تجمع حوامل سوريا-دردشة ورود سوريا-دردشة الغاليات

[شذا حداد]

المشاركة الأصلية كتبت بواسطة ميآر [ مهند حيآتي ]

هلا نايوتا حبيبتي ..

كيفك اليوم

انا لبنانية سورية ههههه ماما وزوجي سوريين بس خلئانة وعشت قبل زواجي بلبنان ..

والله يا نايوتا ما بعرف شو بدي ئلك الله وحده كان بيعرف بظروفي وئت كنت حامل بابني ..

حابة فضفضلك انتي والبنات والله طائة .. البنات القديمات اللي بالتجمع تابعو معي المشكلة بزمآنه

انا عندي حمآية الله لا يورجيكي انا تزوجت ومن اول شهر حملت .. وصارت مشاكل بيني وبين حمآتي كوني لبنآنية وكوني مو البنت اللي اختارتها لابنها بس اضطرت ع مضض تئبل فيي
انا والله كنت ولا زلت عم حاول كون مرضية معها \\ تخيلي كنت بالشهر التاسع .. تجي لعندي تعمل عزايم لاخوات زوجي ال4 وزوجاتهن وازواجهن ... وانا يللي اعلق بالطبخ والجلي والله
بطني كان لحلقي وزوجي كآن مدايئني كتير لدرجة ضربني كذا مرة بحملي الله يسامحو ...

هي قصة والقصة التانية انو حماتي ضلت ورا زوجي لبعدتو عني لفترة وبآخر 3 شهور بحملي
الله هداه ورجع متل اول ... واول فكرة اقنعتو فيها انو اذا سافرت وولدت عند اهلي رح اخد ابني
واتركو ... وامي كان كتير صعب تنزل ع حمص .. وما شافت ابني الا بطلوع الروح :(

وولدت ووالله كانت دكتورتي ئايلتلي طبيعي ومحددين موعد ... بس ع ئد ما انقهرت بوقتا ..
رحت وانا ولادة ع المشفى وتعسرت ولادتي وعملت قيصرية ...

انا سعيدة بحملي هلا بس والله تعبانة ... متل ما ئلتلكن مهند صاير لا عم ينام ولا عم ياكل
وع طول مسهول يي ع ئلبي

عم حطو احيانا عند حماتي بدوامي بس والله عم يرجع منهنه من تعبو بيضلو ولاد عمو وعمتو يشدو فيه ويلعبوه ...

تركوها لله والله تعبت كلو منتظر مني اني ارضيه ...
من ولادتي ما دست بيت حمايي من كتر ما قهرتني حماتي بحملي ..
والدراسة قررت هالسنة اتركها بركي لاولد بكفي ...
والحاااااااالة تعبانة .. الله يفرجها ..

كريت كتيييييييييييييييير بس حقكن عليي والله ئلبي عبيان :(

يالله سلامتك حبيبتي ..والله زعلتيني عليكي كتيرر ...الله يهدي زوجك وحماتك ...واحسن شي تسافري عند اهلك حاولي تكسبي زوجك وتتقبيلو وتقنعي

المشاركة الأصلية كتبت بواسطة سرووءة

صباح الخير لاحلا واغلى بنات
لك والله اشتقتلكن كتيييييييير
اول شي ميورة حبيبة قلبي
الف الف مبروك الحمل صح وضعك صعب بس هيك اللخ رايدلك
وكلو خير واحسن شي ممكن تعملي انك توقفي هالسنة دراستك وتطلعي عند اهلك
عالاقل بيستلمو ابنك وانت حتكوني تعبانة بالوحام ضلك حاولي مع زوجك وماعليكي من
حماتك وضعك صراحة متعب ولازم تكوني جنب اهلك
وهنودة حبيب قلبي صاااير بجننن الله يحفظلك
ياه يارب وانا بطلت اعطيكي بنتي مابحب الضراير
ههههه


جوري كيفك وكيف اهلك وابنك ان شالله بخير

ندى شواخبارك ان شالله بخير

سدورة كيف وشو اخر اخبارك

شذا كيفك منورة التجمع

والباقي كلكن الغايبات اشتقتلكن
بسبوسة واماني هدولة سلولة عبورة ام مالك ام عائشة رنومة وردة سوريا
زهرة سوريا يارب ماكون نسيت حدا

تسلميلي منور بوجودك

المشاركة الأصلية كتبت بواسطة nayota

كيفك شذا وكيفا كوكي يلا هانت كم اسبوع وبتشوفيا بحضنك الله يقومك بالسلامة ان شالله

الله يسلمك ...كوكي بتسلم عليكي و ع نايا