحد ولا إثنين ؟؟؟
وشن بنة العمر كان ضاعت منه زهرته ؟؟؟؟
وحدة تحرض على القرار في البيت خخخخخخخ

المشاركة الأصلية كتبت بواسطة sosolibya

وييييييييييينكم

انا طيبت مبكبكة
دار ربى لقيت كتف فى الفريز متع العيد غطهولى عيالى


وتوا نستنى فى راجلى يجى باش نحط المكرونة
ان شاء الله

سلم هالفالحة ،،، والكتف كسرتيه بروحك ؟؟؟؟

المشاركة الأصلية كتبت بواسطة sosolibya

اوووووووووووووللللللللللللووووووووللىىىىىىىىىىىىى

تانى خبر حلو

امس خديت المنحة 300 دينار

هدا وين خديتها

انا نفكر ناخد بيها خاتم دهب
باش مايريحوش وتكون كرة حلوة

ولا ياترى حاجة فضة احسن مع انى مافيش مرة خديت فضة

وطبعا لا لا لا لا للدهب الابيض

لانى لا احبه وافضل الاصفر

ليس لشىء الا لان قيمته ماتبانش مهما كان

وةلا ياترى حلو شنو رايكم قولولىىىىىىى

زي ما اقترحت شموووووسة
فضة بالأحجار مش عاااااااااااادي بكل
واخدة منه واحد على الأحجار الخضراااااااااااء علي خاطر عندي ثوب خليجي بالزيتوني ماشي معاه
وعندي تايير فيه الأخضر ،،،
وبعدين هدتلي أمي في جيابي واحد بالأحجار الملونة الحق أحلى من متاعي ~~~

المشاركة الأصلية كتبت بواسطة sosolibya

بنقوللكم حاجة ونبى نفكر معكم بصوت عالى ويامرحبا بمشاركة من افكاركم

عندى بنت خالتى كل مايجيهاعرس تاخد قفطان جديد بحجة ان الاول خلاص شافوه

وكل مرة هكدا وبالعلى مش حتى بالرخيص وبعدين المشكلة انه يقعد ويلبسه الدولاب

طبعا انا استنتجت حاجة من هذا

ليش الواحد ىلما يجيه عرس ميأجرش قفطان تأجير

وبهدا الشكل يطلع فى كل عرس بحلة جديدة ومايقعدش اللبس لابسه الدولاب

ولا انتم ياترى كيف تفكرو

طبعا انا عمرى ما اجرت لبس قبل

وعمرى مادرت حلاركة كل عرس ناخد لبس جديد

الحق ما عنديش مشكلة كبيرة فيهالموضوع ،،،
لأن الناس مختلفة ،،، والمناسبات متنوعة ،،،،
وبعدين عندي أخواتي حبيباتي مقاسهم مش بعيد علي هلبة فيصير بينتنا الاستعارة
وخصوصا لبس المناسبات ،،،
والإيجار حتى هو مبلغ ماشي هكي وخلالالالالاص

المشاركة الأصلية كتبت بواسطة ابتسامة الصباح

تعرفو بنهبل من فارق الوقت بدات بعد ماغيروه كان الفرق بين ماليزيا وليبيا سته ساعات وتوا سبعة يعني زادو الطين بله حني ليل وانتم نهار والعكس كيف تبوني نتلاقى معاكم والله شينك حاله وخلاص توا عندي الساعة 11 وتلت وانتم 4وتلت برا

أهلا أهلا شن أخبار الفارس معاك ؟؟؟؟

المشاركة الأصلية كتبت بواسطة شموسه 88

تعرفن يابنات عليك موقف محرج او مره ايصرلي هكي 12-12 عيد ميلاد زوجي وانا انسيته بكل خطر عليا امبدري في العياده ا والمشلكه توا معندش افلوس تحتي اندزلا عل هديا زعما بكره انيرلا تورته حلوه "بس انا مش شاطره في حلو" قهر والله من زمان ديما انوتيلا من كم يوم الا المره ه>ي اوهو مسكين يسحابني دايرتلا مفاجاه

عندي ليك اقترااااااااااااااااااااااااااااااح مش عااااااااااااااااااااااااادي
تحبي المفاجآت المميزة ؟؟؟؟