تجمع حوامل سوريا-دردشة ورود سوريا-دردشة الغاليات

[شذا حداد]

المشاركة الأصلية كتبت بواسطة nayota

وضعك لا تحسدي عليه ابدا والله صعبة كتييييييييييييييييييييير مو شوي انك تولدي لحالك ومافي حدا جنبك وخاصة امك
شوفي ازا بتحسني تجيبي شغالة شي شهر تساعدك بفترة النفاس وين ساكنة بسعودية والله براسي بجي بساعدك

يخليلياك يا رب ...والله مصدقتك ...بس اخ الواحد شو بدو يحكي ؟...انا بتبوك

[Nayota]

يا خسارة انا حاليا بالرياض بس لا تتعبي نفسيتك ورح قلك نصيحة اانك رح تولدي بنفسك حتى لو كان معك كل اهلك يعني كوني مع ربك وادعي الله يهون عليكي الولادة وانت طبعا اختاري دكتور او دكتورة ذو خبرة وان شالله بتقومي بالسلامة اما الموضوع الصعب عليكي انك تعتني بطفلتك وتعتني بنفسك لان ماعندك خبرة هي اول تجربة الك طبعا اكيد والدتك بتعطيكي نصائح بهادا الشي وانت اسأليني بعطيكي كلشي بيلزمك من معلومات بس اهم شي دكتور شاطر والباقي الله بيعينك وطبعا ازا قدر زوجك ياخد اجازة لا يقصر

[Nayota]

صباح الخير جميعا
شذا وميار وام ملاك كيفكون

[شذا حداد]

هلا نايوتا صباح النووور ....انا منيحة ....وينك ميااار ؟؟؟....ليكون بلش الوحام ؟؟؟

[ميآر [ مهند حيآتي ]]

سلااام يا احلى حوامل

والله تعبانة كتير كتير كتير حتى مالي حيل اكتب اهئ اهئ

تخيلو معي حمل وشغل بيت ودوام من 8-2 وليييييييي وهنودة الله يخليه صاااير متعب كتير

صرت ابكي ع اد ما تعبني لنام .... حاسستو بلش يسنن .... اااااخ

مالي نفس اطبخ شي عم اكره الروايح كتير كتير ....

زوجي صرلو كم يوم عم ياكل عند اهلو هوي خطي ما اشتكا

انا منهااااااااااااااااااااااااارة ومافيي كمل هيييييييييك ابدا ...

عم فكر وقف دوامي هالسنة وسافر لعند اهلي ع بيروت ائعد هنيك كم شهر انا ومهند ..

شو بدي اعمل رح طق :(

حتى هالحل مستحيل لان حماتي بزمانو ما خلتني اولد عند اهلي وهلا اكيد ما رح تتركني سافر انا وابني :(


انا اااااسفة وجعت راسكن بس تعبااانة والله

الي رجعة لان مهند فاق عم يبكي

[ميآر [ مهند حيآتي ]]

شذا حبيبتي طولي بالك .... ما تدايئي ليكي انا كمان ولدت ابني لحالي والله عاني

بس ارجع بحكيلك القصة :(


نايوتا يا ئلبي كيفك وكيفا نايا ...

[Nayota]

الحمد لله اشتئنالك ميار والله فكرة معئولة انك توئفي من الجامعة هالسنة اعملي اعتزار
والله فكرتك حمصية يعني انت زوجك حمصي وانت لبنانية او اهلك سافرو وسكنو بيروت فضولية ماتواخزيني هههههه
والحق معك انك تتعبي ليخلص الوحام بترتاحي فوتي عالمنتدى منرفعلك معنوياتك ههههه
شو واثقة من حالي

[Nayota]

ميار طولي بالك ليش الانهيار خلص ازا وقفتي من الجامعة هالسنة بتنحل ولا تطبخي هالكم شهر
ولا تشعري بالزنب عادي بالعكس دللي حالك ولا تحملي نفسك فوق استطاعتا
لا يكلف الله نفسا إلا وسعها وكلشي بتنظيم الوقت بيصر والله بيعينك

[Nayota]

كيفك شذا وكيفا كوكي يلا هانت كم اسبوع وبتشوفيا بحضنك الله يقومك بالسلامة ان شالله

[ميآر [ مهند حيآتي ]]

هلا نايوتا حبيبتي ..

كيفك اليوم

انا لبنانية سورية ههههه ماما وزوجي سوريين بس خلئانة وعشت قبل زواجي بلبنان ..

والله يا نايوتا ما بعرف شو بدي ئلك الله وحده كان بيعرف بظروفي وئت كنت حامل بابني ..

حابة فضفضلك انتي والبنات والله طائة .. البنات القديمات اللي بالتجمع تابعو معي المشكلة بزمآنه

انا عندي حمآية الله لا يورجيكي انا تزوجت ومن اول شهر حملت .. وصارت مشاكل بيني وبين حمآتي كوني لبنآنية وكوني مو البنت اللي اختارتها لابنها بس اضطرت ع مضض تئبل فيي
انا والله كنت ولا زلت عم حاول كون مرضية معها \\ تخيلي كنت بالشهر التاسع .. تجي لعندي تعمل عزايم لاخوات زوجي ال4 وزوجاتهن وازواجهن ... وانا يللي اعلق بالطبخ والجلي والله
بطني كان لحلقي وزوجي كآن مدايئني كتير لدرجة ضربني كذا مرة بحملي الله يسامحو ...

هي قصة والقصة التانية انو حماتي ضلت ورا زوجي لبعدتو عني لفترة وبآخر 3 شهور بحملي
الله هداه ورجع متل اول ... واول فكرة اقنعتو فيها انو اذا سافرت وولدت عند اهلي رح اخد ابني
واتركو ... وامي كان كتير صعب تنزل ع حمص .. وما شافت ابني الا بطلوع الروح :(

وولدت ووالله كانت دكتورتي ئايلتلي طبيعي ومحددين موعد ... بس ع ئد ما انقهرت بوقتا ..
رحت وانا ولادة ع المشفى وتعسرت ولادتي وعملت قيصرية ...

انا سعيدة بحملي هلا بس والله تعبانة ... متل ما ئلتلكن مهند صاير لا عم ينام ولا عم ياكل
وع طول مسهول يي ع ئلبي

عم حطو احيانا عند حماتي بدوامي بس والله عم يرجع منهنه من تعبو بيضلو ولاد عمو وعمتو يشدو فيه ويلعبوه ...


تركوها لله والله تعبت كلو منتظر مني اني ارضيه ...
من ولادتي ما دست بيت حمايي من كتر ما قهرتني حماتي بحملي ..
والدراسة قررت هالسنة اتركها بركي لاولد بكفي ...
والحاااااااالة تعبانة .. الله يفرجها ..



كريت كتيييييييييييييييير بس حقكن عليي والله ئلبي عبيان :(