دردشة بنات ليبيا , دردشة حوامل ليبيا , تجمع بنات ليبيا

[أثري في مدادي]

المشاركة الأصلية كتبت بواسطة راية

السلام عليكم .... يا اخواتي نبي منكم مساعدة اني وراجلي ناويين ان شاءالله نمشو لتونس نعالجو نبي منكم لو تعرفو دكتور كويس وشاطر تقولولي عليه وتكون مجربينه انتو او حد قريب عليكم يعني مش قولة قال ..

ربي يسهلك أمورك """ رايــــة """ ويرزقك من بابه الواسع ،،،
اللي فهمته أنك تبي تعايني على تأخر الحمل ،،،
الحقيقة ما خليت وين مشيت في تونس ،،، لكن مالقيتش حد " امسحلي علي كبدي "
في الأخير شديتها علي ليبيا وخلاص ،،،
تمنيت نفيدك ،،، لكن سامحيني ~~~~

المشاركة الأصلية كتبت بواسطة sosolibya

بارك الله فيك اختى اثرى وجزاك الله خيرا

وبالنسبة للفتاوى والله من النت

دورت على الفتوى ووجدتها لسماحة الشيخ " بن باز " رحمه الله ،،،
شكرا على النقل الطيب ،،،
ومن الآن فصاعداً لابد أن تهتمي بمصدر الفتاوى عشان تريحي بالك ،،،
وموفقة دومـــــــــــــــــــــاً

بس انا نسيت انقوللك حلجة على باقى الموضوع

امس لما تضايقت وهو عايز ان يفهمنى ان الامر مش صحيح وماله جذور

رديت عليه
(انا ماقلتلكش ماتصورش انا نحكى على تعليق الصور)

شوفي يا الغلا " التصوير في حد ذاته محرم " و " تعليق الصور أيضا محرم "
فلا يقول أحد إنني فات في وصورت ،،، خلي نعلقها توا وخلاص = حرااااااااااااام
ما حكم تصوير ذوات الأرواح


الإجابة:

الأصل في تصوير كل ما فيه روح من الإنسان وسائر الحيوانات أنه حرام، سواء كانت الصور مجسمة أم رسوماً على ورق أو قماش أو جدران ونحوها أم كانت صوراً شمسية؛
ما ثبت في الأحاديث الصحيحة من النهي عن ذلك وتوعد فاعله بالعذاب الأليم.

ولا يقول آخر : أني ما نصورش باش نعلق إني نصور وندس في الدرج = حرااااااااام

يقول السائل: ما حكم تجميع الصور الفوتوغرافية لذوات الأرواح للذكرى؟

لا يجوز جمع صور ذوات الأرواح للذكرى، بل يجب إتلافها؛ لأن الرسول عليه الصلاة والسلام قال لعلي رضي الله عنه: ((لا تدع صورة إلا طمستها))، ولما ثبت في حديث جابر عند الترمذي وغيره أن النبي صلى الله عليه وسلم نهى عن الصورة في البيت، وأن يصنع ذلك. فجميع الصور التي للذكرى تتلف بالتمزيق أو الإحراق، وإنما يحتفظ بالصورة التي لها ضرورة، كالصورة التي في التابعية، وما أشبه ذلك مما يكون هناك ضرورة لحفظه، وإلا فالواجب إتلافها.
لسماحة الشيخ بن باز رحمه الله

وعلى فكره شكرا على كلامك انا (تشيخت ) وصف رائع

لان بصراحة فى ناس من حولى معقدينى ويتهزو عليا ويعلقو

كيف سوسو تشيخت

لانى انا بصراحة قبل

مانعدلش ونحب الحياة يعنى نلبس ونطلع ونهدرز وجوى ملييييييييييح

فبعض الناس جتهم صدمة استغراب

الحمد لله الذي هداك لهذا وما كنت لتهتدي لولا أن هداك الله ~~~~~

المشاركة الأصلية كتبت بواسطة ليبياقلبي

السلام عليكم ليكم وحشة هههههههههههههههههههههلبة انا اول شي صايمة العشرة وتاني شي انا الارضب متاعي فاسد ليه توا في الاسبوعين شن اخبتركم استحشنكم كلكم
سوسو شن صار فيك فحامل ولالالا
وبارك الله فيك انت واتري تسالوا عليسا وسلامي للكل

وعليكم السلام ورحمة الله ،،،
مرحبتين بأم نوزة ~~~ واجب علينا السؤال على الحبايب ~~~
والله على ذكر الحبايب ..........
مشغولة على " عيوووووووووووووووووون " هلبة هلبة
وعلي "أم روفيدة " و" يقووووووونة " حتى هي مغطســـــــــــــــــــــــــة ؟؟؟؟؟

[أثري في مدادي]

المشاركة الأصلية كتبت بواسطة sosolibya

بنقوللكم حاجة ونبى رايكم

يوم السبت مشيت لحماتى بتسافر لالمانيا

إن شاء الله تمشي وتجي بالسلامة ~~~

المهم لقيت عندهم وحدة جارتهم

عروس جديدة وزوجة امام المسجد

وهى مغربية وراجلها ليبي

المهم ماعلينا

المراء كانت لابسة الاسدال الاسلامى

والحق ماشاء الله عليها هدرزتها كلها نصح واحاديث وسور

مع انه عمرها ذ19

الله يبارك

وقالت انى مانخشش للنت الا على الحاجات الكةيسة واعطتنى موقع حفيدات خديجة
لكن معرفتش نخشله

المهم قعدة ماوصلتش للى نبى نحكيه

لما المراء طلعت على الباب لحقتها

وقتلها شنو رايك تزورينا فى منتدانا نهدرزو عليك

ولو تبى فيه حتى لحوامل المغرب

فردت عليا يعنى مافيهش حاجات مش كويسة
قتلها لا يعنى دردشة عادية وحاجات مفيدة لينا

فطلعت من الموضوع وصارت تحكيلى عليا
وقالتلى هذا يللى انت لابساته مش حجاب انتى وفده الاخت(كانت تحكى على حمات حماتى )

تعرفو انصدمت ومعاد عرفت انرد وقتلها انى انا متخمرة

بس ماعجبها كلامى وقالالى يللى لابساته مش حجاب

؟؟؟؟؟؟؟؟؟؟؟؟؟؟؟؟؟ ما فهمتش إنت كنت مع نساوين بس ولا كان في خشوش وطلوع رجالة ؟؟؟

وتعرفو انا شن كنت لابسة
كنت لابسة قفطان كم وطويل لحد لوطا وصدره نمر

وكنت لابسة خناق وحدايد وخواتم ومكياج بسييييييييييييييط جداااااااااااااا
وراسى عريان

وحمات حماتى كانت عروس جديدة وكانت لابسة بلوزة وقونة طويلة ومكيجة

يعنى بصراحة انا تضايقت من كلامها لحد اليوم

يعنى ما اظن انه حرام يعنى تزين بين النساء عادى بما انها عورة بين النساء مستورة

أكيد حبيبتي لاحرج من التزين واللبس أمام النساء بالشرط الذي ذكرته ستر العورة الواجب سترها بين النساء


وحسيت انها متعصبة زيادة

وبعدين قالتلى مو انت سلفية

وانصدمت زيادة ومعاد عرفت حتى انرد عليها
بصراحة وللاسف

انا مافهمت الكلمة يعنى دايما نسمعها بس مافهمت شن تقصد

يعنى هى قالتهالى باسلوب تخويف لدرجة حسيت انها حاجة عافنة وكانها تعصب او عنصرية

فقلتلها مفهمتكش

فقالتلى انه فى العلماء النابلى وووووووووووووو

لم أفهم هل كان سؤالها استنكاري أم استفهامي ؟؟؟؟
يعني هل أحسست أنه تريدك سلفية أم لا ؟؟؟؟

المهم من لحظتها وقلبى فى حنجرتى
وتضايقة لحسيت حتى انى حننفجر
وحسيت قداش انى تاااااااااااااااافهة ومش عارفة شى

وطول السيارة متضااايقة وساكته وزوجى يسالنى انقولها انى اكتشفت فى حاجات مانعرفهاش

وبعدين سألت ماما قالتلى يعنى اتباع السنة

الإجابـــــــــــــــــــــــــة صحيحــــــــــــــــــــــــــــــــــــة
منهج السلف = الكتاب والسنة على فهم السلف الصالح
والسلف الصالح هم = الرسول صلى الله عليه وسلم والصحابة والتابعين
أي القرون الثلاثة التي شهد لهم الرسول صلى الله عيه وسلم بالخيرية ، حيث قال :" خير الناس قرني ثم الذين يلونهم ثم الذين يلونهم ...."
فشهد بالخيرية لـ300 سنة ،،،
فمن اتصف بالسلفية يعني متبع لهؤلاء الأطهار ،،، فلا تعصب لشخص ولا حزب ولا فرقة وإنما اتباع للكتاب والسنة على فهم هؤلاء الأخياااااااااااااااار

ومن لما روحت وانا نبحث فى النت معنى السلفية

والله انا متحشمة حتى انى نحكيلكم على انى طلعت مانعرفش

بس متضاااااااايقة

على العكس لا دااااااااااااااااااااعي أبداً للحشمة يا حلووووووووووووووو
ديما تقول أمي الله يحفظها :" ماحد جي من بطن أمه متعلم "
وإنما هذه المواقف تحفزك للتعلم ،،،
وكل مرة تضيفي معلومة لأرشيفك ،،، حتى يصير عندك ثرووووووووووة علمية ترفعي بها الجهل عن نفسك وعن غيرك ،،،،

[أثري في مدادي]

أم معاذ ،،،،،،،،،،،،،،، آنستينا
أم وسونة ،،،،،،،،،،،، مبارك علينا وعليكم العيد
سوما ،،،،،،،،،،،،، عيد بنكهة جديدة ،،، روعة استمتعي احني خلاص راحت علينا هذا العيد 12 ،،، إن شاء الله العمر كله ،،،
ما تنسيش تشري لعريسك حاجة هدية بمناسبة العيد ،،،،
هذا العيد اللي يستاهل الهدايا ومأجورين فيه ،،، مش الأعياد اللي خانبينهم من الروامة الكفار
عيد الحب ، عيد الزواج ،،، عيد الخطوبة وعيد مش عارفة شنو ؟؟؟؟؟

خلونا على العيدين الشرعيين " الفطر والأضحى " وغير كان نديروا فيهم اللازم قداش حنستمتعوا ونمتعوااااااااااا

[أم أجنادين 80]

السلام عليكم
كل عام وانتن بخير وعساكم من عواده
كل البنات شن اخباركم
ســــوسو وين صالة السماح منعرفش الا الصالة القريبة من جامع السلام
شن خديتي منها
انا مشيت لصالة عبد المهيمن علي الطريق الساحلي
ومحل دلتني عليه صديقتي في سبان اسمها صالة عصام

[Om KHaled]

السلام عليكم
التصوويت مسابقة اللوك الاسود
http://forum.hwaml.com/showthread.ph...58#post2632458
التصوويت مسابقة جمالك سيدتي
http://forum.hwaml.com/showthread.ph...87#post2632387
التصوويت مسابقة عيدكم مبارك
http://forum.hwaml.com/showthread.ph...91#post2630891
كل عام وانتم بخير

[أم أجنادين 80]

صباح الخير
الباين الكل غاطس في التنظيفات انا كملت
وشوية ثانية بنمشي لحوش عمي بنساعدهم وبنفطروا مع بعض

[راية]

اثري في مدادي ....بارك الله فيك انتي الوحيدة اللي عبرتيني ورديتي عليا ... ربي يسهل ان شاءالله ...وكل عام وانتم بخير كلكم كلكم وينعاد عليكم بالصحة والعافية وان شاءالله العام الجاي زي هالوقت يا اثري وام اجنادين وكل اللي يبو يحملو يكون في حوشنا بيبي يعيط ونفكرو كيف بنسكتوه في حوسة العيد ^_^

[أم أجنادين 80]

معقولة ولاوحده دخلت منكم

[Om KHaled]

كل عااام وانتم بخير
عسااااكم من عواده،،،

[ام معاد]

السلالالالالالالالالالالالالالالام عليكم
تقبل الله منا ومنكم صالح الاعمال وكل عام وانتم بخير